ليـت جنـح الليل يحملك اسـاي ]-

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 26

رد: ليـت جنـح الليل يحملك اسـاي ]-

مُساهمة k.w.k الخميس أغسطس 07, 2008 5:19 pm

في بيت بو علي ..
الساعه 7 فليل ..
العيــــــن ...

لاخوي ولامخاوي ولالقيت اللي اهتويت *** بين ياسي وبين همي غارت ببحر الغرام
ياحبيبي روف وارحم طالبك وانا رجيت *** حالتي ماهي بخير في الحشا عوق وسقام

ام محمد : قعدي وين بتروحين ...
ظبيه : بروح مطر اروحه تتدرين انتي مانروم انخليه روحه وايد .. ايضيج ...
حصه : اف لازم تلصقيييين ..
ظبيه : حصووووووه مطور غاوي مايتخلى اروحه عن لا يلعب بذيله ..
حصه : هههههه هيه صح .. نسيت ..
اليازيه : حليله مطر مايخصه بالهسوالف والله هو مايشوف حد فهالدنيا الا انتي ..
ظبيه : هيه عاده هو من البارحه حاشرني ردي وردي ..
حصه : ههههههههه زين زين احسن الريال يبا الحرمه اللي تلصق .. فيه ..
ا ممحمد : انتن هنتيانتكن ماتستحن على ويوهكن شو هالرمسه اتقولين معرسات الحينه واعيالهن تحتهم وخبازات الرييال خباز يله يله انجبن ..
اليازيه :هههههههههههههه ..
حصه : شو نتعلم تبينا بقر يوم انعرس ..
ام محمد : انتي بقر انتي خبررررررررره ..
ظبيه : والله انكن انتن ..
اليازيه : ومنوه بيوديج؟؟
ظبيه : احمد.. بيسير اليوم بوظبي مادري شو عنده قتله وصلنيه .. انا قايله حق مطر اني ماباي بسويله مفاجاه ..
ام محمد : هههههههههههه ..
احمد : يله اتحركي بسرعه جان تبيني اوديج مستعيل انا عندي شغله ..
ظبيه : مواعد شو ..؟؟
احمد : جب لا ..شو هاي سوالف اليهال مواعد .. ياهل انا يعني ؟؟
ظبيه : عيل اشعندك مستعيل ..
احمد : مواعد ريال وبسير له والله اروح عنج وخلاف خلي ريلج ايي يشلج ..
ظبيه : حشا منهم بيدونج بيذلونج بيببونج بعد بيذلونج ..
ام محمد : يبون يادبونج ..
احمد : هيه عسب ماتقولين ودوني وهاتوني ماعندج ريل انتي ؟؟
ظبيه : عندي اقولك عنده شغل شوهع.. وغمزتلهن ...
احمد : يله انزين ..
ظبيه : عن الحشره زاهبه انا .. وقعدت تزقر خدامتها عسب تنزل حمده والاغراض من فوق نزلت الخدامه وعطت حمده اليازيه وراحت اتييب الاغراض واتحطهن في سيارة احمد وتموا يسولفون في الحوي ... وراح احمد يزقر حمدان ..
احمد :حمدااااااان ..
حمدان : خالي ماريد اروح ..
احمد : تعال تعال ع كيفك هو ..
حمدان يصيح : امايه ماريد اروح ..
ظبيه : احمد دخييييلك فتنه وحده دخبيييلك .. كرهني حياتي كل ماني بنروح نحن وياه على ها الموال يله فكنيه .. اركب ..
احمد : لا هو ريال بيركب مايبا حد يفتن عليه خلاف انا بمر عليك وبروح وياك دبي الستي يله يله اركب ..
حمدان : بتوديني الالعاب ..
احمد : هيييه بوديك ..
حمدان : وعند هييج البنت ..
احمد ايفج اعيونه : هيه هيج البنت الصغيره اللي في الالعاب ..
وتموا كلهم يضحكووووون ..
احمد : انجبن اشعنه تضحكن ..
ام محمد تنغز : البنت الصغيره ؟؟
احمد :الرييييييييييم ..
ام محمد : انزين انزين .. ههههههههه ...
وراح احمد صوب سيارته وركب وشل حمده وركبت الخدامه مع حمدان ورا ويت ظبيه وركبت حذال احمد وكانت لابسه جلابيه مخوره لونها وردي وشيله مالت الصلاه لونها ابيض وفيها ورود ورديه كبار .. ووصلوا سويحان حدر احمد بسيارته البيت .. ونزلت ظبيه ..
ظبيه : ادخل . انزين ..
احمد : طالعوا هاي اقولها مستعيل اتقولي ادخل ...
ظبيه : انزين ها حمدانوه راقد منوه بيشله انا ماروم ..
احمد : اكييه خدامتج بتشله ..
ظبيه : حليلها خدامتيه ماشاء الله عليه هو متين منوه بيشله ..
احمد : ايهيييه وانتي لازم اتاخريني سويلي سويلي درب ..
ظبيه : انزين ..
وراحت ظبيه عسب اتسويله درب .. ظبيه كانت ساكنه مع قوم عمتها اللي هم ابو مطر وام مطر ..مطر ماكان يقرب حق قوم ظبيه اي شي .. امه شافتها في عرس اخوها علي وخطبتها .. ومطر كان عنده اختين شمه عمرها 20 سنه وعزه عمرها 18 سنه وعنده اخو اسمه سهيل يدرس استراليا ...حدرت ظبيه وسلمت على شمه وعزه وام مطر في الصاله ... وتمت اتسولف معاهم ونست احمد .. احمد يا ووقف عند الباب ..
احمد : هوود هوووود ..
ظبيه : ههههههه نسيته .. خالتيه ها احمد اخويه شال حمدان ..
ام مطر : حياك ياولديه اقرب اقرب ..
ودشن عزه وشمه في الصاله الصغيره اللي كانت تحت ..
احمد : السلام عليكم ..
ام مطر وظبيه : وعليك السلام والرحمه ..
احمد : شحالج خالتيه ..؟؟
ام مطر : بخير وسهاله الغالي انته شحالك ربك بخير وشحالهم هلك .؟؟
احمد : بخير وسهاله ربي يسلمج من الشر .. سمحيليه خالتيه ..
ام مطر : لا يابويه مسموح ..
وراح احمد وحدر قسم ظبيه وحط حمدان ع السرير وتم يتعطر من عطوراتها ونزل ..
احمد : يله مع السلامه خالتيه ..
ام مطر : افا يابويه تعال تم اتعشى عنا الحينه بيظوي مطر ؟
احمد : لا ماعليه خالتيه مره غير ان شاء الله لاني مستعيل ومواعد رياال ..
ام مطر : ربي يحفظك ياولديه سلم سلم ..
احمد :ان شاء الله خالتيه سلامن يبلغ .
وظهر وظهرت وراه ظبيه .. وتمت واقفه ع الدجه وراح هو صوب سيارته يركبها ..
ظبيه : يله اتحمل ها شويشوي ويوم بتوصل العين اتصل طمننيه ..
احمد : ان شاء الله ...
وهالوقت شمه وعزه كانن مبندات الليتات اللي في الصاله الصغيره اللي كانت درايشهن في الحوي ..وواقفات ع الدريشه
شمه : عزه فدييته والله اني اموووووت فيه اه اه ياقلبيه ماتحمل اشوفه ..
عزه : الحينه انتي من 5 سنين تهاذين فيه من هاك اليوم يوم كان اايول في عرس ظبيه ومطر ..
شمه : احبه ياختيه احبه شسوي ..
عزه : تعالي هاي سيارته البورش كايين الرصاصيه ..
شمه : هيييييه ..
عزه : وانتي شعرفج ..؟؟
شمه : اعنبوه هاك اليوم يوم كان ياي يشل ظبيه ايوديها دبي ..
عزه : والله انتي اللي دومج ترصدين تحركاته انا ماعرف عنه شي ..
شمه : لا تلوميييييييني .. من زود حبي له ...
عزه : بقولج شي بس لا تنصدمييييييين ؟؟
شمه : شووه ؟؟
عزه : اصلا احمد جميل ماشا الله عليه حتى سعيد اخوها بس هيله هل بالخيل لا تحطين في بالج انج تاخذين حد منهم ولا تحبين حد منهم مستحيل انسان في هالحلاه وهالجمال وخصوصا هالكشخه اللي يكشخونها مايكون عندهم بنات مستحييييل ..وهالسيايير وهالجمال لانه اكثر شي صار ايهمالبنات سيارته ومخباه وجماله ..
شمه قلبها عورها : اووووووه .. بس بس جب ماريد اسمع ..
وظهرت شمه وراحت تقعد مع ظبيه وامها في الصاله ..

الجزء السابع

انا طيفي عساه ايمر فـــي عيـنك *** من غيافك طيوفك ترقد بعيني
حرام البعد دامه قلبي في ايدينك *** احــــــبك والمحبه خالده فيني

يوم الجمعه
في بيت بو محمد
الساعه 8 فليل ...

هل بوظبي توهم كانوا واصلين من العين من بعد اجازة العيد اللي قضوها اهناك ..
اليازيه : اف والله انيه تعبانه ...
محمد نازل ع الدري يرمس في التلفون : والله ياينك يله انته اترياني ...افا عليك منوه قال ثواني .. ايهيه عاده يالمزروعي بس عاده فج عنا عن ها القذا ...
حصه : حمووووود ..
محمد ياشرلها عسب تسكت : انزين يله الحينه ظاهر عد من واحد لين خمسين بتشوفني عندك .. وسكر التلفون ..
حصه : وين بترووووووح كااااااشخ ؟؟؟
محمد : المارينا ..
اليازيه : انتوا شو دوام عندكم اهناك .. اتوقعوووون حضور وغياب ولا شوه السالفه ؟؟
حصه : هههههههه لا ويقولج بعد يعطونهم معاش اخر الشهر ..
اليازيه : ههههههههاااي لا لاه ..
حصه : هييييه ..
محمد ايعيب عليهن : هههييييييهيه ..مالت عليكن ..انقلعن وظهر عنهن ..
حصه : اتشوفينه ريلج هو اللي يحن عليه عسب اييروح معاه المارينا ..
اليازيه : هييه ادريييبه ..
حصه : يزووي يت في بالي خطه شو رايج ؟؟
اليازيه : شووو ؟؟
حصه : ههههههههههههه هههههههههههههه .. شو رايج انروح نشحت عند باب بيتهم ..
اليازيه معقده حياتها : ههههييييي سخييييفه .. اشعنه انتي قاصرنج نص ولا ربع عادي عندي بعطيييييييج ..
حصه : اوووووووووونه .. ماريد اريد خمس دراهم ...
اليازيه : روحي عند ابوج ..
حصه : بروح اسولف مع ربيعاتي ع النت انتي مامنج فايده مالت عليج من اخت ..
اليازيه : اف فككككه .. بنفتك ..
حصه : ماعليه يااختي العزيزه ..
وراحت حصه وشغلت النت وقعدت اتسولف مع ربيعاتها ...

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 27

رد: ليـت جنـح الليل يحملك اسـاي ]-

مُساهمة k.w.k الخميس أغسطس 07, 2008 5:20 pm

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 28

رد: ليـت جنـح الليل يحملك اسـاي ]-

مُساهمة k.w.k الخميس أغسطس 07, 2008 5:22 pm

في بيت بو سيف
الجمعه 10 فليل
الرمـــــاح ...

ام سيف كانت قاعده في الصاله وقاعده معاها ام خلفان اللي هيه ام نوره ومعاها نوره وعلياء .. وكان وراه ناصر وداسه ع ريله ..
خالد : هوووود ..اخ يالسبال دسسسستني ..
ناصر : هههههههههههه والله بالغلط ماضفتك .. .. بغسل ايديه عن الدم ماشفتك كنت قاعد اعشي الصقر .. هههههههههه ..امايه احدر ..
ام سيف : اهدا يابويه محد غريب اهنيه الا انا وخالتك ام خلفان ..
خالد : السلام عليكم ..
الكل : وعليييييييكم السلام والرحمه ..
ناصر وفي ايديه الدم : السلام عليكم ..
ام سيف متروعه : بسم الله ياولديه شو ها اللي في ايديك شو بلاها ؟؟
ناصر : لا امايه ها الدم مال الحمامه تونيه معشي الصقر ..
ام سيف : روعتنيه ..
خالد : بالله عليج من وين بييه الدم هاه يعني... هاذا الدم ايشوفه يتروع منه ..
ام سيف : بسم الله ع ولديه ..
خالد : شحالج خالتيه ؟؟
ام خلفان : بخير وسهاله شحالك انته ..
خالد : ابخير وسهاله ..
ام خلفان : شحالك ناصر ؟؟
ناصر :بخير .. السموحه .. وروح عنهم .. عسب يغسل ايديه ..
خالد: امايه تعالي فديتج اباج شويه ..
ام سيف : يله ان شاء الله يايه .. اسمحولي البيت بيتكم شويه وبييكم ..
ام خلفان : لا فديتج مسموووحه ..
ونشت ام سيف وراحت صوب خالد اللي كان واقف عند الممر اللي ع دخلة الصاله وخلاف تم يكلم امه ..وتمن نوره وعلياء يتصاصرن ..
نوره : اااه فدييته شوفيه محلاه .. اه اخبال والله خبال ..
علياء : تتدرين ناصر وايد خقاق ..
نوره : كيف ؟؟
علياء : شوفي كيف كان يتكلم وراح بسرعه واتغير شكله يوم شافنا كانه كارهنا ..
نوره : حليله يمكن مستحي ..
علياء : الله يعلم به . بس خلود حليووووو مووووووت .. مالومهن البنات والله ولا الومج حتى انا شكليه بتخبل عليه..
ام خلفان : شو بلاكن تتصاصرن ؟؟؟
علياء : ها لا..امايه ماشي ..
وخلاف حدرت ام سيف عليهن ..
ام سيف : غربل الله ابليسهم من اعيال .. بلا بلا ..
ام خلفان : ههههههه .. حليلهم ..
ام سيف : اترومين عليه .. عيل ايقولليه بسير ببات في دبي ثلاث ليالي وباخذ اجازه من الدوام .... اعنبوه ماعندك بيت ترقد فيه ..
ام خلفان : حليلهم بعد شباب يبون يستانسون ويغيرون..
ام سيف : لا لا انا ماتعيبني هالمناكر شو يوديه دبي اروحه يبات اهناك ..يوم بيعرس خله يروح مع حرمته
ام خلفان : وخليتيه ايروح ؟؟..
ام سيف : ايهبي يريته من اذنيه وقتله اتقر اهنه ولا تتحرك وجانه في خاطرك سيرة دبي روح يوم الارلعاء ورد بالجمعه ..
ام خلفان : هههههههههه .. والله ياختيه هم بيني وبينج يستاهلون وشرات ماتخافين عالبنت بعد خافي ع الولد ..
ام سيف : فديييتهن البنيات طالعي محالتهن ..هاديات ويقرن لج في البيت الا هيله الرغديه قعدي اترييهم فليل وحاتي هاذا واتصلي في هاذا .. ملعوزييييينيه تلعويز ..
ام خلفان : الله يعينج ..
وتموا شويه قاعدين عندهم وخلاف يوم يوا بيظهرون ووقفوا عند باب الصاله عسب يسلمون على ام سيف خالد توه كان حادر بسيارته لانه راح الدكان اشتارله حايه ورد ويوم رد هم توهم كانوا ظاهرين فكانوا جدام سيارته لانه هو وقف سيارته في الحوي جدام باب الصاله واول مادخل كان مشغل ليتات السياره بس من شافهن بنندد الليتات ..
ام خلفان : ماشاء الله عليه حشيم ..
ام سيف : عيل هلي ناقص انتوا ظاهرين وهو بليتاته ايهبي ..
ام خلفان : حليلهم يام سيف دومج الا طايحتبهم ..
ام سيف : هههههههه .. لا ماعليج ياختيه خليهم يستوون رياييل ..
ام خلفان : يله عيل مع السلامه . وسلمن وراحن .ونزل خالد من سيارته وحدر ورا امه البيت وشافوا ناصر طايح في الصاله وحاط تحت راسه المخده وقاعد يطالع قناة دبي الرياضيه ..
ناصر : هيله مايشبعن كل يوم ونقزن وين اعنبوه لا خيال ولا مستحى وهاي الام مول ماتستحي كل ماتروح مكان يابت بناتها ويت تركض شو تعرضهن جدامنا ولا شو سالفتها ولا ليكون حد من سنهن اهنيه عسب ايين وايسولفن معاه ولا يقعدن معاه ..
ام سيف : وانته شعليك من العرب ويدي يعني يوم العرب بييونا انصك الباب في ويوهم خلهم اييون حياهم الله وكل انسان حر في تربية اعياله ..
ناصر : والله بكل وقاحه يايه وساحبه بناتها ..
ام سيف : انا بناتها مول مايعبنيه ..
خالد : وهاي الخبله من اتشوفني فجت اعيونها وحلجها اتقولين شايفه عزرائيل جدامها ... خبايل هيله ولا شوه ..
ام سيف : اووه طبوهن عنكم بسم الله عليكم ياعيالي ربي يحفظك ربي يحفظكم وتمت تقرا عليهم..
ناصر : ههههههههه .. امايه شووووو اتسوين ..
ام سيف : ياولديه اقرا عليكم ..
خالد : امايه شو خبايل ؟
ام سيف : وايه وشرط اتكونون خبايل الا انتوا خبايل يالتعبان انته معاه ..كلام الله بيحفظكم من كل عين ..
خالد : هيه والله زين زين يزاج الله خير .. عاد اناهب عين وحده الف عين اقري اقري ..
ام سيف : ياله ياخقتك ياولديه اللي ملعوزتنك ..
ناصر : ههههههههه .. حتى الام تشهد هاااااه ..
خالد :اص اص لا افعصك شرات الحمامه .. اللي توك فعصتها عسب ياكلها الطير ..
ناصر: هيه عاده مايحتاي ..
خالد : انزين يله ابرايكم انا بروح الصاله اتمرن ..
ناصر : هههههههههههههه .. مشكللللللله ..
خالد : راسك اكبرررررر مشكله .. انقلع .. وظهر عنهم ..
ام سيف : انتوا دوم جذييييييييه ناقر ونقييير ..
ناصر : ياله ياموزه نحن عاده الا نتمصخر ..
ام سيف : انا بعد بروح اشوفهن شو سون حق العشا ..
ناصر : شوفي انتي روحج اللي تبين العباله والتعب حق عمرج الحينه شو اللي مودنج المطبخ .. تراهن بيخلصنه وبيحطنه لا لازم اتروح اتعب عمرها ..
ام سيف : هيه عاده يابويه انا ماعرف الا اجابل مطبخيه ....
ناصر : عوقج هالمطبخ ..
ام سيف : صخ صخ .. هههههه .. وراحت عنه ..

في مدرسة حصه
الساعه 1 ونص ..
السبت

حصه كانت قاعده في الصف مع ربيعاتها وكان عليهم انجليزي الحصه الاخيره ..وحصه قاعده ملانه لانه كانوا مقعدينهم كل وحده روحها وهي تتحرقص الا تبا اتسولف مع حد ... فكانت المدرسه قاعده تشرح الدرس وحصه تتطالع الصور اللي في الدرس اللي في كتاب الانجليزي .. شويه وشافت رسمة كاركتير حق ريال وهالريال شيبه وشكله يضحك جان تضحك..وشويه وقعدت تزقر ربيعتها اللي جدامها ..
حصه : هندووه .. هنوووده ..
هند صدت عليها واتكلمها شويشوي : هاه ..
حصه بصوط واطي : هههههههه .. ريلج ريلج ..
وتمت هند تضحك واتهز راسها ..
حصه : اووووووه ريلج ..
هند اتهز : راسها انزين انزين .. وهي تضحك ...
وتمن حصه وهند يبتسمن وميودات ضحكتهن بس عسب مايظهر الصوت ..
وحطت حصه ايديها ع ثمها وقال بسوط : ريييلج .. وهالصوت ظهر عالي لانه كانت حاطه ايديها على حلجها فصدت المس وشافتهن هن الهنتين يتضحكن ومن صدت خشت حصه راسها ورا هند وطبعا هند في ويهه المدفع ..
المس : اوووموا اوقفوا انتي وهيه ياستيوبد ..
موزه وهي تضحك : ههههههههه خلي ريلها ينفعج الحينه عقب ماوقفتي ..
ونشن وقفن حصه وهند وهن بعدهن يضحكن على رمسة موزه وع شكل المس المعصبه هند هدت شويه لكن حصه شو بيسكتها تمت تضحك وتضحك وتنخش ورا هند واتكمل ضحكتها ..
المس : بس هيه مابتخلصش ولا اييه ..
حصه حاطه ايديها على حلجها : هاه .. انزين انزين خلاص بسكت .. طبعا والويهه مستوي طماطه من كثر الضحك..وتمت ساكته شويه جان اتصد على ربيعتها موزه جان اتقولها ..
حصه : اقولج ..
موزه : هاه.. وعطتها ورقه مكتوب فيها
حصه : ريلج ..
ردت عليها موزه بورقه ثانيه ..
موزه : شو بلاه ريلي ؟؟
حصه : ريلج ريل المس ..
موزه : ههههههههههه .. يخسي مااباه مستعمل ..
ومن وصلت الورقه حق حصه تمت تضحككككككككك ...
المس : ايييه ده ياحصه .. فيييكي اييه اليوووووووم ؟؟ عماله من الصبح تتضحكي طيب ضحكينا معاكي يعني نحنا دلواتي مش حنقدر نشرح الدرس ولا ااييه ؟؟ديه اليازيه اختك انا درستها تلات سنين عمري ماشفت عليها حاجه انتي فين وهيه فين ..
حصه : مس انا في المدرسه بس هيه الحينه في الجامعه وماعرف شو اتسوي ؟؟
وتمن البتنناااات يضحكن ..
المس : دي هيه نسمه نسمه ..
حصه : وانا ؟؟
المس : انتي انتي حنزله ( حنظله )
حصه : ههههههههه اوووونه لاااااا شووووو ..
وخلاف خلص الدوام ونشت حصه مع ربيعاتها ولبسن عبيهن وخلاف روحن صوب البوابه الرئيسيه عسب يظهرن ..وبيكونن هن واقفات صوب المساحه العوده اللي يوقفن فيها البنات والسيايير اين ايوقفن في الباركنات اللي جدام هالمساحه العوده ..وحصه قاعده في الزاويه مع ربيعاتها ايسولفن وخلاف ..
موزه : يله ابرايكن اككوه اخويه يا بروح انا ..جااو سي يو تومورو ..
الكل : سي يوه تو ..
هند : اييييييه طالعوا هاذا المزيون اللي في الرنج البيضاء.. فقتكن لا تصدن الحينه عقب صدن ..
حصه : خليه يولي منوه يباه .. خل الخايسات يظون عليه ويفجن احلوجهن من درابه ..
موزه : الله يخسكن يالفضيحه ابرايكن ... وتوها موزه بتروح صدت حصه صوب الرنج وشافت اخوها محمد ..
حصه : هههههههههههههه اخويه حموووووود .. ياويهه ولا حد خبرنيه انه بيي يشلني ..
هند : اونه هاذا محمد ؟؟
حصه تحرك حياتها : هيييه تبييينه ..
هند : سباله ثرج ماتستحين انقلعي عاده اوكي بنقول حلوين وشينين لكن نباهم بيبطون ..
حصه : هههههههههه .. ياويلي عليج انا فديت بنت البدويه انا ..
هند : امحق لييييل ... اكوووه ياروميو دريولنا ..
ومشن حصه وهند وموزه صوب سياييرهن ..وكلهن كانن متحجبات .. وسيارة اخو موزه البي ام كانت موقفه حذال سيارة محمد .. فاظطرت حصه انها اتلف عسب تركب عدال محمد وطبعا الباب اللي هيه بتفتحه كان عدال باب اخو موزه .. وركبت حصه واخو موزه قعد يطالع حصه لانه سيارته مخفي ومايبين اذا كان يطالع ولالا .. وسيارة محمد الرنج ماكان عليها مخفي .. وكانوا واقفين بسبب زحمة السيايير
محمد : حوه اتغشي يالسباله ..
حصه : اوووه مابا ....
محمد يفج اعيونه يطالعها اونه عاد يروعها : حووووووووه تستهبلين انتي ولا شوه بالتلفون بترنقعين ..
حصه : هههههههههه .. انزييييييين .غريييبه ياي اتشلني ..
محمد : ياويهج ثرج هب ويهه حشيمه نزلي نزلي ..
حصه : هههههههههه .. فديييت روحك انا ياخويه وقعدت اتسولف معاه لين ماوصلوا البيت ...
محمد اليوم فليل كانت طيارتهم حق لندن عسب ايردون لانه دواماتهم بتبدي ورا باجر ..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 29

رد: ليـت جنـح الليل يحملك اسـاي ]-

مُساهمة k.w.k الخميس أغسطس 07, 2008 5:22 pm

في بيت بو علي
الاحد 5 العصر
العيــــــن

في الروح حبه دوم موجود .... يابوي هايم به هيامي
هو غايتي وهو كل مقصود .... وأحن له حن الضوامي

احمد كان في غرفته يكلم دانه في التلفون ..
دانه : غناتي انته وين بتروح ...
احمد : بروح شويه بسوي رياضه ...
دانه : ليش عاده جسمك حلو مايحتاي اتسوي له رياضه ..
احمد : ههههههههه .. عسب اقدر اشلج..
دانه :هااااااه ...؟؟.. لا لا بطيح شووو ؟؟
احمد :فدييييييتج احبج احبج والله والله ..
دانه : وايد ؟؟
احمد : انا اصلا مااحبج..
دانه : عيل شووووووو ؟؟؟
احمد : ااانا .. اناااا ... انااااا ..
دانه : هيييييييه ..
احمد : امووووووووت فيج..
دانه : روعتني ..
احمد : اتشكين في حبي لج ..
دانه : اشك في نفسي ولا اشك فيك ..
احمد : هيه اشوا عليج اتحريييييييت ..
دانه : ههههههههه .. لا لا لا تتحرا ..
احمد : صبري غناتي بظهر من غرفتيه بركب سيارتيه .
دانه : ان شاء الله ..
ظهر احمد من قسمه هو مع سعيد وراح الصاله شاف مريم وامه وفلاح قاعدين في الصاله ..
احمد : هوووود ..
ام علي : اهدا ابويه ..
احمد : السلام عليكم ...
الكل : وعليك السلام ..
وفلاح كان طايح على ريل امه يدلع ..
احمد : هاي الدلوعه شو سالفتها ؟؟
مريم : كالعاده دلع كل يوم ..
احمد : هههههههههه ..تعال بنسييير وياك بنركض .. الا شو هالبدله احلوه اللي لابسنها منوه اشتراها ..
فلاح وهو يمممد لساانه : اممااااااايه ..
احمد :وايد حلوه ؟؟ .. بتعطينيه اياها ..
فلاح يضحك ع احمد شكله يطنز عليه : هههيييييييي ثغيله ..( اونها صغيره (
احمد : اتجوفييينه ولدج ..
مريم : انتوا مدلعينه اتحملوا دلعه ..وخصوصا عمتيه العرب كلها في صوب وفلاحوه الزعطوط في صوب ..
ام علي : اه من غيرتكم ..
احمد : ها مريوم ها ها ..
مريم :ههههههه هاه هاه احموده هاه هاه ..؟؟
احمد : لا ... لا افا عليج انتي الغاليه ..
مريم : هيه الحينه توك..
احمد : خلج عاده انتي تستانسين عالمديح .. يله السموحه ..
ام علي : تعال انته وين ساير الديسكو لابس بنطلون وقميص ..
احمد وهو ناقع من الضحك : ههههههههههههه ..والله مافيها الدنيا خير يوم انتي عرفتي الديسكو ..
ام علي : اشعنه اللي يعرفونه اخير عنيه ..
احمد : افاااا علليييييييييييييج .. شيخة الحريم ..وين ديسكو الحينه العصر ..
ام علي : اتحراك بعد .. جان ذبحتك قبل لاتظهر ..
احمد : هههههههههه .. لا لا لا تذبحيني ولا الله قاله بسير الا اركض بسوي رياضه وبرد .. يله فلاح انسير ..
فلاح نش من مكانه وهو مستانس : يله بنلوووووح ..ومد ايديه حق احمد عسب يمسكه من ايديه ..
احمد : ياربيه فديت وفديت هالايد الصغيلوونه على قولتك ..
وظهروا احمد وفلاح بطل احمد باب سيارته من جدام وشل فلاح وقعداه على الكرسي وراه صوب مكانه وبطل الباب وركب وحرك السياره ..
احمد : سوري طولت ..
دانه : لاء ..
احمد : انزين وشو العلوم بعد ؟؟
دانه بدون نفس : بخير ..
احمد : شو فيج ؟؟؟
دانه : ماشي ..
احمد :ماحيدج تزعلين يوم اتاخر عليج واكون عند هليه غريبه اول مره ..
دانه : لا ماشي خلاص برايك ..
احمد :شو فيج ؟؟..
دانه : لا والله وانته عادي عندك اتقول حق حرمت اخوك انتي الغاليه ومادري شو وعادي انته هاك اليوم كنت قاعد حذالها يوم تتغدى انا طوفت لكنك انته مصختها عاده ...
احمد معصب : حوووووو انتي تخبلتي ولا شوه هي الا شرات ختيه .. ونحن متعودين عليها ونحن مافي خواطرنا شي خايس ..
دانه : هيه بس انا اغار ..
احمد : لا والله ؟؟؟
دانه : هيه اغار عليك من كل شي في هالدنيا انا اباك اليه انا وبس اتعرف شو يعني اليه انا وبس ..
احمد : هيه بس انا ماحب هالاسلوب انتي تعرفيني عدل ...
دانه : انزين خلاص انا اسفه ..
وتم احمد معصب شويه وخلاف هيه قعدت اتراضيه وعطا فلاح التلفون وقعد يغنيلها اغنية حمد العامري الله عطانا ..
فلاح : الله اتانا خير وناام والهمد له وادب الينا .. يلي اتانا ايمان والهام من فدله التافي اتينا ..
احمد : هههههههههههههههههه .. فديييييييتك فدييييييييييييييتك فدييييييتك والله فديت هالحلج الصغيروني والله يادانوه لو شفتيه كيف ايحيس حلجه ..
دانه : هههههههههههه .. قلبي والله انه قلبي فديته ياربي ...
فلاح : يله انته دول ..الله اتانا
دانه : شو ايقول ؟؟
احمد : ايقولي اونه انا اقول الله عطانا ..
دانه : فديييته .. يله قول عسب خاطريه وخاطره ..
احمد : من حلات الصوت .
دانه : فدييييت احلا صوت ..
احمد كان صوته وايد حلو يوم ايشل لانه هو وخالد دوم يقعدون ايشلون شلات ..
احمد : بس مقطع هاه لانه مافيني صوتيه مبحوح ..
دانه : هههههههه اوكيه ..
احمد : الله عطانا خير وانعام والحمد له واجب علينااااا .... يلي عطانا ايمان والهام من فضله الطافي عطيناااا ... واليوم صارت جنة احلام تزهر بفل وياسمينا .. دام الوطن تخطيط وانظام زان وتزخرف به بهينا ..
دانه :فدييييييييييييييييييييييييييت هالصووووووووووووت ...
فلاح يصفق : ثاااااتر ..
احمد :ههههههههههههه ..
وتم احمد ايسولف ويا دانه وخلاف نزل مع فلاح وتموا يربعون ..

في بيت بومحمد
الساعه 11 فليل
اليوم الاحد

روح وسافر بس توعدني تجيني *** وانت سالم للي ينطر مرجعك
اما عني روح ولي ربٍ يعينــــي *** الله يعلم كـــــيف حال مودعك

اليازيه كانت قاعده مع حصه في الغرفه ..
اليازيه والدمعه فعيونها: اف بمووووووت اشعنه ايروح ..
حصه : لا والله يعني الحينه هو دوم عندج ريلج يعني مجابلنج اربع وعشرين ساعه ..؟؟
اليازيه : لا بس غير يوم يكون في البلاد اكون مطمنه عليه ..
حصه : انزين يله انروح نتعشى ادعي الهم يوصلون بالسلامه
اليازيه : اه امين يارب .. لا لا مابا اتعشى ..
حصه : يزوي عاده لا تمين جذييه ..
اليازيه : والله حصووه مافيني مابا .,..
حصه : عشان خاطري والله ماتهونين عليه والله بصيح تراني ..
اليازيه : فديتج ياحصيص والله انتي قلبي ولوت عليها ...
ولوت عليها حصه .. وتمت حصه سااكته ..
اليازيه : يله قومي شو فيج ..
حصه :...........
اليازيه : حصوووووو..
وصدت عليها اليازيه ولقتها قاعده اتصييح ...
الجزء السابع
( الفصل الثاني )

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 30

رد: ليـت جنـح الليل يحملك اسـاي ]-

مُساهمة k.w.k الخميس أغسطس 07, 2008 5:25 pm

أحبس الانفاس والاشواق فيني *** واستحي من قلبي يكثر سؤاله
اخنق الآهات واصبر حنينـــــي *** ياحبيب الروح حبيبي تعـــــاله

في بيت بو محمد
الاحد 11 ونص فليل
بوظبـــــــــي ...

اليازيه تتطالعها منصدمه : حصيص حصيييييييص .. وتمت ادقها .. وحصه كانت طايحه ع الشبريه وحاطه ويهها ع المخده ..
اليازيه ترفع راس حصه بايديها : والله انتي تميتي جذيه اتصيحين والله بصيح تراني هاه اقولج من الحينه ..وتمت اتحايل انها ترفع راسها ..
وحصه حاطه راسها ع المخده ولاويه عليها بقوووو .. واليازيه ترفعها ودموعها ع خدها وع المخده ..
حصه بصوت متقطع : خليييني انزين خلييني شو تبين .؟؟.
اليازيه : والله سوري حصيص ماكان قصديه اذكرج كله منيه ..
حصه :................................................. .....
اليازيه دمعتها في عينها : انزييييييين خلاص بلا سخافه وقعدت تمسكها من جتفها تبا ترفع راسها من ع المخده وخلاف رفعتها .. ويوم رفعت حصه ويهها محمر وحاااااار والدموع ع خدها وع المخده ..
اليازيه : فديييييتج والله فدييييتج ولوت عليها .. انزين ليش انتي تسوين بعمرج جذيه ليش ؟؟
حصه اتصيح : لاني احبه واموت في حبه طالعي انتوا اتحبون بعض هو ايعرف انج تحبينه وانتي تعرفين انه هو يحبج ومع ذالك زعلانه عليه انه روح عنج وانتي تتدرين انه هو يحبج ويباج .. بس انا .. انا .. شووو ؟؟.. وتمت ساكته ومنزله اعيونها في الارض ..
اليازيه متلومه منها : حصيص لا تحطين في خاطرج شي واذا نصيبج صدقيني انج بتاخذينه ..
حصه تصيح : محد ايحس بالعذاب اللي انا فيه محد حاس ابيه شو من انواع العذاب اللي انا اعاني منهن .. اعاني من فراق اعاني من اهمال اعاني من عدم المبالاه .. واكبر معاناتي اني انا متعلقه في شي اسمه سراب مهما حاولت اني اوصله يشرد عنيه وكل ماتقرب منه يشرد هالامل ..
اليازيه : يعني هو مايدري لا تلوميييينه ..
حصه : لا يدري يوم كنا صغار ..
اليازيه : ليش انتي قلتيله ..؟؟
حصه : لا بس هو اكيد فهم من نظراتي له يوم كنت صغيره فهم منهن شي ..
اليازيه : حصيييييص عن الغباء قلنا انج اتحبينه عاده هب لهاي الدرجه توصلين من الينووووون .. كيف يدري بيدري يعني بشعور وحده عمرها 10 سنين وبس لانها اطالعته معناته انه هي اتحبببه .. الله يهديج بس .
حصه زادت اصياحها : قلتيها من كان عمريه عشر سنين يعني من فتحت عيني ع هالدنيا من عرفت انه الدنيا فيها شي اسمه حب حبيته يعني من كم سنه الحينه من 8 سنين يعني نص حياتي على هاي الدنيا نص عمري .. كبرت وانا شاله هالحب في قلبي لكن اكثر عن جذيه ماقدر اشله ماقدر .. ابا شي بس واحد يستوي عشان ايكون عندي دافع اني اكمل هالمشوار واكمل هالحب اللي هب راضي يطلع من بالي .. يزووووي . انااا ماقدر مااقدر اجوف حد غيره .. احس انه الدنيا مافيها الا هو وبس .. اللي ينحب او بالاحرى اللي انا اقدر انيه احبه ..
اليازيه : سمعي كلامي انا ختج اكبر عنج .. لا تتعلقين في امال الذنب هاذا كله ذنبج انج اتعلقتي في امال اتعلقتي يخيط رفيع ممكن في اي يوم انه ينقص ... مابفكر اني احب انسان انا ماعرف شعوره شو تجاهي لانه محد بيتعب في النهايه كثرج ...
حصه بتعب : آآآآآه .. اكثر عن التعب اللي انا فيه بعد فيه تعب ..
اليازيه : ماعليه فديتج كل شي مع الوقت .. وان شاء الله بيستوي النصيب وبيكون من نصيبج ومصيره يحس في يوم صدقيني اذا هب اليوم باجر .. وكثر ماصبرتي لازم تصبرين اذا تبين هالحب ..
حصه : انما ادفع نص عمريه عسبة هالحب بس ..
اليازيه : ياويييييييييلي انا على اللي كبروا وقاموا يحبون اعنبوووووج .. لها الدرجه اتحبينه .. عطينا نص من هالحب ..
حصه حاطه ايديها ع قلبها : ههههههههه .. مابا بس له هو هالحب بنبضاته في قلبيه ..اااه ..
اليازيه معقده حياتها : وكيف نبضات هالقلب ..
حصه : طاااخ طااخ ..
اليازيه : ههههههههههه.. ياويهج ..
حصه : جاااااااااااب ... اوكي ..
اليازيه : وانا اقول ماتمر عليج ساعه هاديه لازم ايردلج ينانج مايروم يقاوم لازم ينزل عليج ..
حصه وهي تنش عنها : في عينج يالصخله .. انقوووح .. وراحت عنها ..
اليازيه : تعالي تعالي وين رايحه .. رقاد الغاليه باجر دوام ..
حصه : لا والله ان شاء الله عمتيه روحي ارقدي مالي خص بروح تحت اسمع اغاني شويه ..
اليازيه : شيطاااااااان .. اعنبوج ؟؟
حصه : ترا هالقلب بلاوي ..
اليازيه : انتي تتدرين شو سالفتج .؟؟.
حصه : هممممممم لا شو ؟؟
اليازيه : انتي مافيج عقل وفيييج قلب كبير فيعني مستحيل انسان يكمل من جهة عقل وقلب وانتي الحمد الله عقلج خفيف وقلبج صبور الحمد لله ..
حصه حاطه ايدينها ع خصرها : لا والله .. حلفيييييييي ؟؟
اليازيه اتهز راسها : ييييييس ..
حصه : يزووي بذبحج تراني ..
اليازيه : لا لا عرب اعيونهم سود يبوني .. اه فدييييييته ..
حصه : تتدرين لو انا منج شو بسوي ...
اليازيه : شو ؟؟
حصه : لونننحن جذيه شراتكم اتلاقينا في هاك المكان ايهييييه .. بسوي بلاوي زرقا .. اول شي بمكسك ايديه خلاف ببوسه وبلوي عليه .. هههههههههههه ..
اليازيه فاجه اعيونها منصدمه : ............................. مالت عليج يالسباله شو اجااانب ؟؟ ياااااازينا .. مسودة الويهه انتي يوم اقولج ماشي عقل ..
حصه : ههههههههه .. جب ياويهج عاده اتمصخر .. انقلعيييي ..
وراحت حصه صوب الباب توها بتظهر شافت امها وابوها قاعدين في الصاله اللي فوق .. وسكرت الباب شويشوي ..
حصه واقفه وزامه بوزها : افففففففففف ..
اليازيه قاعده اتبطل شعرها عسب ترقد : شعننننندج ؟؟
حصه : امايه وابويه قاعدين والحينه عاده الريم لو شافتني واعيه لين الحينه بتسويلي حفله وبتحتفل ابيه .
اليازيه : دواااااج عيل رقدي باجر مابطيعين تنشين ..
حصه وهي تربع وتنقز ع الشبريه وتتلحف : افف امريه لله ..
وراحت اليازيه ورقدت حذالها .. وتمت شويه حصه اتلعوزها اخر شي ضربتها بقوطي الكلينكس ع راسها ورقدن ..

بيت بو علي
الاثنين 3 الظهر
العيـــــــــن

لا تكدر مزاجي لا تقول البعاد ** وانته من ذات ذاتي يالغزال الــــــعنيد
لا تغلا عليه خل عنك الـــعناد ** وانته تتدري بحبك صار حلمي الوحيد

احمد كان توه ياي من الدوام وشكله معصب ومب طايق الدنيا بكبرها ... دش احمد الصاله وحصل امه وابوه وسعيد ومريم قاعدين في الصاله ..
احمد : السلام عليكم ..
الكل : وعليكم السلام ..
وتوه احمد بيروح صوب الدري عسب يركب ..
ام علي : احمد بدل اثيابك وتعال غداك هاذوه اهني محطوط ..
احمد : مابا غدا .. انا فيني رقاد ..
ام علي : يابويه لاحج ثرك ع الرقاد تعال اول بادي اتغدى وخلاف سير ارقد ..
احمد متضايق : يامايه الله يهداج اقولج ماريد اتغدا مالي نفس .. وروح عنهم ..
ام علي : شو بلاه هاذا ..
بو علي : ربه مضايق من الدوام .. حليلهم ايكدونهم كد من الساعه 8 لين 3 لازم بيتعبون ..
ام علي : هو دومه ايدوام هب اول مره يدوام ...
مريم : يمكن مارقد البارحه عدل فليل والحينه فيه رقاد .. حليله شكله تعبان ..
ام علي : الله يهديه ان شاء الله ..
بوعلي : ماعليج منه خطبيله انتي بدال ماتيلسين اتحاتينه خلي حرمته اتي اتحاتيه ..
سعيد : هاهاه مانع شعندك ؟؟
بو علي : صخ صخ . انته مسود الويهه .. لا تخليني من باجر اسير اخليها اتخطبلك ..
مريم : ههههههههه .. وانا بسير وياها ..
سعيد : هيه خلج انتي عاده من دق طبله قلتي انا قبله .. يله يله قري مكانج ..
مريم : ههههههههههه ..
سعيد : لا لاه خلاص خلاص مالي خص انا افرجوا عنيه ..
وام علي تمت ساكته اتفكر في احمد ولدها .. تعرفون قلب الام .. واحمد قاعد في غرفته وماسك تلفونه وشويه ورن تلفونه وكانت دانه الللي متصله ماااااااااااااااات .. وبسرعه رد ..
احمد بلهفه: انتيييييييييي .. وييييييييييين ؟؟
دانه : اهنيه ..
احمد : لا والله وانا من متى اتصلبج وانتي ماتردين ..
دانه : جفت رقمك بس كنت مشغوله شويه ..
احمد معصب : لا والله من متى قمتي اتشوفين رقميه وتنشغلين عنيه احيدج اتفضيييين عمرج بس عسب اترمسسسسيني شو اللي ياج شو اللي حل بج اعنبوه بسالج الحينه انتي انا كم مره متصل فيج .. قولي ولا ماشفتيهن بعد ؟؟
دانه : لا شفتهن ..
احمد : كم مسد كول حصلتي ..؟؟ هاااااااااه ردي ؟..
دانه : 66 مسد كول ... وكلهن منك ..
احمد : ايوه يعني انا قاعد في الدوام بس الا اتصلج وانتي الشيخه اتشوفين الرقم وماتردين وهب مهتمه فيه اني انا من الصبح احاتي واتصل خايف عليج ماتحسسيييين شو ؟؟ممكن اعرف ليش ماتردين وممكن اعرف شو اللي مغيرنج عليه انتي البارحه من رحتي بيت قوم خالتج ويتتي وانتي متغيره عليه ومن دون سبب . .. ممكن اعرف شو اللي استوا والبارحه كنتي اترمسيني بكل برود وسكت عنج ولا قلت شي .. قلت ماعليه ربها تعبانه ولا شي .. لكن اليوم مالج عذر ممكن اعرفه عذرج ؟؟
دانه : ..........................................
احمد معصبب وميت من القهر : انا ارمسج على مااظن ممكن اترمسيني واتردين عليه ..
دانه ساكته وتمت اتصييح ..
احمد : لا تقهرييني شو اللي يصيحج الحينه خبريني شو اللي مستوي ..
دانه : اف اف خلاص عاد اسكت شعندك محتشر بس عاد ..
احمد : اتكلللممممممي احسلج لا تمييييييين جذيه تستهبلين انتي ولا شووووووو ؟؟ لا تحرقين اليه اعصابي تراهن من الصبح محروقات وواصل حدي رمسي احسلج ..
دانه : .......................................
احمد : اقولج جلبي ويهج .. وسكر في ويهها ..
وتم احمد قاعد ع الشبريه وميت من الغيض ويفكر الحينه انا شو سويتبها ... عسب اتسويبي كل هاذا شو قصدها من هاذا كله اف ياربي ابا افهم اففف .. وتم حاط ايديه ع راسه يفكر والافكار كانا اتوديه واتيبه ..وسعيد كان رايح صوب غرفته عسب يلبس ويظهر وشاف الليت في غرفة احمد مفتوح راح صوبه ودق عليه الباب

احمد : هااااه ؟؟
ودخل عليه سعيد ..
سعيد : احمدووه شو بلاك ؟؟
احمد : ماشي دخيلك سعود خلني اروحي والله انه الضيجه اللي فيه هب في حد دخيلك ..
سعيد : انزين شو فيك ...
احمد يزاعق علبه : شو قتلك مافيه شي .. غصب يعني ايكون فيه شي ..
سعيد : انزين عنبوه شويشوي على عمرك انا ماقللت شي ...
احمد : خلاص عيل اسكت عنيه ..
سعيد : شو انته اتعصب عليها وهي تعصببك وخلاف اتحط الحره فييني .. ياعمي روووووووح .. وظهر عنه ..
احمد : اف ياربي افففففففففففف .. وضرب بيديه بقو على الطاوله اللي حذال شبريته ... حدر سعيد غرفته واتسبح واتعدل ولبس ثيابه وراح صوب سيارته وشغلها عسب يروح بيت قوم خالته في الرماح ..ويوم وصل نزل وحصل خالته قاعده في الصاله وناصر وبطي وسيف .. وشمسه وديمه مطيحات جدام التلفزيون يطالعن سبيس تون ...
سعيد : السلااااام عليييهم ..
الكل : وعليكم السلام ..
وراح سعيد صوب خالته وحبها ع راسها ..
ام سيف : حبتك العافيه يعلني افداك شحالك ياولديه ؟؟
سعيد : بخير وسهاله ربي يسلمج ..شحالج انتي ؟؟
ام سيف : والله بخير وسهاله .. شحالهم قوم امك واخوانك؟؟ ..
سعيد : والله بخير كلهم ابخير ..
سيف : هب اليوم الصبح انتي مرمستنها ..
ام سيف : هيه .
سعيد : هههههههه .. ثركن امره ماتصبرن عن بعض وبعد تتخبرن عن بعض وهي بعد قبل لا اظهر سلم ع خالتك ..
ام سيف : الله يسلمك ويسلمها ياربي من الشر ...
سعيد : اميييييين ..
بطي : وايه وليش ماسلمت علينا حدرت واتفيزرت ..
سعيد : اعنبوه كل يوم الحب هو ماينشبع منه ..
ناصر : ههههههههه .. سعود تتزكى علينا اعنبوه الا سلام ..
سعيد : ههههههههه .. لا مافيني اتعورليه خشميه ..
سيف : ياريااااااااال هاذا بطرااااان امبووووونه ..
سعيد : هههههههههه ... الا هاي اعلوومكم هاه ..
بطي : هيه والله هاي اعلومنا .. قاعدين ويا موزه ..
سعيد : بس عليكم بعد شو تبون اتسدكم غرشوبة الرماح علكم اتسدون عوقها ..
ام سيف : هههههههههههه .. وايه فدييييت رمستك يالغالي لا خليت منك فدييتك .. وينه بو سيف يسمع هالرمسه ؟؟؟
بطي : شو بعد بو سيف بو سيف ثره نااقص ... متخشع تخشيع في هواج ..
ام سيف : هب هباك ربك .. اعنبوه رد الشهاده ع ويهك اتشاهد ..
ناصر : وووولللللل خيليه كلته بقشوره ..
سيف : ههههههههههه ..ماتنلام امممممره .. تخاف من الحسد من وين مايكون ..
ام سيف : اعنبوه الا الحسد مذكور في القران .. بسير عنكم بسويلكم هييج الكيكه الغاويه بناكلها وياكم .
سيف : بالسح نباها ...
شمسه : اللي سويتيها هاك اليوم ..
ام سيف : ان شاء الله ان شاء الله ... وراحت ام سيف عنهم ..
صد ناصر على سعيد واول ماصد عليه اتخيلتله اليازيه تم ساكت وسرحاااااااان ..
سعيد : نصوووور .. وينها سيارتك ماشفتها خاري ..
ناصر : ......................
بطي : هيهااااء رقد ..
سعيد : هههههههههه .. ناصر ..
ناصر : هلا هلا ..
سعيد : الحمد ع السلامه ..
ناصر عقد حياته : شو بلاكم ؟؟
سعيد : وين وصلت ؟؟؟
ناصر : وياك وياك .. افكر في امتحان باجر ..
سيف : ياله اعنبوه مايسوى عليك الا هو امتحان ..
سعيد : لا نصور معروف لازم اييب علامه كامله ..
ناصر : هييييييييه .. زلمه ..
بطي : مصيروي مزيون ..
ناصر : اسمهين الزنمات بيربعن ورايه ..
سعيد : بيذووبن بجمال هل بالخيل هههههههههه ..
سيف : يفدووون ثرنا ..
وتموا قاعدين يسولفون وخلاف نزل خالد وراشد وانضموا الهم وتموا قاعدين لين بعد اذان المغرب وخلاف اتواعدوا وراحوا سعيد وبطي وراشد وربعن العين مول وقعدوا في ستار بكس ..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 31

رد: ليـت جنـح الليل يحملك اسـاي ]-

مُساهمة k.w.k الجمعة أغسطس 08, 2008 4:23 pm

في بيت بو محمد
الاثنين 7 المغرب
بوظـــــــــبي

الشوق فيني والعنا صمت واسرار *** والوصل عن موت المحبين يكفي
ودي بشوفك والزمن يهلك اعمـــار*** واخاف عمري ينتهــــي قبل تلفي

حصه كانت طايحه في الصاله وحاطه نجوم وقاعده تترقص هي مع لطيفه ..
لطيفه : لقشي لقشي ..
حصه : هاه لقشنا يابوج ..
لطيفه مستااانسه واتي تمسكها من ايديها وتفتح شعرها وتقعد تنعش .. وحصه قاعده اتيبس حذالها على اغنية " تدلل " مالت دبي الحربيه ..وقعدن يترقصن وخلاف حدر عليهن منصور وسار يربع صوب امه اللي كانت في المطبخ ...
منصور : امايه وينها عصاتيه ؟؟؟
ام محمد : شدراني وشو تبابها الحينه العصاه حق الضرايب هاه ويا لطوف ..
منصور : يله امايه ابا ايول قبل لا تخلص الاغنيه ..
ام محمد: روح في الصاله ورا المكتبه ..
وراح منصور يربع وشال العصا وقعد اييول عندهن وحصه تضحك عليهم وعلى عمرها ..
حصه : تساوي شرق واينوب وشمالي وغرب وكل هاذا الكون واسال .... وتمت ادور صبعها السبابه وتاشربه على فوق ..
وعقب ماخلصت الاغنيه حطوا اغنية " امج على البير "
حصه : هههههههههههههههه .. يله يله ..
لطيفه : وع انا ماليدها مش حلوه ..
حصه : حتى انتي علموج الحلو واللي هب حلو ..
فجت حصه شعرها وقعدت اتناقز وترقص نفس اللي لابسه اخضر وقعدت تمسك شعرها وادوره .. ولطيفه عيبتها الحركه عاد لطيفه شعرها قصير لين جتفها كل ماتمسكه ايطيح من ايديها الصوب الثاني وخلاف يلست وتمت اتصييح ... ودشت ام محمد ..
ام محمد رايحه صوب التلفزيون وقصرت عليه :ا شوووووووو ؟؟؟ زيرااانج نزلوا ؟؟؟ العرب تعقل وانتي ثرج تتدمرين ..
حصه : هههههههههه .. شعندج بنت مانع محتشره شو خلينا نرقص ..
ام محمد : ثره بييتيه مرقص يابنت حميد يلي ماتخيلين ..
حصه : هههههههههه .. وعيالج الجمهور يله قعدي قعدي وانتي لجنة الحكم ..
ام محمد : لا الله انتي هب صاحيه .. قري شوي قري ..
حصه :انزين امايه ملااااانه شو اسوي ..
ام محمد : هب اليوم يايه اتقولين عليج امتحان عربي باجر سيري درسيه ..
حصه : اوووه سهل ..
ام محمد : هيه ثره وايد سهل الا الف باء هااااااا ؟؟ مسودة الويهه ..
حصه : ههههههههههه .. لا لا .. هب الف باء .. خالد وحصه ..
منصور : منوه خالد ؟؟
حصه : عنا درس في الكتاب اسمه حصه وخالد ..
وتمت لطيفه تتطالع حصه وتضحك لطييفه دوم تسمعهن يوم يييلسن يرمسن هي واليازيه عن خالد ..
ام محمد : ااااااه منج ومن مناكرج ..
حصه : شووووو ؟؟
ام محمد : شو تبيبه الحينه حلييله ايسير ايغص ولا شي ..
حصه بصوت واطي : دواااه ..
ام محمد : مسودة الويهه يالسباله يام لسان لسانج عن بنات الامارات بكبرها وين الامارات العالم بكبره ..
حصه مطلعه السانها وتتطالعه في المنظره : ههههههههه .. صوره بلاغيه رائعه ... والمشبه به منوه عاده ؟ وتمت اتحرك حياتها حق امها ..
ام محمد : ابوووووج ..
حصه : حليله ابويه شو تبينه ؟؟
ام محمد : صخي صخي خليني ادق حق يدتج اليوم مارمستها وراحت صوب التلفون ودقت حق امها ..
وتمت حصه قاعده تفرر القنوات شوي ونزلت اليازيه ..
اليازيه : امج منوه ترمس ؟؟
حصه : طحنون ..
فجت اليازيه اعيونها حق حصه وشلت المخده وفرتها بها : سباااااااله .. تستهبلين .. واشرت على لطيفه .. وهاي فاجه حلجها .. تتسمع ..
حصه : هههههههههههه .. اخ يالسباله ايعور وردت فرتبها بها ..
وتمت يتفررن واخر شي مسكت اليازيه حصه وعقتها ع الارض وتمت ميودتنها من ظهرها ..
حصه : علج يالقرانديزر ..
ام محمد تزاعق : انا ماعندي بنياات عندي اولاد من شطانتهم ..
حصه : اي اي امايه .. اي والله لا تنضربين قوووومي .. هههههههههه ..
اليازيه : قولي اسفه ..
حصه : خسسسسسسفه ..
اليازيه : انقلعي عيل بتمييين جذيه ..
ام محمد : يلسسسسسسسسسسن .. وفي ايديها عروسة لطيفه وفرتهن بها .. بس خطفتهن وطاحت ع الكرسي ..
اليازيه : ههههههههه .. وفجتها .. هديييني ا والله ان مسكتيني ياويلج ..
حصه : سباله .. وتمت اتعدل شعرها .. بتنضربين هااااا تراج .. عقلي اعنبوج صخله ..
اليازيه : ههههههههه .. لا ديايه منتفين الها ريشها ..
حصه : واايد .. مالت ..
وتمت اتسولف ام محمد ويا امها وخلاف صكت التلفون ..
اليازيه : امايه ..
ام محمد : خييييير ..؟؟
اليازيه : قومي امايه ودينا بوظبي مول ..
ام محمد : تخسن الا انتن اشعنه انا بشوركن ؟؟.. يله يله ..
اليازيه : امايه والله حرام علبيج التنوره اللي خذتها من برمود هاك اليوم طلعت وسيعه وانتي قلتيلي بنردها يوم بنرد بوظبي ..
ام محمد : روحي هب لازم اليوم ..
اليازيه : شو امايه انا دقيتلها قالتليه هاتيها قبل لا يخلص الكولكشن بس بنحدر برمود وبنظهر ..
حصه : انا باي وياكم ..
ام محمد : واشعنه نزيد الخبال خبالين يعني ؟؟..
حصه : هههههههه .. نووووووو.. بس مرافق .. والله قصوركم تظهرون وماتظهروني ..
اليازيه : يله امايه دخيلج فديتج فدييييتج وراحن ايحببنها اليازيه وحصه وخلاف وافقت اتودييييهن..
ام محمد : اول شي بنرقدهم وخلاف بنروح ..
حصه : شو بنتاخر ؟؟
منصور : مابا بسير وياكم مابرقد ..
لطيفه : وانا بعد ..
اليازيه :شو عيد ميلااااااااد ؟؟ سايرين ؟؟..
لطيفه : انذييين انا اليد امايه ..
ام محمد تغمز الهن : منوه قال اني بوديهن ايخسن .. يله يله ..
وتموا خمس دقايق وخلاف رقدوا لطيفه ومنصور لانهم كانوا واعيين من الصبح وهم متعودين من اتي الساعه 8 رقدوا ... وخلاف راحن اليازيه وحصه ولبسن ونزلن .. واتصلت ام محمد في الدريول وشغل السياره وراحن .. ويوم وصلن في الباركنات اللي تحت ..
ام محمد : يله نزلن محل واحد وتعالن ..
حصه : شو يله تعالي معانا ..
ام محمد : لا لا حشا عليه ماروم انا ريولي اتعورني وظهري يعورينيه سيرن ماعليكن خوف ..
اليازيه : شووووو .. لاااااء انا اخاف انزل روحي ...
ام محمد :انا تعبانه شو الحل يعني اهلك عمريه بسبتكن .. ماروم حشى عليه وبعدين بوظبي مول فاضي مافيه حد شرات المارينا يله نزلن لا تحيرنا قبل لا يرد ابوكن البيت .
اليازيه : لا مابا اخاف ..
حصه : يله يله ننزل ..
اليازيه : الله يخسج يالمقوي ..
ام محمد : نزلي وياج باتمان ..
حصه : من الصبح هاي امج حاطه عليه ..
اليازيه :اف شوري لله ..
ونزلن اليازيه وحصه وهن متغشيات وتمت ام محمد في السياره ..ودشن بسرعه بسرعه وركبن الدري ولفن صوب برمود .. وردت اليازيه التنوره وخذتلها قياس اصغر ..
حصه :تعاالي بنسير المحل هذاك باخذليه صابونه صابونتيه مخلصه ..
اليازيه منصدمه واتمطها : انجبي الا انتي .. يله يله نظهر ..
حصه : والله حرام شو اقطن .. هاذيه اللفه هاه والله هاذيه ومسكتها حصه ولفت معاها ..
اليازيه :الله يخسج ياحصوه يالسباله فضيحه والله فضيحه ..
حصه : شو يعني انزين مافيه حد ..
اليازيه : سباله سباله ..
وهن يمشن مشوا وراهم 3 شباب ..
الاول : وايه يعلني افدا الديور ..ليتني استوي ديور وايشولونيه
الثاني : مرحبا الساع ..
اليازيه وحصه اهنيييييه ماتن من الروع وتمن يمشن بسرعه واليازيه طول الدرب اتسب حصه . واتعلن وتشعن فيها . ويوم وصلن دخلن المحل ..وماشافوا الشباب يوم دخلوا وراهم المحل ..
حصه اتكلم الحرمه اللي في المحل : this for normal or oly ??
واحد من الشباب : لا هاذا نورمل .. انا كنت اشتغل في البودي شوب ..
ومشت اليازيه معصبه ويرت حصه وقالت حق راعية المحل : thank you.... وسحبتها وظهرت .. وتمت تمشي بسرعه ويوم وصلن عند السياره ..
حصه تضحك : سخيف اونه كنت اشتغل في البودي شوب ..
اليازيه : سباله كله منج ...
وركبن السياره وردن البيت ..

في لندن ..
الساعه 7 الصبح

طحنون ومحمد كانوا توهم ناشين .. وطحنون كان يسوي الريوق طبعا الريوق كل يوم كان على حد .. بالتناوب من بينهم .. اذا الريوق ع طحنون فالغدا ع محمد ووالعشا يتعشونه برع وساعات غداهم ولا عشاهم ايكون في الجامعه ...
محمد : فديييييتج ابا سندويجة جبن وجام ..
طحنون : لا فديتك ماشتريت جام .. عنا زقوووم تباه ؟؟
محمد : لا فديتج تعالي باكلج انتي ...
طحنون : اعنبوه حد يااااكل حرمته كلك يني يالسبال ..مسود الويهه عايبتنك السالفه انته لا يكون صدقت عمرك ..
محمد : هههههههههه .. والله انته فنتتتتتتتتتك .. انا لو عندي حرمه شراتك جان فريتها من الدريشه حرمه جيه ريلها مشعره شوووووو؟؟ ههههههههههه ..ووووووع
طحنون : لا ولابستلك شورت بعد ..
محمد : ههههههه .. اتراويني المستخبي شوووووو؟؟
طحنون : يلجببببببش .. لعنت الله عصيرك روح روح فج الباب شوف منوه ياي ..؟؟
محمد : ان شاء الله ياريلي العزيز ... وراح محمد وطحنون ميت من الضحك عليه .. محمد كان لابس شورت رصاصي وتي شيرت لونه اسود .. وراح عند الباب وفتحه وحصل منال جدامه ..
محمد يتصنع الابتسامه وبصوط واطي : استغفر الله اصبحنا واصبح الملك لله ..
منال تتطالعه بنظرات شوق ولهفه : اووه .. الحمد لله عالسلامه نور السكن ...
محمد : شكرا في شي ؟؟
منال منزله اعيونها في الارض : لا بس حبيت اسلم ..
محمد : لا خيال ولا مستحى هاه فريييي .. عادي .. ماتبين ادشين عنا بعد ؟؟
منال مبرطمه : لا شكرا هب له الدرجه .. بس انا انا .. ونزلت اعيونها تتطالع البوكيه اللي كانت يايبتنه ..
محمد : انتي شو ؟؟
منال : حبيت اهديكم هاي الباقه ..
محمد : مافي مناسبه ؟؟
منال : امبلا فيه ؟؟
محمد : اللي هيه ؟؟
منال : كييتكم البلاد ..
محمد : ادلين الدرب الل يتي منه ..
منال الدمعه في عيونها : هييه ..
محمد :رديله ..
شويه وظهر طحنون لابس شورت اسود وقميص اسود عليه كتابه بالاحمر ..
طحنون : هلا ..
منال الدمعه في عيونها : السلام عليكم الحمد لله ع السلامه ...
طحنون : الله يسلمج ..
منالل : انا اسفه محمد ..
محمد : سمعتييني على ماظن وروح عنها ..
تم طحنون يطالعهم بنظرات استغراب ..
طحنون :خيير ؟؟
منال : عطه هاذا البوكيه ..
شل طحنون البوكيه : شكرا ..
وراحت منال ..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 32

رد: ليـت جنـح الليل يحملك اسـاي ]-

مُساهمة k.w.k الجمعة أغسطس 08, 2008 4:28 pm

الجزء الثامـــــــن

اشتاق انا لك واتلــذذ بالاشــــــواق *** والبعــــد منك يالغــــلا زاد شـــــوقي
انته حبيبي ولك غلا وسط الاعماق *** سارين في دمي وجارين في عروقي

الثلاثاء
في لندن ..
الساعه 7 ونص ...

طحنون وهو شال الباقه : ههههههههه .. منوه قدك ؟؟
محمد : وع .. فرها فرها الزباله ..
طحنون : حرام عليك حد ايعق الورد ؟؟ صدق مافيك ذرة رومنسيه ... وتم يشم الباقه .. اجنن اتصدق ..
محمد : حوووووه انته اتحمل عادي اتكون مسويه فيها سوا ولا شي ويسير يطيح السوا فيك ..
طحنون وهو متروع ويفر الباقه ع الارض : واببببوووووووكم .. لا لا مافيني ..
محمد : ههههههههه .. فرها فرها ..
طحنون : ولا اصكها ولا اليه خص فيها روح انت تنحب وانا ابتلي لا يابابا روح روح .. وراح عنه الغرفه ..
تم محمد ميت عليه من الضحك لانه يعرف انه طحنون مول مايحب هالسوالف يكرهن ويخاف منهم ..وراح محمد عند طحنون .. وكان ماسك الباقه وفرها في الزباله ..
طحنون : روح روح طهر ايديك .. بالماي ..
محمد : هههههه .. اعنبوه عاده مايسوى عليك ...
طحنون : يابويه هيله مال اهناك كله سوالفهم هاي انا اول ماحدرت غسلت خشميه .. عاده انا خشميه طويل وينخش في الورده اسميه بيلقط السوا عدل ..
محمد : هههههههههههههههههههه .. والله انك سوالف .. انقلع انقلع لا افرك من الدريشه ..
طحنون : بسم الله علينا من هالسوالف .. روح روح شلها اشعنه تفرها في الزباله فرها من الجاامه لا تخليها دقيقه اهنيه ..
محمد : وايه وايه .. وراح محمد شل الباقه وفتح الجامه وفرها ..
طحنون : الحينه بيخالفونك . وصخت بلادهم ..
محمد : طز .. بلادهم هب بلادي ..خخخخخخخخ ..
طحنون : ماعليه انزين حتى يوم هم ايرحون بلادك وجذيه بعد ايقولون ..
محمد :هيه مايحتاي عاده ..
وتموا ايسولفون ولبسوا وظهروا من الشقه راحوا الجامعه وحضروا كلاساتهم ..

الثلاثاء 4 العصر
بيت بو محمد
بوظـــــــبي ..

حصه طايحه في الصاله وحاطه نجوم تتطالع .. ودخلت عليها اليازيه اللي توها كانت يايه من الجامعه ..
اليازيه : السلام عليكم ..
حصه : هلا وغلا ... تو مانور البيت ..
اليازيه : مع ويهج غريبه من وين ظاهره الشمس ...
حصه : اصلا مافيه شمس الجو مغيم ..وككككككك ..
اليازيه : لازم يفتر يعني شويه .. ولا ماتكونين حصوه هاه ؟؟
حصه : الاااه شيلتج حلوه ؟؟
اليازيه : اونه اول مره اتشوفينها ؟؟
حصه : لا بس يمكن مانتبهت الها ..
اليازيه : اخاف الحينه تنقص ولا يستوي ابها شي ولا تضيع ولا تحترق من الصبح حاشريني اربيعاتي عليها .. قلتلهن واصله قالنليه يله عقيها .. اقولهن هيه ماعليه مايحتاي وايد بعقها وبسير بيتنا بليا شيله ..
حصه : قوليلهن انا مهيريه زطيه ماعطي حد شي ..
اليازيه : شو قالولج حصصيييص ..
حصه : هههههههه .. لا بس حلو الانسان يحافظ على املاكه ..
اليازيه : امحق املاك ..
حصه : مالت ..
اليازيه : صدق انج متفيجه وشلت الاب توب مالها وراحت عنها فوق قعدت بدلت اثيابها وصلت العصر ونزلت تحت ..
اليازيه : امايه وين ؟؟
حصه : ماعرف اظني قاعده خاري ..
ولبست اليازيه شيلتها وظهرت في الحوي قعدت مع امها .. وراحت حصه فوق وشغلت النت قعدت تقرقع مع ربيعهاتها ..شويه ودخل عليها منصور ..
منصور : المس قالت تبا صورة حصان ... من الانترنت ..
حصه تتطالع من فوق لين تحت : لا والله .. اقولك اقبض الباب ..
منصور : اقبض الباب من قبضته ؟؟
حصه : لا تستهبل يالسخييييييف .. روح انقلع ..
منصور : انزين سوييلي ..
حصه : ماعرف انا .. سير عند يزوي ..
منصور : ليش ماتسويلي ؟؟
حصه : لا والله وانته بس من تشوفني ييت وقعدت عالنت ييتني المس تبا والمس تبا علها ماتبا ان شاء الله روح انقلع ..
منصور : بخبر عليج ابويه ..
حصه : فرقاااااااااك عيييد .. عليه ..
وراح منصور وخبر ابوها عليها وتم بو محمد يزقر ...
حصه : افففففففف ..
وراحت ووقفت عند الدري من فوق ..
بو محمد : حصيص ابويه سويله الورقه اللي يباها ..
حصه : ان شاء الله يالغالي عشان خاطر عيونك الحلوه .. وتمت اتهدد منصور ..
وراح الها منصور وظهرتله صورة الحصان اللي يباها .. وقبل لا يظهر مسكته من فانيلته من ورا ..
حصه : تعال تعال ..
منصور : اااي ..
حصه :تستهبل وتخبر ابوك بجتلك تفهم ..
منصور : جب يالخوافه ..
وربع عنها شلت حصه الاله الحاسبه اللي كانت حذالها عسب اتفره ابها .. بس هو شرد ..وردت حصه اترقر عليهم وخلاف سكرت ونزلت تحت حصلت امها واليازيه قاعدين في الصاله ...
حصه : وين ريلج ؟؟
ام محمد : يالسباله قولي وين ابويه ..
حصه : وينه حميد ؟؟
ام محمد : سباله ثررررج مستويه ..
حصه راحتلها ومسكتها من خدها بمصخره : ههههههههه الحين انتي ليش مشتطه ؟؟
ام محمد : فجيني عورتييني ... ودزت ايديها ..منج ومن فعايلج ..
حصه : فديتك انته ياحلو يوم تعصب .. امايه تبادلين تاخذين جمالي واعطيج جمالي وبزيدج بعد ..
اليازيه تلوي ع امها : فديتها امايه محد يشبهها الا انا ..
حصه : ههههههققققاااااااققااااااااق .. وايد اتحلمي انتي بس ..
ام محمد : عن الهذره .. فكنا من الصدعه ...
حصه : ان شاء الله . وراحت صوب التلفزيون وحطت ايديها ع خصرها .. لا والله انا حاطه نجوم منوه بدل ؟؟

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 33

رد: ليـت جنـح الليل يحملك اسـاي ]-

مُساهمة k.w.k الجمعة أغسطس 08, 2008 4:59 pm

لطيفه : انا ابا ثبيث تون ..
حصه : في عينج سبيس تون مالج روحي فوق يله ..
لطيفه : مابا دومي انا ييت قبلج ..
حصه ادزها : روحي روحي اتعلمي الرمسه عقب تعالي . انتي تكلمي ..
لطيفه : امااااااااااايه توفيها ..
ام محمد : يلسي اشعندج مستويه ياهل ..
حصه : شوانا ابا اشوف نجووووووم .. كله حقها ..
اليازيه : ولا كله حقج ..
حصه : جب انتي لا ترزين فيسج .. ماتعرفين ان الرزه من طبايع التيس يالتيس ..
اليازيه : سخيييييييفه اعرف انها من طبايع البقر اللي شراتج ..
حصه تاشر بصبوعها السبابه عراسها : انقوووووح ..
اليازيه : زين انج اتعرفين شو يسوون ..
بو محمد : شو هالحشررره.؟؟
ام محمد : دوااااكن ..
بو محمد : شعندكن تتقحطنن ..
اليازيه : هيه اللي بدت ..
حصه : هي اللي رزت بفيسها ..
بو محمد : اعقلوا الله يهديكم ان شاء الله .. وراح عنهم ..
ام محمد :تعال حميد وينت ساير ..
بو محمد : بسير الميلس عند الرياييل ..
ام محمد : في حفظ الرحمن ..
تمت حصه تضحك وتاشر ع امها : هههههههههه جفتي عادي يحبنا مايقواقعنا
ام محمد : من الدلع هاي سواياااااكن ..
وشويه وراحت حصه ومسكت التلفون واتصلت في خالتها ظبيه على تلفون قسمها ..
مطر : مرحبا ..
حصه تضرب ايديها على ويهها : مرحبتين .. هلا مطر شحالك .؟؟
مطر : بخير وسهاله ربي يسلمج منوه ؟؟ اليازيه ولا حصه ؟؟
حصه : لا حصه صوتي يشبهها يعني ؟؟
مطر : هيه انتن الهنتين تشبهن حس خالتكن ظبيه ..شحالج حصه وشحال امج وابوج واخوانج ؟؟
حصه : الحمد لله بخير كلهم بخير ..
مطر : زين والله ياحيهم سلمي سلمي عليهم ..
حصه : ماعليه سلامن يبلغ .. ظبيه حذالك ..؟؟
مطر : لا ظبيه نزلت تحت تكويليه سفرتيه الحينه بتي ..
حصه : ماعليه يوم بتي خلها ادقليه ..
مطر : ماعليه ان شاء الله .. مع السلامه ..
حصه : مع السلامه .. وصدت على قوم امها اف فظيحه هههه يزوي يتحراني انتي ..
اليازيه : ههههه .. حليله دوم يغلط ..
حصه : ايقول ترا انتي واليازيه شرات حس خالتكن ..
ام محمد : حليله هالريال مشقتنه خالتكم بيحدر الجنه من فعايلها فيه ..
حصه : رياييل هالزمن جيه يبالهم ..
ام محمد : هيه خلج انتي عاده يالعيوز عايشه الزمن وعارفه الرياييل والحريم اللي فيه هاه ..
اليازيه : هههههههههههههه ..
وشويه ورن التلفون ..
حصه تربع صوبه : اكيد هيه .. فديت الالووووو ..
ظبيه :هههههههه .. ياويهج ماقلت الو قلت هلا ..
حصه : عيل فديت الهلا ..
ظبيه : اه منج .. شحالج ..
حصه : بخير الحمد الله انتي شحالج وشحال شناكليه ؟؟
ظبيه : شناكلج اللي يسلمج يلعبون خاري ويا الخدامه ..
حصه : زين يوم افرجتي عنه مسكين حمدانووه فديته ..
ظبيه : وايه الا هو فكني من الصدعه مارتاح الا يوم يظهر فتره نقاهه شويه يعطوني ..
حصه : هههههههههه .. شلج في العيال عيل ..
ظبيه : ابتليت والله بلاني ..
حصه : هههههههه والله لو تسمعج يدتيه ...
مطر يرمس ظبيه وهو يبطل الباب مال الصاله اللي في قسمها عسب يظهر : اطالعوا اليهال خاري لا تخلينهم يلعبون في الشارع ..
ظبيه اتصاصر حصه : اف لازم يعطي ملاحظات مايستوي يظهر جذيه .. وعقب علت صوتها .. ان شاء الله بو حمدان ترا الخدامه عندهم ..
مطر : هيه ماعليه عيل .. يله برايج .. تامرينا بشي ..
ظبيه : لا ..
مطر : انزين قولي سلامتك اتروح وترد لي بالسلامه ..
ظبيه : ياله عليك انته ماتشبع سلامتك .. وظهر مطر ..
ظبيه :اف والله متفيج ..
حصه : هههههههه .. حليله .. تعالي شويه خذيلج كورس من عند امايه توه ابويه ظهر بدون لا يقول شي قالتله في حفظ الرحمن وربي يحفظك ومادري شو ؟؟
ظبيه : ههههههههه .. امج عاده اتموت في شي اسمه حميد ..
حصه : هههههههه هيه عيل شوتتحرين انتي ؟؟
ظبيه : والله انكم انتوا سوالف .. بتسيرون العين باجر ؟؟
حصه : مادري انتي بتروحين ؟؟
ظبيه : مادري والله اذا سرتوا انا بسير ..
حصه :اماااااااايه .. بنسير العين باجر ؟؟
ام محمد : لا شو ..كل اسبوع هوالاسبوع اللي طاف رحنا ..
ظبيه : قوليلها اتقولج ظبيه هيه عاده انتي لازم كل اسبوع تلصقين ..
حصه :اتقولج ظبيه هيه انتي لازم كل اسبوع تلصقين ..
ام محمد: قوليلها احسن عن غيري اللي كل اسبوع وشرد ..
حصه : اووه يودي قوليلها وعطت امها السماعه ..
ام محمد : ههههههه مرحبا الساع بهل سويحان ..
ظبيه : ههههه .. المرحب باجي فديتج شحالكم ؟؟
ام محمد : بخير وسهاله ربي يسلمج ..
وتموا ايسولفون مع بعض وخلاف سكرت ظبيه ..

في بيت بوعلي
الثلاثاء 11 فليل
العيـــــــــن ...

اناجي غربة الليل وشــجوني *** واراجع في هوى قلبـــي قراري
عسى ماتكون خانتني ظنوني *** او انه خــاب في الحب اختياري

احمد توه كان ياي من المقهى وحدر الصاله وشاف مانع ولد علي قاعد في الصاله ومعاه الخدامه ..
احمد : هاه انته شو موعنك لين الحينه باجر عليك روضه ..
مانع : ماريد ارقد اريد ارقد يوم بتي ماما..
احمد : ليش امك وين راحت .؟؟.
مانع : ماماتي راحت المستشفى عشان بتيب نونو ..
احمد: هههههههههههه .. وانته ماتبا ترقد بليا امك ؟؟
تم مانع يهز راسه : هيه انا اخاف ..
احمد : منوه وداهم ؟؟
مانع : ابويه وامايه وماما ..
احمد : انزين ..صبر الحين انا بتصلبهم ..
مانع : عمي ودني عندهم ..
احمد : لا ممنوع .. حتى انا مايخلوني احدر ..
مانع : ابويه ؟؟
احمد : عادي ابوك هاذا ريلها ..
مانع : انا اخاف فلاح راقد ومتلحف وانا هنيه ماريد اروح داخل ..
احمد يكلم الخدامه : انتي سوي نوم عندهم ..
الخدامه تهز راسها : اييه مدام قول انا سوي نوم داخل صاله مال مدام روم بعدين بابا بيجي انا يروه براا ..
احمد يهز راسه شراتها : هيه واجد زيين .. وشل احمد تلفونه واتصل في علي ..
علي : الووه ..
احمد : هلا بو مانع بشروا قالولي سايرين المستشفى ..
علي : توهم دخلوها غرفة الولاده وانا الحينه ظاهر اييب شنطتها من السياره . زين انك دقيت الحينه لانه داخل مافيه ارسال ..
احمد : زين عيل مانع هب طايع يرقد يخاف انا بشله هو فلاح وبخليهم يرقدون عنديه في الغرفه ..
علي : ابرايهم كيفك بس عادي تراني انا بس بطمن عليها وبرد البيت ...
احمد : خلاص عيل دامك بترد بخلي فلاح راقد وبخلي الخدامه عنده وانا بشل مانع يرقد معايه ..
علي : خلاص ماعليه ..
احمد : اوكيه يله طمنونا هاه ..
علي : ان شاء الله ..
احمد :امايه بتبات عندها ؟
علي : لا امايه بترد فليل ختها بتيها ..
احمد : خير ان شاء الله .. يله عيل مع السلامه ..
علي : الله يسلمك .. وسكر احمد عن علي وصد صوب مانع ..
احمد : تعال انته ارقد معايه وبنخلي نور ويا فلاح بعد بيي باباتك ..
مانع : هيييه هييييه ابا ارد معاك ..
احمد يمسح ايديه ع شعر مانع : يالشيطاااااان ..
مانع : يله شلني عمي ..
الخدامه : هادا في واجد دلوووووأ ..
مانع : في عينج انتي دلوعه وراح ضربها ع ظهرها ..
احمد حاط ايديه ع حلجه ويضحك : عيييب عيب تعال ..
الخدامه : مافي مشكل هادا مانع صقير ..
مانع : صقيرره انتي ..
احمد : روحي روحي انتي نامي عند فلاح وبعدين بابا بيجي ..
وراحت الخدامه قسم علي ومريم ونامت في الصاله مالتهم وخلت باب غرفة قوم علي مفتوحه لانه فلاح راقد هناك ..
احمد : يله انسييير يالبطل ومد ايديه عسب يشله .. وشله وحطه على رقبته ..
مانع رافع ايديه : الااه عمي سوالي عكوه ..
احمد :هيه استانس انته عاده ..
ووداه معاه غرفته وحطه ع الشبريه ..
احمد : يله غمض اعيونك ..
مانع : لا لازم حد يرقدني ..
احمد : ايهييه وكيف بعد يرقدون ..؟؟
مانع : قولي قصه .. انا ماماتي كل يوم اتقولي قصه ..
احمد : يالبزا هاذ اللي فيك انا شعرفنيه الحينه اقص قصص ..
مانع : شو عيل خلاص ماريد ارقد ..
احمد : امكم انا هاااااااه ؟؟
مانع : انزين قولي ..
احمد : يله انزين صبر خلني اعق ثيابيه وبقولك ..
وشويه الا تلفون احمد يرن وكان المتصل فيه اخوه وعلي وخبره انه مريم ربت ويابت بنت .. وانه هو الحينه بيرد البيت مع امه ...
وتم مانع قاعد ع الشبريه يطالع احمد وهو يعق سفرته وعقاله ويعلقهن ع الشماعه وعق كندورته وخلاف حدر الحمام ورد ظهر وطاح حذال مانع . ويوم ياه حصله راقد ..لحفه احمد وعقب رد انسدح على ظهره .. يلس يفكر في دانه اللي من اصبح هو يتصل ابها وهي ماترد عليه ولا اتقوله مشغوله واتسكر عنه ياترى شو سبب تغيرها هاذا انا في شو غلطت عليها في شوه قصرت عليها معقوله انا غلطت يوم حبيتها وحطيتها تاج ع الراس البنات كلهن وحطيتها هي في كفه والعرب كلها في كفه .. اخ ياقلبــــــي .. شويه ودقلها 10 مرات بس هي ماترد ..و طرشلها هالمسجييييين ..

" مايموت الشوق لو قل الوصل ... ومايهز الحب زلزال الظروف ... وانت داري في معزتكم اصل ... ولو يطول الصمت لايلحقك خوف ... والغلا بالقلب والله متصل ... ثابت مثل الاصابع بالكفوف "

" البارحه سجيت محزون .. والفكر تلعبي ادواره .. مابي مرض ولا مديون .. ولا احاتي ربح وخساره .. بي من عرب مايسالون .. والزين ماتييني اخباره .. لو ينشري قربه بمليون .. بيت شريته وعشت ياره .. واعيش قرب المضنون .. مااشكي هم وكداره .. "

تم يتجلب ويترياااها لين الساعه وحده ونص فليل مادقت رد مره ثانيه واتصل ابها وحصل تلفونها مغلق .. اف ياربي لها الدرجه كارهتني وهب طايقتني يارب ارحمني انا شو سويت يارب ليش عقب ماتعلقت فيها وحبيتها احصل كل هاذا ليش ؟؟ ليش ؟؟ كلهم قالولي لا تحب لكني طلعت غببببببببي غببببببببيييييي وحبيت واخر شي بسهوله اتخلت عني .. يعني ماعندها اعذار تتعذر ابها عليه ولا شي .. افففففف وتم منققققققهرررر .. ويحس بحرقه في صدره رد وطرشلها هالمسج ..

" نصيحه .. من قلبي .. حط اللي يعزك بعيونك ترى ماتلقى من يضمك لو ضاق صدرك وزادت همومك ..وعلى فكره .. النار بالماي تنطفي .. والغلا بالاهمال ينتهي .. عباره حطها في بالك "

خلاف فر التلفون ع الطاوله وتم يجلب ورد مره ثانيه لحف مانع عدل باللحاف وحظن مانع ورقد ..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 34

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 7:14 pm

لحدن معــي يسواك يازين الاخــــــلاق *** يامالك عقلــــي وروحي وذوقي
خذني بروف الله واطلب لطف ورضاك *** وارحم خفوقن لجل شوفك يتوقي

بيت بو عبدالله
الاربعاء 4 العصر
بوظــــــبي ..

سيارة الدريول كانت توها داخله الحوي واسماء فيها يايه من الجامعه هي مع الخدامه نزلت اسماء وشافت هند بن عبدالله في السيكل مالها والخدامه ادزها .. راحت صوبها اسماء ..
اسماء : هنوووودي يالشيطانه راكبه سيكل مقواج ..
هند تموت في عمتها قعدت تفرفش الها وتمد ايدها تباها تشلها ..
اسماء عطت خدامة عبدالله ملفها : تيك ماي فايل اينسايد ..
الخدامه :اوكيه مدام .. وراحت الخدامه ..وشلت اسماء هند..
اسماء : فدييييت قلبي وتمت تبوسها وتحظنهااااااا .. وتمت ادور ابها شويه في الحوي وعقب حدرت الصاله .. ويوم حدرت شافت غانم وياامها ومهره قاعدين في الصاله ..
ردت اسماء على ورا واتحجبت ودخلت : السلام علييييكم ..
الكل : وعليكم السلالااااام ..
وراحت اسماء صوب امها وحبتها ع راسها ..
اسماء تتطالعم كلهم : شحالكم ؟؟
مهره بابتسامه خبيثه : شحالنا ؟؟ اها كلنا بخير الحمد لله ...
اسماء : اه منج ..
غانم : شحالج اسموه ؟؟
اسماء : بخير غنوم شحالك انته ؟؟
ام عبدالله : ياحبج لمغايضه حليله ..
اسماء : لا والله عيل انا اصغر عياله ليش يقولي اسموه ..
غانم : موتي من الحره اسموه واسموه ... وصد على مهره .. سيري انتي زقري ريلج اخرنا ..
مهره : ههههههههه انته ماتتدري انه راقد؟؟
غانم : لا والله عيل هو قاييلي ايي عسب يرقد ... هاتيها فديييييييت الدلوعين انا .. ومد ايديه غانم عسب يشل هند .. نزلت اسماء يديها عسب مايحط ايديه ع ايديها ..
غانم : هههههههههههههههه .. وغمز الها ..
ام عبدالله : ماعليه يابويه سمحليه بسير شويه صوب عمك بجوفه ..
غانم : افا عليج خالتيه خذي راحتج انا هب غريب ..
ام عبدالله :يعلني افداك ياولديه .. وراحت عنهم ..
مهره : انا بسير اوعييه لك عن لا تحشرنا ..
غانم : يله ربعي ..
مهره : مايحتاي بربع وانا حرمتن حامل .. وايد بتتريا ثرك ..
غانم : مع ويهج روحي روحي ..
مهره تحرك حياتها له : ها ولد العم اشوفك اترووغ ..مابخليكم رواحكم الخلــــوه حرام ..
قفطت اسماء وتمت تطالعها وويها محمممر وتمت منزله اعيونها ومشبكه ايدينها في بعض اهنيه غاااانم نقع من الضحك ..رفعت اسماء عينها ..
اسماء : سخيف اصلا مايضحك امبونك ادور الدقه عسب تضحك عليها ..وراحت عنهم صوب غرفتها اتبدل اثيابها واتصلي العصر ..
غانم : هههههههههههههههههههههههااااااااي .. كييييييفي مواااااطن ..
مهره : اقعد اقعد بروح اوعيه ..
غانم : قاعد شو تشوفيييني واقف ؟؟
مهره : يمكن على نص ريل ..ههههههه .. وراحت عنه ..
وتمت اسماء تتحرقص في غرفتها .. اسماء كانت اتموت في شي اسمه غانم وهو يموت فيها ومايشوف حد فالدنيا غيرها هم مخطوبين لبعض من هم صغار .. بس هي كانت معارضه انها اتعرس الحينه كانت اتقولهم بكمل سنتين في الجامعه عسب اثبت عمري واجوف كيفية دراستهم وخلاف بيملجون وبيعرسون والسنوات اللي باقتلها بتكملها عقب العرس ... وغانم من هو وصغيرمع هادف ودومهم مع بعض مايتفارقون مع انه هادف اكبر عنه بسنتين وعمر غانم 23 سنه .. لبست اسماء كندوره برتقاليه الها رقبه شويه مرتفعه وفيها خط مغربي رقيق لين تحت ولبست شيلة صلاه نفس اللون ومسحت الميك اب الخفيف اللي كان على ويهها وجحلت اعيونها بلون اخضر .. ونزلت تحت ... ماحصلته في الصاله ..
اسماء في خاطرها : اف ليكون روح .. ياخسارة التعديل ها كله .. وعقب راحت صوب باب الصاله وفتحته وتوها بتفتحه حصلته في ويهها بيحدر الصاله انصدمت وشهقت واتحجبت عدل وهو تم يطالعها بعيون مفتوحه وعلى ويهه ابتسااامه تذبح من الخاااااطر .. غانم كان جماله عادي واحلا مافيه اعيونه وخشمه وضحكته اللي يوم يضحك من الخاطر تتطلعه غمازيات وكان يجذب اي حد يجوفه بهاي الصفات البسيطه .. وهو كان دوم يغايضها يستانس يوم يشوفها اتغيض لانه يتم يضحك عليها فهي اتعلمت منه هالشي وكل ماتشوفه بعد تمت اتغايضه ..
اسماء : انته ماتعرف ادق الباب .؟؟.
سكت غانم وماقالها شي قعد يتامل في ويهها .. لاول مره اتكون اسماء قريبه منه لها الحد ... بينه وبينها كمن شبر .. هي ماتراجعت وهو بعد ماتراجع .. وقف مجابلنها وتم حاط ايديه في مخباه ويطالعها .. ماكون غانم ان فوتها لج يااسموه ..

وقعد يطالعها بنظرات تقهر واسماء حست بالاحراج ..
اسماء : شو تتطالع بعد ؟؟ رد شويه على ورا عسب اظهر ..
وتم يطالعها بنفس النظرات واتاخر لين مارد عليها ..
غانم : انا غانم بن عوض اتراجع عسب انج انتي تخطفين ؟؟ ليش ؟؟ شيخه وانا مادري ؟؟
عقدت اسماء ايديها بعصبيه وقالتله بغيااااااظ ..
اسماء : هييييه نعم هب عايبنك دق راسك في الايدار ..
زم غانم بوزه لانه كانت فيه ظحكه عليها وع شكلها وتم يطالعها عينه في عينها وماخوز عينه عليها وقالها بسخريه ..
غانم : ههه ..هذاااك اول ..
تمت اسماء تتلفت بضييج ..
اسماء : اف عاده غنوم قوم عن الباب عسب اخطف عن الفضايح ..
غانم : ههققققق .. انتي اللي بتفظحين انا شلي ؟؟
اسماء : افففففففففف ..
غانم : انا مابرد عسب اللي اصغر عني يطوفون .. المفروض الاكبر هو اللي يطوف قبل .. والصغيييييييييييييير يتريا الكبير لين يطوف ..
اسماء : اف انا كم مره اقولك انا هب صغيره .. انته ليش جذي غلس ياخي .. شو سويت بك عسب تعاملني جذيه ..
غانم : عادي اعاملج شرات ماتعاملييييني ..
اسماء : لانك ماتوب عن مغايضك لي ..
قرب غانم ويهه منها وهالشي خلها ترد على ورا بخوف ..
اسماء بصوت واطي : اف ياكرهي لك ..
ابتسم غانم بمغايض ونعس اعيونه الها بلمعه واضحه في عيونه لانه ايعرف انه هالنظره كانت اتذوبها ودومها اتفر باي شي يوم يطالعها جذيه ..
غانم : ويااااحبي لج يالبرتقاله ..
سكتت اسماء وتمت فاجه حلجها ومبطله اعيونها اول مره يتجرا يقولها هالكلمه حتى لو كان خاطبنها وحتى لو كانت هي تتتدري انه هو يحبها واختفت كل الانفعالات العصبيه اللي كانت موجوده وواضحه على ويهها وماتم اي شي غييير الدهشه .. صد صوبها غانم ومد ايديه ومسكها من كوعها وسحبها على طرف ..
غانم : فجت اليه حلجها تحركي تحركي ..
ودخل وسكر الباب وراه وهو يبتسم مستانس انه خلاها في دهشتها وصدمتها في نفس الوقت احسن خلها دواها عسب كل ماتشوفني تتوتر وتستحي اعرفها عدل دواها خلها تحس شوي .. ودخل قعد شويه وخلاف ياه هادف ..
غانم : اعنبوووك خيستني ..
هادف : ههههههههه . ياخي رقدت ..
غانم : يله يله اتحرك تاخرنا .. الريال يتريانا ..
هادف : انزبين يله ..
ومهره كانت وراهم بتظهر برع في الحوي شافت اسماء قاعده على الدري اللي جدام باب الصاله وييت وقعدت حذالها ..
مهره : حلوو الجو ..
اسماء : ...........
مهره : في اي عالم ؟؟
اسماء : هاه ها ه وياج ..
مهره : ههههههههه واضح .. انزين هو داخل انتي بشو تفكرين بعد ..
اسماء : سخيف اصلا ..
غانم : منووووو؟؟
صدت اسماء عليه منصدممممممه ..
اسماء : محد ..
مسكها هادف من ايديها وقرصها .
هادف : ولهت عليج ياعنز الحاره ..
اسماء : اااااي اااااااااااي
غانم مد ايديه وشل ايد هادف :حووووه وين تبا ؟؟
هادف : اعنبوووك من الحينه ..
غانم : عيل شو تتحرا انته .. يله يله .. جوفي يوم اقولج بنعرس قلتي لا بتم عندهم يله تمي عندهم عسب يقرصونج ويضربونج ..
اسماء قافطه : عاااااادي .. عااااادي ..
غانم : هههههههههه ... يله يله انسير ..
وراحوا هادف وغانم وتمت مهره قاعده مع اسماء وخلاف يت العنود وقعدت معاهم .. وتموا قاعدين لين اذان المغرب وخلاف حدرن البيت ..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 35

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 7:18 pm

راحت وقلبي راح يمشي وراها *** من دون ماشعر كل مابعد اجيها
حبيبـــــتي لو كان تعرف غلاها *** ان كان تشريني مثل ماشــتريها

بيت بو علي
الساعه 1 فليل
الاربعاء ..

احمد هالوقت كانت قاعد في سيارته وموقف في الباركنات مال بيتهم وحاط راسه ع السكان يحس بالم في قلبه من البارحه وهي غالقه تلفونها ولا ترد عليه شو اللي سويته انا في شو غلطت عليها وتم على هالحاله .. خلاف حدر سعيد بسيارته ونزل من سيارته وشاف انه سيارة احمد ليتاتها والعه يعني انه حد فيها راح صوب السياره وفج الباب اللي عدال اللي يسوق وشاف احمد حاط راسه ع السكان ومغمض اعيونه ..
سعيد : يلعن ابو الحـــــب كيف يذل ..
انتبهه احمد عليه ورفع راسه وصد صوبه .. ركب سعيد حذاله وسكر الباب ..
سعيد : احمدووه من يومين وانته حالتك هب عايبتنيه شو فييييك ..؟؟
احمد حط ايده على قلبه وسند براسه على ورا واساند ع الكرسي وغمض اعيونه ..
سعيد معصب عليه : شووووووووو .. بنييه انته ؟؟؟؟
تم احمد ساااااااكت عنه ..
سعيد دزه صوب جتفه : ارمسك انا ..
احمد : هاه . شو يعني بس البنيه اللي تتاثر بالحــــــب ..
سعيد : عمريه ماجفت انسااان شراتك شو تبابها يوم هي معذبتنك هيه بنيه وغيرها بنيه وانته الف وحده تتمناك وتتمنى بس الارض اللي تمشي انته عليها ايمووتن في ذمتيه يو نظهر وياك مكان يتحرقصن بس عسبك وانته دومك لا بسنهن ولابسنهن عسب منوه عسب وحده معذبتنك هالعذاب كله لا راحمتنك ولا ملختنك اتعرف ليلك من نهارك .. اتحبها تقدر اتحب الف بنت غيرها .. بتقولي انا مكمل معاها ست اسنييييين .. ياما ناس عاشوا مع بعض سنوات وماحسوا بالحب وماحسوا فيه الا بالعذاب والتعب وناس عاشوا مع ناس شهرين حسوا بالحب وعاشوا فيه بسعاده وفرح ..
احمد معقد حياته : انته شو تقوووووول ؟؟ انا ماقدر ابدل حبها بحب اي بنيه فهالدنيا انا احبهااااا هيه اتعرف شو يعني احبها ااموت فيها ماقدراشوف اي حد غيرها ماتفهههههههم ؟؟؟
سعيد : انته اللي ماتفهم لا تسوي عمرك عبيط في هالسوالف بنت معذبتنك ودومها تتهرب منك وماتبا ترمسك اكيد انه عندها بدييييل غيرك ... هيله بنات هالزمن .. بنات التلفونات محد يثق فيهن .. حط في بالك هالشي .. عسب جذيه نحن مانحب ولا انفكر انا انحب غير اللي بناخذها اللي امايه بتخطبلي اياها اللي انا ماعرف اي شي عن ماضيها .. واني اعرف انا امايه ماتبالي الا الحشيم والحشيم في بيت هله ترا حشيـــــم فهمت فكر بعقلك لو مره خل قلبك ع صوب ... انا اخوك وابا مصلحتك لو اني اصغر عنك لكن جربت انواااااااااع البنات كلهن واعرف اميزهن بس من كلمه وحده عنهن .. فهمت .. انته ماعرفت الا هيه وانا ماخليييت وحده ماعرفتها .. فبالتالي اقدر اعرف الزين من الشين .. فكر في كلامي عدل ..
تم احمد سااااكت ومرصص اعيونه في السكان ولا اتكلم ولا قال اي شي ..
شويه ورن تلفونه .. واللي متصل هي دانه .. حرك عيونه صوب التلفون .. شاف ..( شجون القلب )
ماااااااااااااات من الوناااااااسه يوم شاف رقمها ..
دانه : الووو ..
احمد : اااه .. فديييييت هالصوت وراعيته ... هلا حبيبي ..
سعيييد ماااااااااات من الغصه : مالت عليييييييك .. اتقول يالس اطرب حق عنز .. ونزل عنه ..
دانه : .................. شحالك احمد ..؟؟
احمد : كيف هنت عليج ؟؟ يومين ماتكلمييييني ؟؟ انا في شو غلطت خبريني في شو قسيت عليج بس افهم هالشي .. حرام عليج .. والله حرام ..
دانه : احمد انته من حقك انك اتعرف اللي فيه وعسب هالشي انا داقه الحينه عسب اخبرك بلي فيه ..
احمد : انزين اتكلمي غناتي انا اسمعج ..
دانه :حد عدالك ؟؟
احمد : لا محد هاذا سعود كان عنديه ونزل ..
دانه : هيه .. المهم احمد بسالك سؤال ؟ نحن من متى مع بعض ...؟؟
احمد : من 6 سنييين شفتي عليه شي غلط شفتيييني في يوم قصرت في حقج .. زعلتج ولا شي .. بس تساليني هالسؤال يعني ..
دانه : احمد اكمل ولا شوه ..
احمد : لا اتفضلي كملي .. اسف ..
دانه : احمد انا معاك من 6 سنين صح انك ماقصرت في حقي في اي شي وعمري ماشفت منك شي زعلني الا اشياء بسيطه ماتنذكر .. بس طول هالمده اللي انا معاك انته تمنيني على شي اسمه زواج على شي اسمه انك ترتبط بي وتكون ريلي .. وللاسف انا لين الحينه ماشفت اي تحرك من جانبك على هاذا الموضوع .. شو اللي يمنعك ماعرف ماعندك سبب يمنعك من انك تتجدم اليه .. معاشك وعندك وعندك الخير انك تفتح اليه بيت بروحي .. وعندك بعد الخير انك تعرس وتقوم بكل واجبات العرس .. من الالف لين الياء .. وانته هب قاصرنك شي .. بس شو اللي يمنعك ماعرف هل انك انته هب مقتنع فيني ولا شوه ..
احمد : بسالج سؤال ؟؟..
دانه : انا على ماظن اتكلمت ابا ردك ماباك تسالني ..
احمد : انزين .. خلينيي ..
دانه : اسال .
احمد : هاذا اللي مزعلنج ..
دانه : طبعا هالشي اللي مزعلني ...
احمد : مايسوى عليج انج تزعلين عسب هالشي واتودريني هاليومين بس عسب هالشي لو صدق كان في خاطرج شي جان ييتي وقلتيلي شو كنتي تترين .. وبعدين انتي تعرفيني اني انا ياي ياي .. واني انا مابا حد غيرج .. اتشكين في هالشي انتي ..
دانه : لا انا ماشك في هالشي بس مارضى اني اكون في حلج كل حد بنات خالتيه هاك اليوم يقولولي هو مايباج لو يباج جان يا خطبج وصدقهم انته لو تباني جان ييت خطبتني ..
احمد : ايـــــــــوه .. يعني حد مخربنج ومشوش راسح عليه .. زاد انج ..
دانه : انا هب ياهل ..
احمد :لا ياهل ..
دانه : لاء
احمد :امبلا يوم انج اتشكييين في لحظه وحده اني انا ماغليج او اني انا ماباج وماحبج انتي ياهل في هاللحظه . .. واصغر من الياهل وتستوين ف عييني ياااااااهل بالقووووو..
دانه : ...........................
احمد : ليش سكتتي ؟؟؟
دانه : شو اقول ..
احمد : ردي .. طالعي من متى انا معاج واخر شي بشو تشكييين اتشكيييين بحبي لج ؟؟؟ .. صراحه ماتوقعتها منج ... سمحييلي ع الكلمه طحتي من عيييييني ..
تمت دانه ساااكته واتصيح ..
احمد : لا تصيحييييييين ..
دانه : ...........................
احمد معصب : قتلج لا تصيحيييييييين .. والله اسكر الخط في ويهج ..
دانه : انا اسفه ..
احمد : وبشو تنفعني كلمة اسفه ..
دانه : احمد ماكان قصدي والله والله الشيطان لعبي .. ارجوك ارجوك سامحني ..
احمد : ماعليه الله يسااامحج ..
دانه : احمد انا احبك اموووووووووت فيك ماتخيل دقيقه انك تكون لوحده غيري وماتخيل لحظه اني اكون لاي واحد غيرك انا عشت الحب فيك انته وبس ... تفهم شو يعني عشت الحــــب فيك ..
احمد : ااه .. والله ياغناتي انتي ماتعرفين حالتيه كيف انا ماقدر اعيش لحظه من دونج ووتاكدت من هالشي يوم غبتي عني هاليومييين حسيت بروحي طلعت من صدري بس بس خلاص مستحيييييل اسكت مستحيييييل انا من باجربرمس امايه ..
تمت دانه مستاانسه وفرحانه : فديييتك احمد فديييييييتك ..
احمد : احبــــــــــج موووووووووت .. وافداااااااااج .. قلبي ..
دانه :لبيه ..
احمد : لبييييتي حايه .. سمعي ... احم ..احم ..

اشــــتاق انا لك واتلذذ بالاشـــــــــواق *** والــــــــــبعد منك يالغلا زاد شوقـــي
انته حبيبي ولك غلا وســــط الاعماق *** سارين في دمي وجارين في عروقي
ولحدن معي يسواك يازيــــن الاخــلاق *** يامالك عقلــــــي وروحي وذوقــــي
خذني بروف الله واطلب لطف ورضاك *** وارحم خفوقن لجل شوفك يتوقــــــي
لا لا تعذب من عنـــــى الشوق مشتاق *** وانـــا لوصـــلك ياغنــــاتي شفوقـــي
ارحــم معذب من وصل فوق الافــــاق *** بسك دلـــــــع ياساكنن فــي خفوقـــي

دانه : فدييييييييييتك فدييييييييتك .. فديت هالصوووووت محلاته ياربي امووووووووت فلي يشل امووووووت فيه فديييييت من شلي هالشله فديته ..
احمد : هههههههههه ها ها بس بس .. عن لا خق بعد..
دانه : تتدري حماادي ..
احمد : عيون حمادي ..
دانه : اخاف احسد عمري عليك .. والله اخاف .. الله واكبر الله وااكبر ..
احمد : ههههههههه .. اقولج خييييييلي لا تزيديييني خقه هب ناقص ...
دانه : هااااه .. عيل جذيه .. لا خلاص عيل هب زايدتنك عن لا تتبطر عليه ..
احمد : انا اقدر ؟؟؟؟
دانه : يمكن ..
احمد :دانووووووه ..
دانه : ها .. ها ... انزين خلاص خلاص .. هههههههه ..
احمد : بدخل داخل وبدقلج ..
دانه :انزين ماعليه وانا بعد بسير غرفتيه لاني قاعده في الصاله ..
احمد : ماعليه فديتج تحملي على عمرج ..
دانه : ان شاء اللله ...وانته بعد ..
احمد :ان شاء الله غناتي .. يله باي
وسكر احمد عندها ودخل البيت حصل سعيد قاعد في الصاله اللي في قسمهم وحايس حلجه يطالع احمد بغيييظ ..
احمد : هههههههههه ..
سعيد : ها ذليت عمرك .؟؟.
احمد : عمر الحب ماكان في مذله وعمر الذل ماكان موجود بين الحبايب .. حط هالشي في بالك ..
سعيد : هاه راضوووك ..
احمد : فديييييييييتها .. من حقها تزعل ..
سعيد : والاميره ديانا ليش زعلانه؟؟ ..
احمد : يالسبال ليش تشبهها بوحده ميته ..
سعيد : ياله عاده ..
احمد : صدق بعد شووووووو...
سعيد : انزين وليش حظرتها زعلانه .؟؟.
احمد : صدقها سعيد انا من متى معاها ولا اجدمت ولا خطوه وبينتلها اني اباها ...
سعيد : ليكون تباك تخطبها ..؟؟
احمد : نحن متفقين عالهشي ..
سعيد :وانته ظنك انه امايه بتوافق ؟؟
احمد : هب امايه اللي بتاخذها انا اللي باخذها ..
سعيد : ماعليه ربي يوفقك .. بسير ارقد انا ..
احمد : ههههههههه .. يله تصبح ع خير ..
سعيد : وانته من هله .. وراح سعيد غرفته وهو شال في خاطره ع الحال اللي فيه اخوه سعيد كان مايهون عليه احمد ابدا .. ويكرهه اي حد يزعله ولا يضايقه ..
وراح احمد وحدر غرفته وبدل اثيابه واتصل في دانه ...

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 36

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 7:19 pm

في بيت بو سيف
الخميس 12 الظهر
الرمــــــاح..

خالد وراشد وبطي وناصر وام سيف وبو سيف ..
خالد : زايد ويييييينه ؟؟
ام سيف : مرقد .. من يحيدها الاجازه وماشي مدراس قبضها سهره ع السوني لين الصبح ورقد اليه طول النهار .. وينش العصر عطييني فلوس ويشل الدريول ويظهر ومايرد البيت لين الساعه 11 وهاذا عقب مانا تظهر روحيه من كثر ماتصلبه متى بترد ومتى بترد ؟؟ ..
راشد : هب منه من البزى اللي محصلنه ..
بطي : هو لو محصل ضرب بعصا مابيسوي جيه ..
بو سيف : ياله عاده انتوا خلو عنكم كنتوا اتسون اكثر عنه .. والحينه اتحطون عليه ..
بطي : ياله عاده يابويه زمانا نحن غير عن زمانهم في ذمتك انا وسيف كنا نسوي جذيه ؟؟
بو سيف : ساعات عاده ايامكم ماشي مولات ولا سوني ..
ناصر : ههههههههه .. ابويه قصده حدكم سوبر ناتوندو .. ههههههههه ..
خالد : لا هاي هب ع زمانهم هاي ع زمانيه ..
وشويه وحدر عليهم سيف ..
سيف : سلااااااامن عليههههههههم ..
الكل : وعليكم السلام ..
بطي : سواف وانته واقف سير وعه هاذا زايد من رقاده من الصبح مرقد ..
سيف : ول لين الحينه راقد..
خالد : ههههههههه .. خاس ..
سيف : بزى عوذ بالله منه ..
راشد : يوم اقولكم ..
بوسيف : ماعليه خلوه اصغركم هاذا ...
خالد : ترا الوالده ماتخرب الا الوالد هو اللي يخرب ..
ام سيف : صخ صخ عاده انته هيهاااااء منك ..
خالد : هاه موزه هاه ها ؟؟ ويلس يلعوزها ويرفع برقها ويحببها ..
بو سيف يرفع المخده يفر ابها خالد : انته اييييييه ايلس عن حرمتيه شو تبابها ؟؟..
راشد : وابوووووووووووووكم ههههههههههه .. الشيبه يغار ..
سيف : والله ابوك ثره هب هيييييين ..
ناصر : الوالد .. الغيره الغيره ..
بو سيف : فقتكم يالسوووود ماتستحون على ويوووووووهكم ..
ام سيف : والله انكم ماتخيلوووووون .. وراحت عنهم المطبخ ..
سيف : فديييييييت اللي يخيل انا فدييييييته وربع وراها وحط ايديه ع جتفها وضربته ع جتفه ..
ام سيف : عيب عليكم عيب ..
سيف : ههههههههه فديتج انا انزين غناتي انسولف عاد نحن ...
بو سيف : زين الكم جذيه زعلتوا شيخة الزين يلي ماتستحون ..
خالد : شيخة الزين تتغلا وتتدلل .. تتدلل بين ربات الجمالي جميل ولا يق فيك التدلل ..
سيف : والله والله اتين .. والله حلفت عليج .. افا ياموزه تردييييني ..
ام سيف : خلوني بسير اجوف غدايه ..
سيف : هههههه تعالي تعالي مانبا غدا نحن وسحبها من ايديها وردها الصاله ..
ناصر : عاشووووووا .. وحط ناصر نجوم وسبحان الله نفس الوقت اللي غنا مقطع منها خالد كانوا حاطينها ..
راشد : ههههههههههههه شو قريت عليها .. وارتبشوا كلهم .. ونش خالد اييول .. وسيف وخا وقعد ع الارض عند ريل امه وقعد ايبس الها .. وبو سيف مستاااانس عليهم ونش وياهم بعد ...
ام سيف : ههههههههههههه .. شعندكم اتخبلتوا وخبلتوا الشيبه مسكين ويااااكم ..؟؟
بطي : روووووووح رووووووووح .. وتم ايول ويدور ع امه وناصر طول ع الاغنيه وتم اييول بطربوشته ين يترابعن شمسه ووديمه تمن يطالعن منصدمات وعقب يت شمسه وفتحت شعرها اللي كان لين بداية ريلها وتمت تنعش .. وراتبشوا كلللللهم .. وتموا راشد وسيف ايبسون عند ريل امهم وبوسيف مستانس وايول ويا بطي وخالد وناصر ..
خالد ياشر ع بوه : امممممممره مافيه حيللللللللله .. ايوووووووووووو.. رووووووووح ..
بطي : ياااااابس ياااااابس .... يااااااابس ..
وراح خالد ووقف عند ريل ابوه وحط ايديه ع طرف راسه من ورا وقعد ايهز رقبته وايبسسسسسسس ..
ام سيف : بس بس خلااااص .. هههههههههه .. شوياكم اتخبلتوا .. وانته وانته تمت تاشر ع بو سيف ..
بو سيف يغمزلها : اعيووووووونه .. لبيه ياشيخة الحريم ..
ام سيف : ماتستحييي ؟؟؟ ..
وتموا كلهم يضحكووووووون .. عليهم ..
سيف : علمووووووه .. بعد يغمز روح اممممره مافيك حيله عاش بو سيييف هوووووووووب ..
ويوم يا هالمقطع " تدلل بين ربات الجمالي جميل ولايقن فيك التدلل " تم بو سيف ياشر عليها ..
خالد :رووووووح امممره ابوك اخترش خرشششششه اليوم .. هيهههههههههه .. ايووه يبس يبسسسس ..
وخلصت الاغنيه ...
ناصر : افااااااااااا ..
ام سيف : زين افتكينتا من الصدعه ..
بو سيف : ها العيوز استانستي ..
ام سيف معصبه عليه : ومنوه قالك انيه عيوز بسم الله عليه .. جان انته شيبت يمكن ..
وشويه ورن تلفون ام سيف .. وكانت اللي متصله ام محمد ..
ام محمد : السلام عليكم ..
ام سيف : مرحبا مرحبا .. وعليج السلام والرحمه ..
ام محمد : المرحب باجي خالتيه شحالج ؟؟
ام سيف : بخير وسهاله يعلني افداج انتي شحالج ..؟؟
ام محمد : بخير وسهاله فديتج شحال البنيات ووالاولاد شحالهم ؟؟
ام سيف : بخير كلهم ابخير مخبليبيه من الصبح حاطيلنا هاي اغنية تدلل وايولون وارتبشوا وربشونا ..
ام محمد : هههههههههه .. ماشاء الله عليهم الله يخليهم ان شاء الله . وهاك اليوم حصيص بعد اتخبلت وتمت تترقص وخلت اختها تترقص وياها وعاده لطوف مافيها شعر اتحيدينه شعرها قصير وغير عن شعر حصه ..
ام سيف : فديتها الحص ماشاء اللله عليها ..
ام محمد : ونشت اتصيح اشعنه انا شعريه هب نفس شعر حصه ..
ام سيف : ههههه فديتها بقولها ماعليه بيطول وبيغدي اطول عن حصه ..
ام محمد : لا هب مقتنعه اونه لازم الحين يستوي .. اقولها جان بنغضب ربنا وبنوصلج يمكن .. هههههه ..
ام سيف : فديتها والله ..
ام محمد : سمحيلي خالتيه داقتلج في هالوقت بس شفت رقمج .. قبل ربع ساعه جذيه ..
ام سيف : لا فديتج اعنبوه هب من بينا .. هي اتصلت اطمن عليج اتقولي ختيه انج مريضه ..
ام محمد : ههههههه والله هاي امايه دومها الا تكبر السالفه لا مافيني شويه الا بس اتحيدينه هالصداع يوم ايينييني ..
ام سيف : سلامتج فديتج ماتشوفين شر .. اشعنه ماتعالجين عنه ..
ام محمد : مادري والله يخالتيه خذتليه موعد وان شاء الله بسير اجوف ..
وتمت اتسولف معاها شويه وعقب سكرت عنها ..
وقعدوا وحطوا غداهم واتغدوا راح بو سيف عسب يرقد وراحت ام سيف وراه ..

راشد : اتصل في سعيد جوفه وين بنروح اليوم ..
بطي : ليش وين تلفونك ؟؟
راشد : تلفوني فوق ناسنه ..
وشل راشد تلفونه واتصل في سعيد ..
سعيد : حيبه بو سنيده ..
راشد : الله يحيك ويبجيك شحالك بو عسكور ..
سعيد : بخير وسهاله من صوبكم ..
راشد : والله الحمد لله بخير .. هاه وين ابها اليوم ..
سعيد : والله ياخي من زمان ماسرنا ع الكاسر بدرجاتنا عاده مفكرمن البارحه انا نكشخ ونسير بدراجاتنا صوب بوظبي ع الكاسر تعرف انته اليوم الخمييييييس ..
راشد : اااه منك يابو الافكار انته ..
سعيد : ههههههههه .. عيل هالعقل مزهريه ؟؟
راشد : يمكن وظاهر منه وردتييين ..
سعيد : سبال ..
راشد : ههههههااااااااي ..
سعيد : خلاص عيل غايته انا برمس احمد وبنمر عليكم ..
وتم راشد يرمس بطي وخالد واتفقوا وخلاف رد على سعيد .. سيف قالهم انه عند شغل وناصر عليه امتحان بالسبت واصلا ناصر هب راعي طلعات على قولتهم بيتاوي ودومه في الخيمه ويالراييل وماله حايه في المولات ..
راشد :بو عسكور جوف .. نحن بنمر عليكم بنيسان بطي وبنقلص الدرجات كلهن في قلاصه عوده ولا بناجرلهن سياره اتوديهن بوظبي ..
سعيد :ماعليه خلاص عيل مدام جذيه غايته نترياكم ..
راشد :متى تبونا انييكم ؟؟..
سعيد : ماعرف عادي اي وقت ..
راشد : خلاص نحن شوي بنريح لين خمس وخلاف بنظهر ..
سعيد : غايته بو سنيده .. تامرنا بحايه ..
راشد : لا فديت خشمك سلامتك .. مع السلامه ..
سعيد :ربي يسلمك ..
وع الساعه خمس نشوا الشباب وقلصوا درجاتهم وطرشوهن في سياره ويالدريول صوب بوظبي وخلاف مروا العين وقلصوا دراجة احمد وسعيد وراحوا كلهم صوب بوظبي ..

الجزء التاســــــع

حلات الحب اللي منه مباح يولف كل خل مع خليل
يعالج قلب منه ماستراح ودايم همه العاشـــق ثقيل

على الكاسر
الخميس 9 فليل ..

كانوا سعيد واحمد وراشد وبطي وخالد واقفين بدراجاتهم صوب الكاسر محاوطين النافوره اللي هناك ..وكانوا صدق صدق كاشخين وكلهم كانوا لابسين نفس الشي بنطلون اسود سبروتي وتيشرت رصاصي في صورة ريال باالاسود وحاطين عليه قميص ثقيل لونه اسود .. وكل واحد منهم ماشاء الله عليه احلا عن الثاني بس حلات خالد غير ...
خالد : يله روحنا ..
احمد : يله يله بسكم من الصبح قاعدين اهنيه والله انه برد ثلجنا .. وواقفين نتيمد خلونا نتحرك عسب ندفا ..
بطي : ههههههههه .. يله يله شورك وهداية الله ..
راشد :وعقب مانخلص خلونا نحدر فلم ..
سعيد : وننزل ببنطالينا وقمصانا ...؟؟
بطي : ياااله عليك انته اتمشيت في السوق بلبس بتان والحينه لابس بنطلون ومابتتمشى ..؟؟
سعيد : لا.. بس ...
احمد : هههههههههههههههه .. انتوا ماتعرفون شو السالفه ؟؟..
بطي : ههههههه لا .. هاه بو عسكور شو سالفتتتتتتك؟؟؟
احمد : الريال ابيض يخاف حد يجوفه ويتحراه زلمه ومايعطيه ويهه .. ماتعرفون العوق ...
وتموا يضحكون الشباب ..
خالد : افا عليك انته لا تغرك هالظنووووووون .. هل بالخيل ينعرفون من بعد اميال واميال ..
راشد : هههههههه زادكم من الخقه شويه ..
سعيد : لا دامه جذيه خلاص غايته ... عليييييه ..
خالد : هههههه .. يله عيل بندور ع المارينا ثلاث دورات وخلاف بنحوط هنيه ع الكاسر وبنحدر المارينا ..
احمد : شورك وهداية الله يابوليد .. يله ...
وتحركوا كل واحد بدراجته ودراجاتهم كلهم كان لونها اسود ونينجا .. ومن وصلوا جدام المارينا .. كل واحد منهم اتخذ حركه وسواها .. خالد طايح ع بطنه ويسوق الدراجه .. وسعيد وبطي واقفين ع دراجاتهم ويسوقونهم .. وراشد واحمد حاطين ركبهم ع على السيت اللي يقعدون عليه وواقفين ويسوقون .. يعني لكل واحد كانت حركه .. الكل كان متخبل عليهم وصدق هاك االيوم الكل كان يرمس عنهم ونص الشباب وقفوا سيايرهم وقعدوا يطالعونهم ويحيونهم ..وتموا لين الساعه عشر الا ربع وعقب حدروا المارينا وتموا يتمشون وطبعا كلهم بشعورهم .. احمد وبطي وراشد قعدوا في ستاربكس وراحوا خالد وسعيد يشوفون الافلام .. عسب يحدرون السينما ..وخالد وسعيد كانوا قاعدين يتمشون وهم الاثنينه اللي كانت شعورهم شوي طويله لين حياتهم .. ولفن مجموعة بنات عليهم ومن شافوهم اتخبلن البنات وردن وراهم وتموا البنات يتبعون قوم خالد ..
سعيد : طالع هيله ..
خالد :وع عاده وحده تلحقك مافيها خير البسها البسها ..
سعيد : ياريال مادريت اني مزيون جذيه كل ماخطفت حذال حد الكل يطالعنيه ..
خالد : هههههههههههاااااااااي .. والله انك يابو عسكور ... فديت خشمك ياكامل الزين ..
سعيد صد عليهم واطالعم باحتقار : هههههههههههههههه ..مابا الرقم غصب ؟؟؟ وحرك حياته الهن ..
خالد: ماعنا خرده ؟؟ كم تبن ؟؟؟
قفطن البنااااااااات ومشن سيده عنهم وتموا خالد وسعيد يضحكووون ..وراحوا صوب السينما وحجزوا فلم رعب اسمه ..(The Grudge)
خالد : ها شو رايك ؟؟
سعيد : والله يمدحونه الشباب .. خلنا نحدر ..
خالد : غايته ..
واتصل خالد فيهم ويوا كلهم فوق .. وردوا وهم يضحكوووون ..
سعيد : ها شو سالفتكم ليش تضحكوووون ؟؟
بطي : هههههههههههه .. هيله الخسفات يلحقنا ..
خالد :هههههههههههه .. يوم ماعطيناهن ويهه جبلوا صوبكم ..
سعيد : مالت عليهنننن .. امحق ليل .. والله طالع يايه عرس ؟؟
خالد : هههههههههاااااااي عافان الله ..وعاده هيه العروس واحمدوه المعرس ..
احمد منصدم وبلوعه : ووووووووووع اتهبي الا هيه يله يله .. هاذا اللي كان ناقص بعد .. يله .. لو حتى ببلاش والعرس عليها عدني ماباها ..
راشد : هههههههههههه .. الله يخسكم شلكم بالخلق امشوا امشوا طالعوا الزحمه كيف عند مال الاكل ..
سعيد : يله عاده احمدوه وبطووي روحوا انتوا اشترولنا ..نحن ينا انشوفلكم الفلم وحجزنالكم ..
بطي : ياخي فيك نذاله غير طبيعيه ..امش امش احمدوه بنروح نوقف في الطابور ..
احمد : يله سرنا وبنشتري حق عمارنا وهب شراليكم ..
خالد : هههههههه . والله تخسون والله لا نشل اكلكم ونركض به في المارينا ..
بطي : هههههههههههههههههااي اتخيل والجوتي يطير .. هههههههههه ...
راشد : ويضربكم ع روسكم يله عاده موقفينا اهنيه .. ومشى راشد ومشوا وراه وقف حذال وحده قعد يستهبل عليها وهي مستانسه .. ومطوه خالد وسعيد وسولها حركه انه مينون اتروعت البنت وراحت . وقعدوا يضحكون يعني صدق اليوم ماخلوا شي في خاطرهم ماسووه من ضحك وسوالف وخبال ويتمصخرون على بعض .. صدق صدق استاااانسوا .. وع الساعه 40 : 11 خلص الفلم وظهروا من السينما وراحوا مطعم حاتم اللي فوق قعدوا يتعشون لين الساعه وحده وخلاف قلصوا دراجيهم في القالوصه وردوا العين ..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 37

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 7:20 pm

بيت بو مطر
الخميس 1 فليل
سويحـــــــان ..

يعلني ماذوق حزنك ويعلني بالعمر افـــــــــداك*** بين الخلايق مغلينــك غالي معي محد يسواك
اموت في طبعك وفنك سبحان ربي كيف حلاك *** قلبي هواك وهاوينك في لب قلبي دوم سكناك

ظبيه كانت مرقده عيالها وكانت قاعده اتسولف مع ريلها في التلفون اللي توه راد من دبي ياخذله بدل لانه مطر باجر بيسافر لندن عنده دوره اسبوعين مطرشينه الدوام .. وهي كانت بتتعلق فيه بس هو كان رايح مع الدوام ومع ربعه .. مطر كان ايموت في ظبيه اين عليها هي كل شي في حياته وهي ساعات يتخيللها انه هو يخونها او انه يعرف وحده غيرها ماكانت تتدري انه هو يموت ع التراب اللي هيه تمشي عليه وعذرها الوحيد في خيانته الها اونه عاده بس لانه هو مزيووون .. وظبيه من النوع اللي يهتم في نفسه وايد وايد كانت كل خميس تتعدل حق ريلها وتتكشخ له وتلبسله احلى لبس طبعا غير عن تعديل كل يوم بس يوم الخميس كااان غير كانت تلبس احلى لبس ..وهي ماشاء الله عليها كانت حلوه بيضا وعيونها كبار وخشمها طويل وايد كانت تشبهه الريم ختها بس طبعا هي اصغر في السن وجمالها كان غير وهي وحصه وايد يتشابهن حتى ساعات الحريم يلخبطن يتحرون حصه ظبيه والعكس ....
ظبيه : مطوري غناتي وين انته ؟؟
مطر : فديتج انا هنيه واصل شوي بس ..
ظبيه : ايهون عليك اتروح واتخليني روحي ..
مطر : لا حبيبي لا اتقولين جذيه .. انتي ماتعرفين انتي شو بالنسبه اليه ..
ظبيه باستهبال : لا ماعرف ..
مطر اونه معصب : ظبااااايه ..
ظبيه : هههههههههههه .. ها .. ها ؟؟ .. انزين انزيييييين ..
مطر : اتحرا بعد .
ظبيه : هيه ادريبك اليوم من الصبح رايح دبي ولا اتولهت عليه ؟؟
مطر : منوه قال .. ؟؟
ظبيه :انا اللي قلت ...؟؟
مطر : ليش انتي ماتتدرين ؟؟
ظبيه: لا شوووووو ؟؟
مطر : اني ميت عليج من الولهه ..
ظبيه : صدق ؟؟.. صدق ؟؟؟
مطر : هيييييه واتخيلج جداااامي الحينه ..
ظبيه : هههههههههه ومنوه احلى انا في الواقع والا في الخيال ؟؟
مطر : ههههههههه غناتي نفس الشي تراج انتي هي في الاثنينه في الواقع وفي الخيال ملكة جمال ولا حد يسوااااج ..
ظبيه : ههههههه خل عنك خل عنك .. عيالك لعوزوني اليوووووم ..
مطر : انتي دومج تشكين منهم حليلهم ..
ظبيه : صدق بعد شو .. خصوصا حمدانوه الشر ها ..
مطر : ها اللي يبا العرس واللي يبا العيال ..
ظبيه : ههههههه ابتليت والله بلاني ..
مطر : يالعيوز انتي .. غناتي وصلت انا .. والله اني مدوخ وتعباااااان .. فيني رقاد ..
ظبيه :انزين انزل عسب ترقد ..
مطر : صبري اول بهديج اغنيه ..
ظبيه : هههههههههه ... سجلها في تلفونك وانزل سمعني اياها وانا جدامك ..
مطر : انزين ..
ظبيه : تراني انا باجر بسير بيت هليه وقبل لا تسير وصلني وحمدان مابخليه يروح الروضه اسبوع .. ابرايه الا هي روضه عاده ماعرف شو يعطونهم الا جان على الاف والباء انا اروحي بعلمه عليهن ..
مطر : ...............................................
ظبيه : الووو .. الووو .. الووو ... رقد بعد شو .. ماعنده ون توه سيده .. وتمت تزقر عليه مطررر مطووووور .. مطرررررر .. مطووووور .. حوووووووه .. وتمت ادقق فصوص التلفون وهو ساكت ..اففف والله لو ينقع مدفع مابينش . وسكرت وتمت تتصل وتتصل ومحد يشله .. راحت وعقت اللبس اللي هي لابستنه ولبست كندوره واتحجبت بشيلتها وخلت مكياجها لانه محد في بيتهم اخوه سهيل ومسافر فمحد يعني غير البنات شمه وعزه وعمها وعمتها اكيد رقود .. ونزلت ويوم نزلت شافت عزه وشمه قاعدين ..
ظبيه : ماشاء الله واعييياات ..؟؟
عزه : هيه عاده اليوم الخميس ..
شمه :ههههههه اللي مايسهر يخيييييس ..
ظبيه : احيدها اللي مايواعد ..
شمه :هههههههههه .. بالله عليج نحن ويووه مواعد ههههههه ها المثل حق الشباب نحن البنات اللي مايسهر هههههه .. يخيس ..
ظبيه : ماشاء الله عليكن ..
عزه : انتي وين رايحه ..
ظبيه : ارمس مطر ورقد عني في السياره واقف خاري هو ..
عزه : هههههههههههههههههه ..
شمه : ههههههههه اونه والله ها ريلج نكته .. ماعنده وقت ..
ظبيه : حليله ريلي ليش تتنطنزن عليه يلي ماتستحن .. يله .. وعقدت حياتها اونه معصبه وتمن هن يضحكن عليها ..بروح له فديته .. وظهرت عنهن وراحات في الحوي حصلته موقف سيارته جدام باب المدخل ومطر كانت عنده بورش كايين بيضا وراحت وفتحت الباب وحصلته عاق الكرسي وطايح وراقد والسماعه في اذنيه .. شافته وضحكت وراحت صوب الباب الثاني اللي عدال اللي يسوق وقعدت حذاله .. يلست اطفربه .. حطت صبعها السبابه على حياته ويلست تحرك صبعها على حياته .. وهو يتحرك وخلاف باسته على خده ..
مطر فج اعيونه متروع : وااااابووووكم شو ها ؟؟؟
ظبيه : ههههههههههههههههههههههههه ..
مطر : فديييييييييتج انا ولوى عليها وتم لاوي عليها .. حبيبي انتي كيف ييييتي ؟؟
ظبيه : ههههههههه .. كيف بيي يعني تراني كنت اكلمك وانته حظرتك رقدت عني .. ماعليه ماعليه .. لها الدرجه الرقااد غااااوي ؟؟ فجني فجني ..
مطر وهو يلوي عليها بقو : لا غناتي هب جذيه والله انيه تعبااااان ... وناش من الصبح وخط دبي وخط سويحان تعبت والله ..
ظبيه تستهبل عليه : لا لا خلاص مابا .. وقرصته في ايديييييه ..
مطر : ههههههههه اااخ اااااخ ..
وبطلت الباب ونزلت عنه بند السياره وراح يربع وراها .. دشت وهي تضحك ..
عزه : ها شو اتسوووووون ؟؟؟
ظبيه : ههههههه .. سكتي اكوه ورايه ..
مطر حدر الصاله وشاف خواته : بسم الله عوذ بالله هالسكنيات شو موعنهن الحينه ؟؟
شمه : هههههههههههه ... ها ها ليش ياي تربع وراها ..؟؟
مطر : اقولكم سيرن سيرن ارقدن اخير ..
عزه : اتشوفينه ايغير السالفه ..
ظبيه : ههههههههههه ..
شمه : لا لا صدق صدق ليش ؟؟..
مطر : انتن شعلييكن ..
عزه تصدد :علينا جلابيااااات .. وانته عليك كندوره ههههههههههه ..
مطر : مع ويوهكن يله عن السهر انتن الهنتين .. وسحب ظبيه وراه وهي ميته من الضحك ..
عزه : تعال وين مودنها ؟؟
مطر : كيفي حرمتيه يااااهي حاااااااله ... بضربها ..
ظبيه : شفتوا اجرامه كييييف ؟؟ وانا حليلي اللي سايره اوعيه ماخليته يرقد في السياره ..
مطر : قصورج يالخيليه ...
ظبيه : لسيااااانه طويييييل .. ها ها .. حطت ايديها ع ايديه وفجت ايديه .. لحظه لحظه .. ها شو بلاها الخيليه هب عايبتنك ..؟؟
تم مطر يطالعها بنظررات هي قفطت .. جان ادزه صوب جتفه ..
عزه : ههههههههههههههه ..
مطر : انا بسير اللي يباني ااييييني .. وراح عنها وركب الدري ..
ظبيه :ههههههههههه .. يله تصبحون على خير ..
عزه وشمه : وانتي من هله ..
وراحت ظبيه عنهم وتمن رواحهم ..
شمه : اه ياقلبيه ماتحمل اشوف هالمواقف اتخيل في يوم انا اكون مع احمد جذيه ..
عزه : في عينج احلمي احلمي وهو لا وداري عن هوى دارج ..
شمه : الله بيعيني ان شاء الله ودامي ماسويت شي غلط في هالحب ليش لا التوفيق من عند الله ..
عزه : بتحرك.. بلمح ..بسوي شي اعنبوووووج .. لوح ..
شمه : عزووووه شو يعني اسوي اروح اقوله انا احبك والله لو بعدني بموووووت .. ماسويت هالشي هييييه كله ولا سمعتيه ..
عزه : لا هب جذيه بلمح حق ظبيه ..
شمه : هيه مره مول عاده مايحتاي المحلها اونه .. اقولج .. ودزتها .. روحي روحي ارقدي مشكله اليهال اللي مايفكرون بعقلهم ..
عزه : حليلج يالعووووده .. يالهيماااااااانه ..
شمه :والله عزووووه بذبحححج افففففف .. وراحت عنها ..
عزه : ههههههههه ... تعالي انزين تعالي ...
شمه : انقلعي ..
عزه تتحرطم اروحها : اف شو هيله اللي مايتحملون المصخره ياربي منهم ..
وردت شمه مره ثانيه وسمعتها وهي تتحرطم ...
شمه حاطه ايديها ع خصرها : لا واللللله استخفيييييتي اخت عزه ؟؟
عزه : ههههههههههههههه.. يهالويهه ..
شمه : ويييييهههج .. انزييييين ..

في بيت بو علي
الجمعه 4 العصر
العيــــــــــــن ..

ام علي وبو علي وسعيد وظبيه وعلي قاعدين في الصاله ...
ظبيه : فديتها ماشاء الله عليها فطامي الصغيره كتكوووكه هاك اليوم زاعت عليه فديتها بكبرها علي ...
ام علي : حليلها هب منها من كثر ماخضيتيها ..
ظبيه :ههههههههههه .. اتخبرني مريم اتقولي خليت خواتي ايحطن اثيابها في كبت فلاح اللي فبيت هلها قام معصب عليها وفر اثيابها كلهن ع الارض اونه لا انا مابا معاها في الكبت ..
علي : زعامه البيت هاذا ...
ام علي : فديييييت قلبه انا .. ولا هاك اليوم كنا قاعدين يايب حق امه السجين اونه يله طلعيها هاي فتومه من بطنج .. فتومه لو تسمعونها من حلجه وهي ظاهره ..فديته وفديت حلجه انا ..
ظبيه :ههههههههههههههه .. اتحملوا عليها عن لا يسويها صدق ..
علي : هو اخوه اللي اكبر عنه ايعيل عليه وين هاي الصغيره مابيسويلها سالفه ..
سعيد : هالدلوع بنضربه .. هههههههه ..
بو علي : اتروم انته اتمد ايدك عليه لا اعلقها لك فركته ..
علي : هههههههههههههههههههااااي فركته ..
سعيد معقد حياته :لحظه لحظه .. دقيقه شو هاي الفركته ؟؟
بو علي : هاي اللي يربطونها الزلمان على رقبتهم ..
ظبيه : هههههههههههههههههههههه ابويه كرفتتتتتتته .. كرفتتتتتته ..
بو علي : ماعليج يابنتي مامات الا بلق عينه ..
ظبيه : اهااااا .. اوكيه خلاص ههههههههه ..
علي : ابوووك سوالف ...
سعيد : اااه منه .
ام علي : من ويهك شوووووو؟؟
سعيد : عوذ بالله كلتنا الخيليه ماقلنا عنه شي ..
بو علي : فديتها فطيم ماترضى عليه يعلني افدا قلبها ..
ام علي : ها ها اتهلل بالله شو بلاك ..؟؟
بوعلي : لا اله الا الله ..
سعيد : اونها مستحيه وتغير السالفه .. علينااااااااا علينااااااااااا .. وغمز الها .
ام علي : يلي ماعندك مذهب ..
علي : يله برايكم انا بسير بقعد ويا ربعيه في القهوه ..
بو علي + ام علي : ربي يحفظك ..
وظهر علي عنهم ..
بو علي : وانا بعد بروح المزرعه بشوف حلاليه ..
ام علي : ربي يحفظك الغالي ..
سعيد : ياعيييييييييني ياعييييني
ظبيه : يالحسوووود ..
ام علي : ها احمدوه وينه ماينشاف ؟؟؟
سعيد : راقد توني ظاهر شفته راقد ..
ظبيه : اتغدى ورقد هو صح ؟؟
سعيد : هيه ..
ام علي : متى يتوا البارحه انتوا ؟؟
سعيد : الساعه ثلاث يينا ليش ؟؟
ام علي : اعنبوكم جان مارديتوا البيت احسن ..
سعيد : هههههههههه المشكله ماكان عنا مكان نبات فيه ..
ظبيه : انتي امايه ماتشبعين من كثر ماتحاتينهم بس رياييل الحينه ولا يوزيهم وافتكي منهم .. اللي كبرهم معرسين وعندهم اعيال ..
سعيد : ها ها خرااااب الدااار ؟؟ صخي صخي لا تزيدينها هي اروحها ماتنزاد ..
ظبيه : صدق بعد شوووووو ؟؟؟..
ام علي : هيه والله يابنتيه صدقتي .. هاذا احمدوه ماعرف شو يتريا مايعرس ... عمره الحينه 25 واللي كبره من سنين معرسين .. وانا حاطه هييج البنت الغاويه في بالي الحشيم والرزينه من اول ماشفتها حدرت خاطريه ..
ظبيه : هييج البنت اللي رمستيييني عنها ..انا برمس لكن انتي الله يهديج قلتيلي اسكت عسب اتشاورينه ولا شاورتيه ..
ام علي : لا لا بشاوره امبوني اترياه فلوس المزرعه تنزل والحمد لله من شهرين وهي نازله ..
ظبيه : خلاص عل شو تترين عن البنت لا تنخطب بعد .. وتروح عنكم ..
ام علي : هيه والله لا لا بروح اخطبها .. امبوني انا مشاوره ابوج ...وقالي زين ماخترتي والحينه من اييني فليل برمسه ..
سعيد منصدم : شو شو امايه لا تخطبليه هو مايبا بالغصب ..
ام علي : ويدي وانته شلك ليكون بخطبلك انته بعد ؟؟؟ هو صاحب الامر انته شعليك ؟؟
سعيد : انزين هو مايبا بالغصب بتيوزونه شو بنيه ..؟؟
ام علي : لا تراني سكتت عنه من متى وانا مخلتنه ع راحته بسه عاده ..
ظبيه : صدقها امايه عاش حياته خلاص الريال عقب 25 سنه مايبا يشي يكون شبعان من كل شي ..
سعيد : انتي شو يايبنج بيتنا ؟؟
ظبيه : مالت عليك يالسبال يوم بتحيدني يايه بيتك هييج الساعه روغني ..
سعيد : عليج وعلى وييييهج ..
وشويه ان الخدامه يايه ويايبه حمده بنت ظبيه من فوق وكانت ملبستنها فستان خفيف لونه وردي وعليه طاقيه وشكلها كيوووووت ..
سعيد: فدييييييييييييييت الزين كله .. هاتيها هاتيها ...
وراحت الخدمه عند سعيد وعطته حمده وحمده مستانسه اتيره من شعره ..
سعيد :ااااي اااااي . وتم يعضضها صوب بطنها وهي تكركر ..وتم ينقزها ...
ظبيه : هييي هيييييي بنتي شويشوي ..
سعيد : جب انتي .
ظبيه : هههههههههه مع ويهك انزين انته ليش محتر انته اللي بتعرس ولا هوو ..
ام علي : خليه يولي ها شعليج منه خليه ينقع ..
سعيد : انزين ماعليه بتشوفن ان وافق ...
ام علي : ماعليه بنشوف فديته احمد يموت فيييني مايرفضليه طلب الا انته مسود الويهه ؟؟
راح سعيد صوب ظبيه ومسكها من ايديها : الحيييينه انا اسوود؟؟
ظبيه : ااي عله .. هههههههه مع ويهك روح روح ودزته ..
سعيد : انتي قدهااااااا ؟؟
ظبيه : هيه نعم عندك اعتراض ..؟؟
سعيد : يالهشعر الحليان اللي عليج ..
ظبيه :الحينه الاحمر استوا حليان ...
سعيد : ترا الاحمر لون الحلا جان ماعندج علم ...
ام علي : صخ صخ عنها انته اشعنه ماجبلنا ..
سعيد : اتصدقين ماعرف .. وظهر برع عنهم وهو بعده شال حمده وتم ايدور ابها في الحوي وراح وقف جدام باب البيت وعقب شاف اربيعه خاطف ووقفه وتم معاه يسولف وحمده كل ساعه اتير شعره ..
سعيد :يابوك هاي قطعة شعرنا روحنا مافينا الا 3 شعرات ..
منصور : حاسبنهن شوووووو؟؟؟
سعيد : هههههههههه .. هيه اوقف جدام المنظره اقعد احسبهن ..
منصور : فديت شيخة الزين انا هاتها هاتها ... وعطاه سعيد حمده...
سعيد :: طالع القويه والله مستانسه بتروح معاك ؟؟
منصور : هههههههه .. بنسرقها بوديها حق امايه بتتخبل عليها ..
سعيد : ههههههههههه .. عسب امها اتخليني اربع وراها العين بكبرها ..
منصور : ياريااااااال .. هههههههههه ..
سعيد : انته وين رايح ؟؟
منصور : والله رايح الصاله اتمرن حديد ..
سعيد : ياعيييييني .. وضربه ع جتفه ..
منصور : ااااخ .. اعنبووك ..
سعيد : ههههااااي اجوف مدى صلابتك ياخي ..
منصور : هههههههه .. لا تخاف صلب صلب ..
سعيد : يله عيل حبوب ما ناخرك ..
منصور : يله السموووووووحه ..
سعيد : بالحل الغالي مر علينا عاده خلنا نشوفك .. مانشوفك الا بالسنه احسنه ..
منصور : هههههههه .. خير ان شاء الغالي . ها الحينه شو الراي تبونها ولا لا ..
سعيد : ههههههههههه هاتها هاتها لا يسفرونا ...
منصور : هههههههههههه .. ربي يحفظها الكم ان شاء الله ..
ومد سعيد ايديه عسب يشلها وهي هب طايعه لاصقه في السكان : تعالي يالقوويه ..
منصور : هههههههههههههه . ياخي ماتباكم خلاص ...
سعيد : ماعنا ماتبانا عصااااااااا .. الحينه هيه اتحراك ابوها ... هههههههه ..
منصور : فديتها .. يله من الحينه انا محيرنها حق ولديه هب اتيوزونها ..
سعيد ههههههه انته عرس قبل ..
منصور : ههههههههه ياريال بعدني صغير ..
سعيد : هههههههه يله عيل سلم سلم
منصور : سلامن يبلغ .. وخلاف شلها سعيد وراح منصور ..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 38

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 7:22 pm

في بيت بو محمد
الجمعه 11 فليل
بوظـــــــــبي ..

ياحبـــيب الروح وين انته وانا *** ليتني اشوف شخصك كل يوم
لو تحول اصعب ظروفي ضدنا *** مايحول الشوق عنك والحلوم

ام محمد وحصه واليازيه قاعدات في الصاله ..
حصه : امايه ترا ني انا مابدوام باجر ؟؟
ام محمد : ليش الغاليه عطوكم اجازه .. احيد السبت باجر ...
حصه : اعرف بس انا وربيعاتي متفقات انا نغيب وكلنا بنغيييييب ..
ام محمد : يله يله .. ماشي غياب من زود دراستج الحينه ...
اليازيه : هههههههههههه .والله امايه مادبتنج عدل ..
حصه : جب انتي جب مالج خص اقولج انا انطمي انا اكلم الريم ... صدق الريم ارمسج انا .. مالي خص بغييييييييب ..
ام محمد : غيبي غيبي فكينا من الصدعه ..
حصه : هههههههههههههااااااااي يحيى العدل ..
ام محمد : الله يعبينا على خبالج ...
شويه وسمعوا صوت برع ويوم راحت حصه توايق ردت مره ثانيه تربع ..
حصه : امااااايه لحقوا لحقوووا مطررر مطرررررررر ..
اليازيه : حلفيييييي ..
حصه : والله ..
ام محمد : وووووايه الحمد لله ع النعمه الحمد لله وظهر ن ووقفن عند باب الصاله يطالعن المطر وظهرت حصه ترابع في الحوي ..
ام محمد : تعالي يالخبله بتمرضيبن ..
اليازيه : الااااااااه ونااسه وراحت معاها في الحوي والمطر يصبب عليهن ..
ام محمد : تعالن تعالن .. هههههههههه .. الحمد لله الحمد لله وراحت صوب التلفون عسب تتصل في بو محمد ..
وتمن اليازيه وحصه في الحوي .. واليازيه فاتحه ايديها والمطر ايصبب في ايدها وتشرب الماي اللي يصب في ايديها ...ومستانسااااااات ..
حصه رافعه ايديها تتدعي : يارب يارب ارجووك يارب انه خالد ايكون من نصييبي يارب يااااااااارب ..
اليازيه : اميييييين وياله يارب انه طحنون ايكون من نصيييييبي يارب واتريح قلب حصوه وايحس فيها خلووود يارب ..
حصه : ااااااااه ..امييييين امييييييين ..
وتمن يلعبن ومستانسات وخلاف حدرن داخل لانه ام محمد ظهرت واحتشرت عليهن . وتمن واعيات يطالعن المطر طبعا اليازيه خلتها ورقدت لانها بتروح الجامعه وحصه تمت واقفه عند الجامه تتطالع المطر وتمت لين الساعه 3 لين ماهدا شويه ..

بيت بو محمد
السبت 10 الصبح
بوظـــــبي ..

طال عني غيابه ماتحمل عذابه اه يامبرد اعصابـــه
حبه غير ايامي تاريخي واحلامي خلا قلبي له ظامي

حصه كانت قاعده في الصاله اترمس ربيعاتها في التلفون وشويه ورن تلفون امها حذالها راحت اتشوف الرقم .. وشافت " خالتيه موزه " يتصل بك ..
حصه :اقول موزوه برايج برايج بدقلج عقب شويه خالتيه داقه وامايه في المطبخ ..
موزه : اوكي ردي دقي ..
حصه : اوكي باي ..
وسكرت حصه وراحت تربع لين عند امها في المطبخ وعطتها التلفون ..
حصه : امايه خالتيه موزه متصله ..
ام محمد : هاتيها انزين ..
حصه : سكرت ..
ام محمد : جان رديتي عليها ..
حصه : كنت اتكلم في التلفون ..
ام محمد : ياسلام عليج ..
وشلت ام محمد التلفون واتصلت في خالتها ..
ام محمد : مرحبا الساع ..
ام سيف : المرحب باجي .. شحالج فديتج ؟؟
ام محمد : بخير وسهاله انتي شحالج خالتيه وشحال البنيات والعيال وشحاله عمي ؟؟
ام سيف : الحمد لله كلهم ابخير وسهاله .... شحال محمد وخوانه واخواته وحميد شحاله ؟ ؟؟
ام محمد: الحمد لله كلهم ابخير وسهاله ..
ام سيف : انا هنيه قريبه تونا داخلين بوظبي قلت بمر اسلم عليج ...
ام محمد: حيااااج الله ياخالتيه زارتنا البركه ..
ام سيف : الله يحييج ويبجيج يعلني افداج ..
وسكرت ام محمد عن ام سيف وصدت على حصه ..
حصه تتطالع امها : امايه خالتيه بتي ؟
ام سيف : هيه بتي .. يايه توهم داخلين بوظبي ..
حصه : منوه يايبنها ؟؟
ام محمد: مااعرف حد من الاولاد لاني سمعته يرمس في التلفون ..
حصه : انزين منوه ماعرفتي اتميزين صوت منوه ؟؟
ام محمد :يالمقوي انا شعرفنيه حافظه اصواتهم ..
حصه : انزين انزيييين ..
وراحت حصه تربع مستانسه لانها كان عندها احساس ان خالد هو اللي يايب امه بما انه خالد دوم اللي يودي امه كل مكااااااان ..
الجـــزء العاشــــــــر

كل الحواس تقول وش جاي وش جاي*** خايف تضيع أصابعي بأصبع إيديه
أبغي اشبــــــه نظرتي ترسم خــــطاي*** حتى القصيده ما لقت أي تشــــبيه

في بيت بو محمد
السبت 10 ونص الصبح
بوظــــــبي ..

حصه كانت لاصقه في الجامه وام محمد كانت قاعده ادخن البيت ..
حصه : يله امايه عاده متى بيوون ؟؟؟
ام محمد : مسودة الويهه انتي ثرج لا خيال ولا مستحى بدال ماتقولين هاتي امايه انا بدخن البيت عندج واقفه عند الدريشه يالمقوي تترين ؟؟
حصه : هههههههههههههه ... والله انج انتي سوالف ثرج كل يوم الصبح والمسا ادخنين البيت مافيه شي اتغير ..
ام محمد : مافييج خير الله يعين اللي بياخذج اسميه بيبتلي ..
حصه : وده هو ياخذ بنت حميد ..
ام محمد : حميد حشيم يعلني افداه الا جان من وراج انتي بيسود ويهه جدام الخلق ...
حصه : هههههههههه .. امايه امااااايه اكيه يت خالتيه ...
وهالوقت ام سيف كانت حادره البيت توها وظهرتلها ام محمد وتمت حصه في الصاله وقربت ابها ام محمد ..
ام محمد : حيالله من يانا قربي قربي خالتيه ...
ام سيف : قريب يعلني افداج الله يحيج ويبجيج ؟؟
وشافت حصه في ويهها ووايهتها ..
ام سيف : شحالج فديتج ربج بخير ؟؟
حصه : بخير وسهاله ياخالتيه .. ربي يسلمج .. انتي شحالج وشحال البنيات ؟؟
ام سيف : بخير يعلني افداج الحينه لو يدروبي ييت هنيه اسميها بتقوم القيامه عليه ..
ام محمد : هههههههههه .. والله زين سويتي يوم يتينا ؟؟ ارواحنا قاعدين انا وهاي الحشره من الصبح ..
ام سيف : امايه حصه ماعليج دوام اليوم ؟؟
حصه : ههههههه ... لا فديتج خالتيه عليه بس جذيه غايبه ..
ام محمد : ماتعرفينه المنكر انتي منكر ..
ام سيف : ههههههه .. فديت الحص انا حليلها اشعرفها هاي بالمناكر ..
حصه : هههههههههههه شفتي فديييت خالتيه انا ..
ام محمد : مع منوه يايه خالتيه ؟؟
ام سيف : فديتج شفت بطي يتلبس الساعه 9 قتله وين بتروح دوامك 7 هب جنك الا متاخر .. قالي لا ماعنديه دوام اليوم مرخصينه عسب يسويلهم شغيله اهنيه في بوظبي قلت الا اتعلق فيه واسير شويه صوب الريم قالي لا وين اوديج انا لابروح ساعه ساعه ونص وبرد انتي اونه لين ماتقعدين ساعه لين ماتشربين نص ساعه لين ماتسولفين ساعتين عزات اونه تاخرنا منج ولا ردينا الرماح .. ههههههه .. قلتله لا هب متاخره من تخلص مر عليه وبظهر ..
ام محمد : حياج الله ياخالتيه والله فرحتينا بهاي الييه الغاويه .. لا لالا ماشي نص وربع ساعه اتغدوا عندنا وربي يحفظك شو وراكم ؟؟
ام سيف : هههههههه .. لا فديتج وين جان تبيه يحرشنيه يله ..
ام محمد : لا لا انا برمسه اعنبوه حد رايغنكم شويه وبتظهرون ..
ام سيف : لا فديتج عسب البنيات بعد بيين ومابيحصلن حد اهناك ..
ام محمد : ياكثر ماتحاتينه هالبيت .. عسب البنيات ولا عسب عمي خلف ؟؟
ام سيف : هههههههه .. من درابه هذاك ايي ويروح ولا حد يدريبه نحن نظهر وانروح ولا يدريبنا ..
ام محمد : هههههههه .. حليله ..
ونشت حصه وراحت صوب المطبخ عسب اتييب الفواله وهي متحطمه .. صدق صدق متحطمه .. وحطت شي في بالها انه خلاص مافيه اي امل من بينها ومن بينه هاذا كان اخر امل بالنسبه الها انها تشوفه .. وتمت منقهره والقهر كان ياكل فوادها .. وراحت حطت الفواله والبلاليط والخمير ودلة القهوه وعدلتهن في الصينيه ودخلت وقالت حق الخدامات ايبنهن وراها وقعدن ياكلن وخلاف راحن يقعدن برع ع الكراسي اللي ع الدجه اللي في حويهم لانه الجو كان وايد حلو .... وبعد ساعه ونص بالضبط اتصل بطي ع تلفون امه ..
ام سيف : ها اتصل مادري عاده شو يبغي الحينه .. ؟؟وردت عليه ...
بطي : ها الليدي ديانا خلصتي ولا بعدج ؟؟ انا خلصت شغليه عطيتج ساعتين الا ربع ماشبعتي ؟؟؟
ام سيف : عنبوك كلتنيه بقشوريه .. هههههههههه .. من درابها ديانا مالتك ؟؟
بطي : ههههههه .. والله انج انتي يالعيوز سوالف تعالي تعالي اتولهت عليج اونه من درابها الليدي ديانا دربوها هلها .. يله امايه صدق انا عازمنيه ريال عالغدا اليوم لا تحيريينيه . ..
ام سيف : اعنبوه حتى 12 مايت ؟؟
بطي : انا ادريبها هاي الحنه مالتج انا شليه ايببج .. انا الخبله اللي هب صاحي اطيع شور حريم ..
ام سيف : هيه عاده من زود ماتودينيه واتيبنيه محد نافعنيه غير خالد وناصر فديت قلوبهم ..
بطي : هييه هييه ماعليه مايبين في عينج .. هم ثرهم اللي بينون في عينج لازم هم عيالج وانا ولد منوه ولد اليران ..
ام سيف : هيهااء .. ثرها اشتغلت الغيره اسمينا عيل هب مخلصين ..
ام محمد : خالتيه قوليله ينزل ..
ام سيف : يله الريم اتقولك انزل ..
ام محمد : هو وين ؟؟
ام سيف : واقف خاري ..
ام محمد : الله يهديك يابطي وراحتله برع .. وين ماكان موقف سيارته جدام الباب الرئيسي مال الفلا ..
بطي وهو ينزل من سيارته : هلا هلا ..
ام محمد : اعنبوه منوه رايغنك؟؟ ..
بطي : ههههههههه .. ولا حد .. شحالج ؟؟. ومد ايديه وسلم عليها وسلمت عليه ..
ام محمد : بخير ربي يسلمك .. انته شحالك ؟؟
بطي : بخير ونعمه .. الحمد لله ..
ام محمد : يله احدر احدر جداميه ..
بطي : هههههههه .. ان شاء ان شاء الله .. بس بسكر سيارتيه وبيي وراج ..
ام محمد : ليكون تشرد ؟؟
بطي : ههههههههه .. لا لا الله هب شارد ياي والله ..
وراحت ام محمد وعقب مابند بطي سيارته ونزل راح وراها وقالت ام محمد انه بطي بيحدر عدلت حصه حجابها واتحجبت عدل لانها كانت مظهره قصتها وحصه كانت لابسه جلابيه يشمك سوده خفيفه وفيها شغل خفيف بالاحمر ويا شيلة صلاه لونها سوده وفيها ورود بلون االاحمر .. وقبل لا يدخل ..
بطي : هوووود هووود ..
ام محمد : اهداااا يابطي ..
بطي وهو يفصخ النظاره من على عيونه : السلام عليكم .... من شاف حصه رفع حياته باستغراب واضح طبعا بدون قصد بس حركة فعل لا اراديه وهالشي خلا قلب حصه ايدق بالقووو جنه طبل وهيه هب عارفه شو السبب ..
الكل : وعليكم السلام ..
وراح بطي وركب الدري ووقف .. ووقفت حصه ..
بطي يخش نظارته في مخباه وتم حاط ايديه في مخابيه : شحالج ؟؟..
حصه : الحمد.. الحمد لله بخير .. شحالك انته بطي ؟؟
بطي : بخير ونعمه ربي يسلمج ..
وراحت حصه وقعدت حذال امها وخالتها ع الكرسي الثاني وبطي قعد مكانها ..
ام محمد : هيه عاده اليوم ماشي روحه الغدا عنا الحينه بيي ولد خالتك وبنتغدا ارباعه ..
بطي : لا ويييين .. الله يهداج والله انه ريال عازمنيه عالغدا ..
ام محمد : دامه جذيه برايك مسمووووح ببس اتردولنا اياها ...
ام سيف : افا عليييج ان شاء الله ..
ام محمد: هاتي شي حق بطي من داخل ..؟؟

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 39

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 7:24 pm

حصه : ان شاء الله ..
بطي : وين انا مابا شي .. تعالي تعالي مايحتاي والله ..
وراحت حصه ..
ام سيف : اشعنه اتعبين البنيه خليه ايروح ياكل من داخل دام الفواله محطوطه ..
ام محمد : برايها اعنبوووووه بتيب وبتي ..
وشويه وييت حصه وشاله في ايديها صينيه فيها 3 صحون واحد محطوط في بلاليط والصحن الثاني فيه خمير عليه عسل والثالث في فواكه مقطعه ... وحطت الصينيه ع الطاوله اللي جدام الكرسي اللي قاعد عليه بطي ..
ام محمد بنقمه : جان ييبتيهم بطاستهم ..اعنبووه كل شي عندكن بقول ..لازم انقولكن عسب اتسون ..
ام سيف : لا فديتها ابرايها اخير جذيه ..
تمت حصه منحرجه وويهها احمر وتتطالع امها..
بطي : لابس بس .. اناهب ماكل اللي في الطاسه كله ليش بعد الطاسه ..
استاتست حصه جان تتطالع امها وهي تبتسم بانتصار ...
ام محمد : اعنبوه بعد قدر .. لكن ماعليه يهال هذيله ..
حصه : امااااايه ؟؟
ام سيف : لا فديتج لا منوه قال ..هههههههه ..
وبطي يطالعها من طرف عينه يوم راحت داخل وراحت ويابت القهوه والفنيان وصبتله قهوه ويوم يت بتناوله الفنيان الفنيان يهتز وهي ماده ايديها عسب تعطيه اياه .. وهو يطالعها مستغرب .. وخلاف شل الفنيان وصبله وحطت دلة القهوه عداله وتم يصب له منها ويشرب ..
بطي : اكرمكم الله ..
ام محمد : وين ماكلت ؟؟..
بطي : ياله يالريم اسميج ناويه الا تجعميني وتخربين روحتيه حق الصاله لا لا .. بس الحمد لله خذتليه قفشتين بلاليط وشبعت ..
ام محمد : بالعافيه ..
بطي : الله يعافيج ..
ام محمد : انته شو تبابها الصاله بلاوي .. مستوي شرات احمد حاشرنا حشرة البلا على هاي الصاله والله ان اجسامكم غاويه مافيها شي اشعنه عد لازم هاي الخقه ؟؟
ام سيف : مايوزون عن الخقه ..
بطي : ههههههههههه .. شو نسوي بعد رياضه صحه ..يله موزه بسج .. نشي ..
ام محمد : ههههههه حليلها خالتيه يلسوا والله ماشبعنا منكم ..
ام سيف : ولا نحن فديتج بس شو نسوي ماعليه ان شاء الله المره اليايه ..
بطي : امايه عشيقة سوالف نمبر ون .. ها ؟؟
ام سيف : امش امش .. خس الله عدوك ..
بطي : هههههههه افا افا عليج ياشيخة الزين .. يوم اقولها شيخة الزين تتحراني اقص عليها .. وراح صوبها حط ايديه ع راسها وحب ايديه ..
ام سيف تتطالعه بنقمه وتضرب ع جتفه وهو توه ناش عسب يروحون : مسود الويهه ..
ام محمد : ههههههههههههه .. دواك ..
وهم نازلين من ع الدري اللي جدام باب الصاله عسب يروحون صوب السياره ويركبون ظهرالليلام في ويهم والليلام (الباكستاني اللي ييب القطع البيت ويبيعهن ) ..
الليلام : اووه سلام اليكم بابا ..
بطي : ههههههه .. هلا وعليك السلام .. شحالك انته في زين ..
الليلام : الخمدرلا بابا واجد مزيوووت ..
بطي معقد حياته : مزبووووت .. والليلام يهز راسه ..
ام محمد: انته يييييت .. والله ياخالتيه كل اسبوع وياني ..
الليلام : هادا في ماما مال مهمد واجد زيييين ..
ام سيف : ههههههه .. ياحيه والله ..
ام محمد : هاي خالوه مالي وهاذا بجا مالها ..
الليلام : ماشاء الله .. هاذا برع في سياره مال انته ؟؟
بطي : هيه حلوه ؟؟؟
الليلام : واجد هادا في كبير لون اسود ..
بطي : قول ماشاء الله انته بس .. مافينا اتصكنا بعين ..
الليلام : لا بابا انته مافي كوف .. ماشاء الله.. اوه هصوووه كيف هالك بوي انته في جيين ؟؟
حصه : حوه وين تبا انته حصوه ؟؟
الليلام : هادا في هصووه صقيير واجد شيتااااان .. يزرب انا نعال .. الهين ايجي كبير ايجي جين ..( اونه كانت تضربه بالنعال يوم هيه كانت صغيره )
حصه : يالفضييييحه .. ماينلامون فيك يوم يزقرونك مينون ..
ام سيف : هههههههه ياحليله ..
وبطي ميت من الضحك يتخيل شكلها ويطالعها من تحت النظاره وطبعا هي ماتعرف وين يطالع لانه النظاره مغطيه على عيونه ..
هاذا الليلام من زمان كن اييهم من يوم حصه واليازيه صغار من اول ماسكنوا بو محمد وام محمد هالبيت ... وكان متعود عليهم وهم متعودين عليه .. ودومه ايروح دبي يشتري القطع وايي يبيعيهم اهنيه عليهم .. وعلى الحريم اللي في الفريج . ..
ام سيف : برايك ابويه بطي روح السياره وانا بطالع شوي القطع وبييك ..
بطي : ان شاء الله امايه بس لا تتاخرين ..
ام سيف : ماعليه .. وظهر بطي وسلم على ام محمد ..وركب سيارته وطبعا سيارته كانت موقفه جدام الباب الرئيسي من برع والباب الرئيسي كان مبطل واللي يوقف هناك يشوف اللي داخل البيت اذا كان الباب مبطل . ..وقعدن ام محمد وام سيف ع الكراسي اللي ع الطرف والليلام على الارض فارش القطع .. وحصه قعدت على اخر دجه في الدري ..فكانت مجابله وين مابطي كان واقف يعني ويهه في ويهها بس طبعا مارفعت عينها منزله عينها تتطالع القطع ... وبطي في السياره ..عق بطي نظارته وقعد ينظفها بالقطعه مالتها .. رفع عينه على حصه اللي كانت قاعده تتطالع القطع وتم ايقول في خاطره صدق صدق قمر حتى بليا ميك اب ماشاء الله عليج ماشاء الله .. ربي يحفظها .. ماشاء الله على عيونها .. والله والله سود العيون كبار والشامه حلوه شايف جمال الكون وباليني بلوه ..وبالغلط وهي تعدل شيلتها يت عينها في عينه وقت ماهو كان يطالعها هي قفطت ونشت من مكانها وعطته ظهرها وحدرت بسرعه .. داخل وتمت واقفه ورا الباب ..
حصه في خاطرها : ويييينك وييينك ياخالد .. ليتك انته بداله ياليت ياليت ياليتني اشوفك .. وانته اللي هالوقت ماجبلنيه ياليت .. ياربي ليش ماترحم حالي واتخليني اشوفه او يشوفني لو مره وحده يارب لو مره لو نظره لو غلطه المهم اشوفه وتمت اتفكر فيه .. وتتخيله كيف استوا الحينه وكيف اتغير شكله عن قبل ولا لا لانها من 3 سنين الحينه ماشافته واخر مره شافته من الجامه يوم كان ظاهر من الميلس من عند خوالها ... وعقب ظهرت شافت خالتها تدفع حق الليلام اللي اشترت من عنده كمن قطعه .. ووصلنها لين عند الباب وسلمن عليها وركبت حذال بطي واتحركوا صوب الرماح ...وتمت حصه وامها وخذت حصه 3 قطع الها و3 حق اليازيه وخذت امها هنتين وراح عنهم الليلام ..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 40

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 7:25 pm

في سيارة خالد
السبت 2 وربع الظهر
الرمــــــــــاح ..

خالد كان توه ياي من الجامعه وكان موقف في الاشاره ومنزل الجامه لانه الجو حلو وييت وقفت سياره عدالهم فيها بنتين صد يطالع منوه ويوم شاف البنتين لف ويهه وتم يطالع سيده لانه عرفهن منوه يكونن وكانن نوره واختها عليا .. وهو كان مطول ع المسجل وحاط اغنية ربع ساعه .. مالت دريد .. ومن شافته نوره ينت تمت تتحرقص مكانها ..نوره واختها علياء سيارتهم ماكان عليها مخفي ...
نوره : فديييييييييتها فديتتتتها .. اونه عاد عسب الدريول مالهم مايفهم ...
علياء :شو ...؟؟؟
نوره : راعية البنثللللي ..
علياء اتصد : اوووووووووب خطيره .
نوره : اجنن الاغنيه اللي حاطتنها على هالجو الغاوي ..
وتمت نوره لاصقه في الجامه وتتطالعه يعني صدق بوقااااحه ولا شلت عينها لين ماهو سكر الجامه في ويهها ودعس جداااااامهم .. ويوم دخل البيت دخلوا هم بيتهم .. ونزلت نوره من السياره وهي تربع عسب اتروح صوب الجامه تتطالع وامهم وابوهم كانوا قاعدين في الصاله ..
ام نوره : وينها اختج ليش تربع ؟؟
علياء : مادري يمكن بتروح مستعيله بتسوي شي ..
ام نوره : انزين يله سيروا بدلوا وتعالوا ..
وراحت عليا وشلت شنطتها وشنطة نوره اللي فرتها عند الباب من وصلت ويوم دشت عليها الحجره شافتها واقفه عند الجامه ..
نوره : من الصبح اترياه ينزل مانزل طالعي كيف منزل الجامه ويرمس في التلفون ...
علياء : ظنج منوه يرمس ؟؟
نوره : اكيد وحده طالعي شكله ينعرف انه يرمس وحده لو يرمس واحد جان عادي رمسه جدام هله ..
علياء : هيه صح .. سخيييف ..
نوره : خلاص انا ماتحمل الخطه اللي خبرتيني عنها لازم اسويهاا ..
علياء : من زمان اقولج ..
نوره : هيه صدق هو مايبيه الا هالشي ..
علياء : خلاص تم من ايي .. خلفان انتي روحي وهاتيه وانا بشغله عنج اوكيه ..
نوره : اوكييييه ..
وتمت نوره واقفه تترياه لين ماينزل ويوم نزل فتحت الجامه وهو رفع عينه يطالع حمام ناصر اللي قاعدات يطايرن شافها فاتحه الجامه وتتطالعه ضحك عليها وهو يهز راسه ودخل البيت وسكر الباب .. اما هي مستانسه تتحراه يضحك ويبتسم وياها .. وهو مناك يضحك على خبالها ..
نوره : فدييته فديييته ضحكلي ضحكلي ..
عليا : يس يس هاي اول الخطه ..
نوره : خلاص عيل حتى العصر بترياه اكيد بيظهر ..
علياء : هيله يبالهم جذيه اتعلقينهم فيج .
نوره : هيه والله لا لا خلاص ماشي اليوم اليوم ..
علياء : يله انزين نسير نتغدى امايه اتقول انزلوا ..
نور : اوكيه ..
ونزلن يتغدن ..

في بيت بو محمد
السبت 4 العصر
بوظـــــــــبي

وين انته يامشفي جروحي *** يامن بوسط القلب حليت
لو كــــنت تعلم كثر نوحـــي *** ماكنــــــت يالغالي تغليت

حصه كانت قاعده في غرفتها اتسحي شعرها لانها كانت توها متسبحه .... ودخلت عليها اليازيه لايعه جبدها وشاله الاب توب والفايلات مالتها .. وفرتهن كلهن ع الشبريه بارف ..
اليازيه : اففففففففف ..
حصه : الناس اتسلم شو داشه على يهود ..
اليازيه : جب جب متفيجه انتي ..
حصه : مع ويهج يالسبالووووو ..
اليازيه : حصووووووه .. يوزي عنيه لا اتوحش فيج ..
حصه : يله اجوف اتوحشي فيييني عسب افترسج .. روحي اللي فيني يسدني ..
اليازيه بملل : لييييييش بعد شو استوا ...؟؟ وكانت تعق عباتها اتعلقها في العلاقه ..
حصه : اليوم يتنا خالتيه موزه ..
اليازيه : قووولي والللللللله .. منوه يابها ؟؟
حصه : الغبي بطوووي ..
اليازيه : هههههههههههااااااااااي عسب جذيه محتره حليله زين منه يوم يابها ..
حصه : فقته لو شفتيه كيف يطالع .. والله حتى ماعرف شو استوابي من شفته تميت اتنافض بكبريه اتقولين .. الحينه بيقصبوووووني ..
اليازيه : هههههههههههههه .. هاذا بطوووووي جذيه عيل يوم خلود شو بتسوين ..
حصه : اف انتي خليه ايي قبل عقب بجوف شو بيستوي فيييني .. بس مستغربه من نفسي اتخيلي انفضحت ناولته فنيان القهوه وانا اتنافض وخلاف امايه كملتها فضحتنيه اونه جان يبتي الطاسه كم بعلمكن اتقولين تتطري خدامات واتعلم فيهن وخلاف يا هالمينون الليلام وكملها اونه حصووووه حصوه بعد ها يوم صغيره تضربني بالنعال ..
اليازيه ميته من الضحك وهي اتعق بعمرها ع الشبريه : هههههههههههههههههااااااااي .. كفج كفج ورفعت ايديها حق حصه ..
حصه لبستها وراحت عنها : روحي سخيفه وحده قاعده تضحك جب مايضحك ...
اليازيه : لاه يضحك .. مع ويهج ..
حصه :احلى عن ويهج جب ..
اليازيه : اقولج راويتج صورة فطووووومه بنت علي ؟؟
حصه :هيه شفتها في تلفون امايه اول مايابوها ..
اليازيه : لا طرشتليه وحده ثانيه اليوم ظبيه .. توها مصورينها اياها ... مريم كانت مطرشتنها الها ..
حصه : تلفون امايه عندج ..
اليازيه : هيه بعدني ماعطيتها اياه ..وفتحت اليازيه اتراويها الصوره
حصه : فديييييييييييييييييييييتها طبق الاصل من ظبيه .. محلاتها طالعي كيف بيضا وشفايفها حممممممر
اليازيه : البنت تظهر على عمتها ههههههههه ..
حصه :اف هيله ليش مايعطونج تلفوووون ؟؟
اليازيه : شو ابا بالتلفون بعد تلفون امايه وعندي شوابابه وانا مااحتايه الا يوم اروج الجامعه واشله معايه يوم اروح ....
حصه : سخافه صراحه هيله اليهالوه اللي عمارهم 5 سنين عندهم ..
اليازيه : هههههههههههه قولي انج انتي تبين ..
حصه : هيه ابا ..
اليازيه : عندنا تلفون امنا واللي يشوفه ايقول هب تلفونها يا عندي او عندج شو بعد .. عندج تلفون بيت .. بعدين العرب يوم بتتدري عندج تلفون مابيخطبونج ..
حصه : اونه صدق ؟؟
اليازيه : هيييييييه ..
حصه : لا عيل خلاااص مابا ..
اليازيه : هههههههههههههههههه .. العرب ولا عربانج ؟؟؟
حصه : لا طبعها بس عربااني .. وراحت صوب اليازيه وضربتها وشردت عنها ..
اليازيه : سباله انتي ..
وردت اليازيه اتعق اثيابها وبدلت وصلت العصر ونزلت تحت ..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 41

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 7:27 pm

في سيارة احمد
السبت 10 فليل
العيــــــــــــــن

قبل احبك واشوفك كل شي كان عادي *** كل شي بعيني كنت مرخـص بـشانه
بك عرفت المحبه وصار قلبك بلادي *** ومن سكن في خفوقك به يلاقي كيانه

احمد كان موقف سيارته في بيت قوم عمه اللي هو ابو مريم حرمة اخوه علي وهو كان يتريا امه وظبيه في السياره لين مايخلصون سلام ويظهرون لانه كان يايبنهم عند مريم يطالعون الصغيرونه ويسلمون عليهم..واحمد وهو ظاهر شل فلاح وياه السياره وركبه حذاله ..
فلاح : يله بنلوح ناااان ..
احمد : ههههه صبر بنتريا عموه ويدوه بعدين بنلوح انته بتي معانا .؟؟.
فلاح : وماماتي ؟؟
احمد : ماماتك بعدين بتي .. مانباها ماماتك ..
وتم فلاح يهز راسه يعني رافض ايروح الا يوم امه معاه
وشويه ورن تلفونه وكانت دانه اللي متصله ورد وهو يرمس فلاح ..
احمد : انته لصقت ماماتك كيف بتي معانا ؟؟ االووو ..
دانه :هلا الغالي ..
احمد : هلا فديتج ..
دانه : منوه ترمس ؟؟
احمد : ارمس الشيخ فلاح الخيلي اونه بروح وياكم بس يبا ماماته اتي ..
دانه :فدييييته كتكوت عطني اكلمه ..
احمد : ها فلاح مطلوب عرب عيونهم سود وحلو يبونك ..
دانه : ههههههههه ..
فلاح : ثوده ؟؟
احمد :ههههههههههههه .. لا عيونهم سود ..
وحط احمد السماعه على اذن فلاح وحط التلفون على السبيكر ..
دانه : حبيبي فلاح ..
فلاح مستحي : ها ..
احمد : هههههههههههههه ولدنا يستحي لا تقولينيله حبيبي ..
دانه : هههههههه.. فدييتك ..
احمد : قولها فديتج ..
فلاح : فتيتج .. فتيتج .. فتيتج .. فتيتج ..
احمد : ول ول بسها بسها مره وحده ..
فلاح : فتيييييييييييتج ..
دانه : فدييييييييييييييت روووووووحك اااااااااااااانا وقلبببببببك وقلب اللي عدالك ..
احمد : فدييييت قلبج ..
فلاح: فتيييييت دلبج ..
احمد : من الحينه بيشاركني ؟ فلاحووووووه ..
دانه : حرام عليك خله فديييت قلبه والله ..فلاح حلوه فطووومه ؟؟
فلاح : نو نو ..
احمد : ولدنا انجليزي ..
دانه : هههههههه اشوفه .. فديته ..
احمد : فلاح شويقول هنوووي ؟؟
فلاح : واااااااي انتاي ..
احمد : وااااي انته ..
فلاح : واااي انتاي ..
دانه : ههههههههههه .. فديته كيف اييبها .. قوله قوله ايقولها مره ثانيه ياربي محلاتها ظاهره من ثمه الصغيروني ..
احمد : قوليله شو يقول هنووي ..
دانه : فلاح ... شو يقول هنوووي ؟؟
فلاح : وااااااي انتااااااي ..
دانه : فديييييييييييتك .. واااي منك انته فديتك ..
احمد : برايج برد ادقلج خلاف هليه يو ...
دانه : اوكيه .. مع السلامه وسكرت ..
ظبيه يت وفجت الباب : ها فلاح بتروح معانا ؟؟
فلاح : وماما ؟؟
ظبيه : مانباها ماماه ..
مريم واقفه عند باب الصاله هي وخواتها مريم عندها اخو واحدواختين نهيان و كان يشتغل في سفارة المانيا وشال معاه حرمته و روضه وفاخره .. روضه كانت محيره حق سعيد وفاخره مالج عليها ولد عمتها .. وامها كانت واقفه عند سيارة احمد اتوصلهم ..
مريم : قولها اباها ماماتي بصيح جان بتعطيني حليبتي فليل بفكر ايي معاج ..
فلاح : هليب ..
فاخره :هههههههههههه مايوز عن العوق لازم الحليب ..
روضه : لا تتطريله اياه لا تذكرينه دخيلج ..
ظبيه : ههههههههههههه ..
ام علي : شو حليب قولهم انا ريال ماشرب حليب ..
فلاح : هليب نو ..
احمد : بلاه ولدكم انجليزي اليوم ..
روضه : ليييش مادريت ؟؟
احمد : ههههههههه .. لا مادريت ؟؟؟
روضه : هاذا هب مخ عليه كنترول يتجرم كل اللغات ..
ام نهيان :غربل الله بليسج يارويض يلي ماتخيلين .. اهبي هباج ربج ..
مريم تضربها ع جتفها : الله وكبرعليييييج ..
ام علي : بسم الله عليك ياولديه بيحسدونك ..ردي الشهاده يارويييض ..
روضه اتصارخ : اشهد وانا لا اله الا لله تف تف ..
فلاح : نوو ..
ظبيه : شو ابلاه معلق عليها ...؟؟؟
فاخره :غيرها سوها يس انزين ..
فلاح : نوو ..
ام علي : خلاص ولدنا مصمم كيفه ..
ظبيه : هاه يله .. قول الحينه منوه انشل انشلك انته معانا ولا فطووومه ..
فلاح جواب سريع : فتوووومه ..
فاخره : هههههههههه مستغني الريال عادي شلوها ..
احمد : يله يله رويض ربعي هاتي فطووومه ..
روضه : هههههههه شوفه بدون حتى لا يفكر بكل تاكيد شلوها ..
ظبيه : انتوا تحملوا عليها ..
مريم : هههههههه .. البارحه اونه حطيها على ريولي حطيتها خش صبعه في عينها شليته وهي تصيح ..
ظبيه : هههههههههههههه .. حليلها شوخانتها عيونها عيل ..
مريم : لا لا ماياها عاده حط ايديه صوب اعيونها اتلاحقت عليها عاده الحينه كله احط عليها الجندي رويض ولا الظابط فخور..
احمد : هههههههههههههههااااي ..
روضه : مايضحك ..
ام علي : يله يله خلوا عنكم ولدنا مايعيل على حد ..
احمد: هيه خلج عاده انتي المحامي الاول عنه هاذا بو بامبرز ..
ام علي : مايحتاي عاده انته موووول مالبست ..
احمد : لاااء ..حشا عليه انا ؟؟ لاء ..
روضه : حشااااااك مممره مالبست انته قعدوا ايدورون لك بامبرز لانك اتعديت السن القانوي للي يلبسون البامبرز عسب يحصلولكواحد قدك يلبسونك اياه هههههههههههههه ..
ام نهيان: رويض يلي ماتخيلين صخي عن ولد عمج حليله ..
احمد : خليها خليها خالتيه الحينه بتصل حق سعيد ماعليه .. وشل تلفونه اونه بيتصل ..
روضه : ههههههههه .. لا والله اصلا سعيد مايخصه .. حركات اونه احمدوه ..
احمد : اوكيه بعد بخبر اتقولي احمدوه ..
روضه : عااااادي ..
فاخره : هههههههههه .. دواها تستاهل والله تعال شوفها كيف ترتجف من طريتوا سعيد ..
احمد : هههههههههههههااااااااااي احلى هناك ..
ظبيه : ياويييييييلي انا .. ياعييييييني ياعيييييني ..
روضه : خالتيه شو فيييهم ..
ام علي : صخوا صخوا عن بنتيه ..
مريم :خلج انتي يالقويه وايد تستحين ..
احمد :يله ماتشبعون من كثر ماتسولفون بسكن اشبعن واقفات بتسولفن يالسات بتسولفن ماتخلص سوالفكن ..
فاخره : هببب عين من الله خير لا تحسدنا ..
احمد : قولي الا يزاني الله خير يوم بحسدكن .. اتهلل فيككن ..
ام علي : صخ صخ انته اركب اركب .يله مع السلامه ..
ام نهيان : حيالله من يانا والله ونستونا بهاي الييه ليتكم كل يوم عنا والله ..
ام علي : فدييييتج يالغاليه يله مشكورين ..
ام مريم :العفو فديتج ربي يحفظكم ..
فاخره : هاتوا ولدنا ؟؟
فلاح : ماما تعالي ..
مريم : هههههههههه .. لا تعال انته الحين بيي ببا بيودينا .. يله تعال ..
ونزلته ظبيه وراح عند امه يربع ايطمها من شيلتها ..
فلاح : بيي بابا بيودينا ؟؟ حديكه ؟؟
روضه : حديكككككككه ؟؟ هيه حديكه ..
احمد : هب حديقه سوتبه جذيه ..
مريم : هههههههه جفت عاده ..
وشويه الا بمرسدس علي تتدخل البيت ..
مريم : هاه جفت بابا ياا ..
وراح يربع فلاح عند سيارة ابوه ..
مريم ادز روضه : ربعي راح عند السياره يربع ..
روضه :هههههههه وصل غانم سالم ..
فلاح يناقز : باب بابا .. حديكه ..
ام علي : فديته والله ..
ونزل علي وهو شال فلاح اللي ياه عند باب سيارته ..
علي : السلام عليكم ..
الكل : وعليكم السلام ..
علي : ماشاء الله اليوم هنيه ..
ظبيه : اتولهنا على فتووومتكم يينا انجوفها على قولة فلاح .. هههههههه ..
علي : هيه عاده يوم ييت بتطلعون ..
احمد: لا الله يخليك من الصبح وانا اسحبهن وهن يلصقن ..
علي : هههههههههه ..
احمد :امايه يله سكري الباب ..
ام علي حق ام مريم : حشا يابوج كلنا .. يله فديتج مع السلامه ..
ام نهيان : ربي يسلمكم ..
روضه : اف ها ولدج بزي ..
مريم : شو تبينه انتي خليه يدلع ...حيالله بو مانع تو مانور البيت ..
علي : البارحه انا هنيه ..
مريم : يعني يتولهون عيالك عليك ..
فاخره : عياله ولا انتي ..
علي : ههههههههههه .. لاهي .. لا ترمسين جدامهن هالرمسه مايصدقن ..
روضه :افا ياولد عمي نحن مانصدق ..
ام نهيان : احدر احدر ابويه .. موقفات ولد عمهن عند الباب ويسولفن..
مريم : هههههههههه ...
وظهر احمد بسيارته ودخل علي وهو شال فلااح وام نهيان البيت ..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 42

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 7:32 pm

في بيت بو علي
السبت 11 فليل
العيــــــــــن ..

انطفت في دنيـــــــتي كل الشموع والهنا مايوم في دنيــــاي دام
غربتي طالت متى وقت الرجوع كل عـــــام امني احلامي بـــعام
ان شكيت الحال ماحد لي سموع وان سكت الناس زادوني ملام
طال صبري والزمــــــــن عيا يطوع والرجا باللي عيــونه ماتنام

وصلوا قوم احمد البيت ونزلت ظبيه وراحت اتشوف عيالها وام علي صدت علىاحمد اللي تم في السياره قاعد يترياهم ينزلون ..
ام علي : احمد وين ساير تعال انزل ويانا .. بنتعشى ..
احمد : لا فديتج مشكوره بسير مواعد حمد ربيعي بنتعشى رباعه ..
ام علي : انزين انزل بغيتك في موضوع
احمد : مايستوي اناجل هالموضوع حتى انا بعد بغيتج في موضوع ..
ام علي : لا مايستوي هب مااخرتنك فديتك دقايق بس ...
احمد :افا عليج يالغلا كله انتي لو تبين عمري كله لج ..
ام علي : يعلني افداك يالغالي .. انته ..
احمد : ان شاء الله ياي ..
وسكر احمد سيارته ونزل ورا امه ودش الصاله وشافها قاعده .. يا وقعد حذالها ..
ام علي : يله خبرنيه شو الموضوع اللي بغيتني فيه ؟؟
احمد : رمسي انتي قبل وخلاف انا برمسج ..
ام علي : ان شاء الله .. يااحمد ياولديه الحينه انته هب ياهل وعمرك استوا 25 سنه واللي كبرك معرسين وعندهم عيال وعايشين مستقرين مع اعيالهم وحريمهم وانا حصلت لك هييج الحرمه ودقيت حق هلها وقلتلهم انها نحن بنمر عليهم باجر ان شاء الله والله يانها حشيم ونحن انعرفهم عدل ومابنحصل اخير عنهم ..
احمد : امايه انا ابا اعرس بس انا مابا اللي في بالج انا ابا وحده انا في خاطريه اخذها وهالموضوع اللي كنت اريد ارمسج به ؟؟
ام علي : منوه هيه ؟؟
احمد : جان تذكرينها ربيعة ختيه ظبيه دانه اللي انتقلوا بوظبي اللي كانت اتينا دوم البيت من هييج الايام وهي في خاطريه والحينه اباج اتخلين ظبيه ادق وتتخبر عنها وبنسير انخطبها ..
ام علي : هاااااي ؟؟..لا الله انته هب ماخذنها وشو من الزين فيها هاي ..؟ لا لا انا ولديه مايوزه هاي .. بيوزك شيختها تاج راسها ..
احمد : امايه بس انا اباها ..
ام علي : وانا ابالك وحده ثانيه شو الراي بتعصي شوريه وانته في حياتك ماعصيت اليه شور ..
احمد بعصبيه : قتلج انا اباها وباخذها يعني باخذهاااااااااا .. انا عمري ماعصيت لج شور بس تاكدي انتي امي المفروض ادورين راحتيه ..
ام علي : هب فاطمه يالشيخ احمد اللي عيالها يتنقون البنياااااااااات .. تففففففففففهمممممممم .. والشور هب شورك .. يوم بيكون شورك هييج الساعه تعال واتككلم ..ولا تفكر في يوم انته ولا اي حد من اخوانك انكم بتاخذون الا اللي انا اباها ..
ووقف احمد منصدم ايحس بانه عيونه متروسه ضباب ومايشوف فيها عدل .. وظهر عنهابدووووووون مايقول الها اي شي ..

الجــــــــزء الحادي عشـــــــــر

كيف جسم الروح عن روحه يروح *** كيف ابعد عنه واصبر ياحمد
كل جرحـن ظاعـــــفه اربــع جروح *** كل هـــــمن عود يلقاله ولد

في سيارة احمد
ع الدوار – العين
السبت 11 ونص

احمد كان موقف سيارته ع الدوار وحاط راسه ع السكان انسان ضايع انسان وحيد هب عارف وين ايروح ووين ايدق براسه كان ايحس بهاللحظه انه الموت اهون عليه من كل شي .. وكان ايقول في خاطره .. ليش هالحب اللي انا حافظت عليه بيديه انا مااتوفق فيه ومن منوه من اغلى البشر امايه ..امايه اللي عمري في يوم ما كنت اتوقع انها ترفض او انها توقف جدام سعادتيه ليييييييش ياماااااايه ليييييييييييش ... وتم تلفونه يرن ويرن وحمد يتصلبه بس هو مايرد وحطه ع السايلنت وفره ورا بكل قوه ..وتم حاط راسه ع السكان ايفكر في هالدنيا كيف تجلب من حال لين حال وكيف اتفرق بين الاحباب وتبعدهم عن بعض ولا كنه صار اي حب ولا اي مشاعر واتخليهم للمعناه والحزن والالم والاسى والجراااااح وبس .. وحمد ربيعه هالوقت مات من الروع عليه حس انه فيه شي لانه احمد وحمد من زمااااااان مع بعض .. وخلاف فكر حمد انه يمر صوب بيتهم عسب ايشوفه ويطمن عليه .. وهو خاطف صوب الدوار اللي صوب لفة بيتهم .. شاف سيارته واقفه .. راح ووقف سيارته عداله ونزل فج الباب وشافه حاط راسه ع السكان حمد مات من الروع اول مره ايشوف احمد جذيه احمد رفع راسه وشافه ورد مره ثانيه ونزل راسه وغمض اعيونه وطحات الدمعه من احلى عيون دمعه حزينه اتحاول انها تتجاري الحزن اللي كتبته الدنيا .. ركب حمد عدال احمد وسكر الباب ..
حمد : افا رب ماشر ؟؟
احمد : ....................
حمد : احمد انا ارمسك لا تقعد اتسويبيه جذيه ارمس ياخي انته هب بنيه شو هالحركات ...؟؟
احمد :.......................................
حمد : احمدوووووووووه ..
رد احمد ورفع راسه وتم يطالع حمد بحزن ..
حمد : لا تتطالعنيه بهاي النظره خبرنيه شو بلاك ؟؟
احمد :حمد .. حمد ... انا خسرت كل شي في هالدنيا ..
حمد منصدم : شوووووووووو ؟؟؟؟؟؟
احمد :................................
حمد بعصبيه : ياخي ارمس شو هالحركات حرقت اليه اعصااااابي ارمس .. شو اللي خسرته ...؟؟
احمد حط ايديه ع السكان وحط راسه على يديه : خسرت حب حياااااااتي ياحمد خسرتها خلاص .. امايه ماتباها رمست امايه عنها عسب اتخطبليه اياها ماطاعت ليش ليش ياحمد امايه هي اللي توقف في طريقي امايه المفروض هيه اللي تفرحليه هي اللي تشجعنيه اني انا بكمل نص ديني مع الانسانه اللي انا حبيتها اللي انا مارضيت ابدل حبها بحب غير حبها ليش بعد كل هالحب كله يستوي فيني جذيه ليش ليش ياحمد .. كيف اعيش من دونها هم جذيه يحكموووووون عليه بالاعداااااام تعرفه الاعداااااااام ..ليش انا اللي دوم المفروض اللي اسمع الكلام واوافق على كل شي ليش كل ماحد قالي شي قتله ان شاء ان شاء الله ليش انا ماقدر اخذ اي قرار في حياتي انا هب ريال ولا شوه ؟؟؟ ورفع راسه .. وتم احمد يضرب بيديه ع الكساااااااااااان بكل قوووه ..
تم حمد ساكت هب عارف شو يقول حمد الوحيد اللي كان عارف دانه شو بالنسبه لاحمد وهي شو تكون .. اقل شي كان يقدر يسمي دانه انها كل حياة احمد .. وكان خاطره بكسور بشكل فضييييييييييييييع على ربيع عمره ...
حمد وهو يحط ايديه ع جتف احمد : احمد ..
رفع احمد عيونه وردت دمعه ثانيه اطيح من العيون الثانيه ..
حمد : هب احمد اللي عيونه تدمع .. لا تخلي صورتك تنهز جدامي انته مثليه الاعلى في الحياه وانا ماقدر اشوفك منهزم جذيه .. احمد ياما نصحتك قتلك حب بس لا تمني نفسك انك فيوم بتاخذها نحن انعرف هلنا وانعرف وجهت نظرهم من هالناحيه . لا للبنت اللي كنت ارمسها في التلفون والف لاء اني ارتبط معاها في علاقة زوجيه علاقة حب اوكيه هب مشكله حبها لين ماتشبع بس شل من بالك انه في نهايه سعيده اسمها زواج .. خصوصا عندنا نحن هل العين وبوظبي هالشي من المستحيلات وخصوصا عندكم انتوا ياهل بالخيييييييييل ... اذا عنا نحن مستحيييييييل ..فعندكم انتوا هالشي سابع مستحيل انا نصحتك وايد واخوك سعيد نصحك بعد بس انته ماسمعت رمستنا .. والحينه كل شي طاح جدام اعيونك .. كان المفروض من البدايه انك اتوقف هالعلاقه او انك تكملها بس ع شرط انك اتحطلها حد ...
رفع احمد عيونه على حمد بكل حزن وتم يطالعه بعيون حزييييييييينه ..
حمد : احمد انا هب ياي الومك خلاص الفاس طاح فالراس الحينه والكلام اامممره وابدا مامنه فايده .. بس انا ابا اعرف انته شو تبا اتسوي الحينه ..
احمد : .................................. ماعرف ياحمد ماعرف انا انسان ضايع تايهه مالي مكان مالي حياه من دونها تتدري شو يعني مالي حياه من دونها .. هي بالنسبه اليه كل شي في حياتي انا عرفت الحب على ايديها هيه عشت الحب بكل معانيه معاها هيه .. ماعرفت هالشي الا وياها .. يعني من دونها انا امووووووووووت .. وينحكم عليه بالموت الابدي ..انا انظلمت ياحمد انظلمت وانا اللي بتم اتعذب طول عمريه ..
حمد : لا اتقول جذيه يااحمد لو الناس كلها ظلمتك امك مستحيل في يوم انها تظلمك .. انته الغلا كله عند امك انته الوحيد اللي تسويلها كل اللي هي تباه انته اللي تسمع كلامها وماترد الها طلبه .. لا اتقول جذيه اتعوذ من ابليس ..
احمد ايقول في خاطره اعرف ياحمد رغم القرب اللي بيني وبينك ورغم قوة العلاقه اللي بيني وبينك صعب اتعيش اللي انا الحينه قاعد اعيشه : شو تباني اقول وانا اليوم ياني خبر موتي .. لا يغرك انا انا قاعد معاك الحينه .. كل معنى للحياه مات في داخلي احس بقلبيه يموت ياحمد يمووووووت .. بهالحكم القوي والقاسي في نفس الوقت ..
حمد : شوف يااحمد محد بيموت قبل يومه ولا حد بيموت وهو قاصر عمر.. الضربه اللي ماتذبحك صدقني تراها تقويك والمفروض انك انته تقوا ابها ..
احمد : .................................................. .....
حمد ايعرف انه الكلام اللي بيقوله كله هب صح وهو هب مقتنع فيه بس يحاول يقنع احمد فيه : احمد المفروض انته الحينه ماتسوي في نفسك جذيه خلاص هاذا نصيبك اللي انكتب لك .. وانته ماتقدر اتغير فيه شي .. مثل ماحبيتها تقدر اتحب حرمتك اللي بتاخذها نفس هالحب واكثر عن هالحب ..وتقدر تنساها
صد احمد منصدم من الكلام اللي يقوله حمد كيف حمد ايقول جذيه وهو اكثر انسان فاهمنه حتى لو ماعاش الاحساس نفسه بس بعد هو اكثر واحد يفهمه..
احمد منصدم:انته كيف اتقول جذيه ؟؟
حمد : انا براويك كيف اقول جذيه .. انزل ..
احمد : وين ..
حمد : انته انزل .. انا بركب بسوف بوديك مكان ..
احمد : والله حمد انا هب متفيج دخيلك اللي فيني مكفني دخيل والديك ..
حمد : انزل انزل انته ..هب مودنك انا ديسكو ولا حفله ..
ونزل حمد وركب مكان احمد ورد احمد ركب مكان حمد وقعد حذاله .. وحرك حمد السياره صوب جبل حفيت وصل لين اخر شي ووقف السياره فووووق .. ونزل الجامات ..
قعد حمد ياشر على خط طويل يبين على اخر مدينة العين : احمد تشوف هالخط .. الطويل ..
هز احمد راسه ..
حمد : تعرف هالخط هاذا مثل خط الحياه اللي نحن عايشين فيه لازم انا نحن انتم نمشي فيه لين مانوصل لين نهايته ومانرجع لورا ابدا لكن ها الخط مصيره انه ينقطع او انه ينقص جوف كيف هو رفيع اذا انقطع بيستوي طرفيييين طرف للذكرى والطرف الثاني للمواصله بالامل ... والحياه اليديده وبداية خط ثاني للحياه لين مانوصل لين النهايه انته وصلت نص هالخط وطحت لازم ماتم طايح المفروض انك توقف وتكمله هالخط لين نهايته عسب اتعيش حياااتك صح .. فهمت ياحمد .. هب كل اللي يتمناه الانسان يصير.. انته لازم توقف من اللي انته فيه يمكن هالشي خيره لك انته ياخي ممكن اتبدل الحب بالف بس ماتقدر انك اتبدل امك باي ام في الدنيا انته مثلا الحينه ترضى انك باجر اييونك اعيال وولدك اللي دومه معاك ويسمع كلامك يحب وحده يبا ياخذها وهو يكلمها في التلفون ترضى ..؟؟
احمد : ............................................... ومغمض اعيونه ومنسدح ع الكرسي ..
حمد : ترضى ياحمد ؟؟
هز راسه احمد بالنفي ..
حمد : شفت كيف.. عيل كيف تبا امك توافق ؟؟ .. امك تبالك الزين .. تبالك الحشيم ..
احمد : بس هيه غير هيه حشيم وعمري ماشفت عليها زله ..
حمد : وامك اشدراها بهاذا كله .. فكر بعقلك احمد انته موتك وحياتك امك امك اللي مافي يوم في حياتك عصيت الها شور ولا عصيت لها طلب واحد .. اخر شي بتعصيها في انك تاخذ وحده غصبن عنها وهب براضاها رضا الله من رضا الوالدين يااحمد .. ولو حتى خذتها امك مابتكون راضيه عليك .. مصيرك في يوم بتنواقع وياها ولا بيستوي اي شي من بينكم يمكن انتوا ماتتحملونه بتكون خسرت الاثنين .. شو الفايده عقب ..لا تتحرا يااحمد انه محد غيرك حب .. وايد يحبون ومايوصلون للي هم يبنونه محد فيهم مات .. يعيشون حياتهم مثلي ومثلك .. لاتخلي شي يكسرك يااحمد ويظهرك من حياتك ويخليك منعزل عن العالم ومن الحياه اللي انته فيها .. ومثل ماقتلك مثل ماحبيتها تقدر اتحب غيرها .. لا تخلي هالمشكله تهزك صدقني .. اليوم انته صدمتك كبيره لكن مع الايام بتلقى هالضو اللي شابه في صدرك تبرد وتموت مهما كان عمر الحب اللي بينكم .. والغلط عمره مايستمر ..
.. تم احمد منزل راسه وهو يفكر في كلام حمد كلام حمد كله واقعي حس بانه حد صفعه كف على ويهه يوم قاله انه هو بيعصي امه هو طول عمره مافكر انه يعصي امه او ايردلها طلب .. امه بالنسبه له كل شي في حياته حتى اغلا عن دانه نفسها ..كلام حمد وعاه من اللي هو كان فيه صح انهم نصحوه بس مانصحوه بهاي الطريقه .. وتمت كلمه اترن في باله الغلط عمره مايستمر .. الغلط عمره مايستمر .. وتم ساكت ..
حمد : شو رايك في الكلام اللي قلته ؟؟
احمد : بس ياحمد هاي حب حياتي كيف اتخلى عنها ..؟؟
حمد : امك ولا حب حياتك ؟؟
تم احمد بين صراعين صراع رضى امه وحبه الها وصراع عشقه كل هالسنين اللي كان لدانه ..
حمد : لا ترد عليه انا ماريد اسمع منك جواب انا اريدك انته اترد على نفسك انا ماسالتك عسب اترد به عليه لا انا سالتك عسب اترد على نفسك بالهجواب .. ادري اني اتفلسفت عليك وايد .. الله يخسك يااحمدوه جني بنيه والله انا منصدم من نفسيه كيف ظهرت هالكلام كله بس والله يالسبال من شفتك ماهنت عليه قطعت قلبيه وظهر منيه كل هالكلام ..
احمد يبتسم بحزن : والله ضحكتني وانا مالي خاطر انا ماعرف من دونك شو كنت بسوي ..
حمد : افا عليك خيوو نحن بالخدمه ... بس انته الحينه شو بتسوي ؟؟
احمد : والله ماعرف بشوف يصير خير ..............
احمد كان عارف عدل وواثق انه كل الكلام اللي كان يقوله حمد كله واقعي بس بعد مهما كان الجرح في البدايه ايكون مؤلم .. ويشوه اي شي حلو فيك ..بس هاذا الجرح اسمه دانه اللي عمره مافكر انه في يوم يحاول انه يتعرف على حد غيرها مجرد معرفه مثل ربعه الباقيين ... ومع ذلك غيره مرتاح وهو الحينه متعذب ... ومع انه اللي حبها هي وحده بس ومع ذالك احتشرت امه عليه وماوفقت عليها وهو عمره ماتجاوز اي شي غلط في هاي العلاقه .. وكان بينه وبينها الف حاجز وحاجز مع انه كان يقدر بس حبه كان يمنعه من هاذا كله .... وصد الصوب الثانيه وبعده ايحس حرقه في صدره بس ماعرف شو سببها هل انه هو بيوافق على اللي امه تباه او انه بيتم ايعذب عمره وايعذب امه معاه وبيريح دانه..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 43

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 8:20 pm

في بيت بوعلي
السبت 12ونص فليل
العيــــــــــــــن

ام علي كانت لين هالوقت قاعده تتريا احمد ومتروعه عليه ونزلتلها ظبيه من بعد مارقدت اعيالها ومسحت ميك ابها واتسبحت وحصلت امها قاعده في الصاله ولين الحينه هب مبدله اثايبها قاعده بشيلتها السوده وعاقه عباتها على الكرسي ..
ظبيه : اماايه ؟؟
ام علي : ها يابنتيه ..
ظبيه : شو اللي مقعدنج انتي لين الحينه انا اتوقعت انج راقده ..
ام علي : اخوج يا ظبايه اخوج ..
ظبيه : اي اخو ؟؟
ام علي : منوه غيره احمد ..
ظبيه : احممممممممد ؟؟؟ غريبه اول مره تشتكين من احمد ..
ام علي : وهاذا اللي انا معور قلبيه انه في عمره ماردليه طلب وعمره ماقالليه لا ماسمع منه غير ان شاء الله وبس ..
ظبيه : ليش امايه شو مستوي ؟؟؟ روعتيييينيه ..
ام علي : احمد اخوج عاشق ربيعتج هاي دانه اللي كانوا اهنيه في العين وخلاف انتقلوا بوظبي ويباها ومايبا غيرها وقالليه انه بياخذها بالغصب ومايباها شمه ..
ظبيه : لا والله هو هب على كيفه من متى قعدوا يتنقون ويسوون وبعدين هاذا شو يبايها هاي شو من الخير شايف فيها .. معقوله لين الحينه يذكرها اكيد انه في شي من بينهم ..
ام علي : انا عرفت بالهشي لانه مابيذكرها الا اذا كان معاها ..
ظبيه : اكييد شو بعد هو مستحيل يعني من هاك اليوم هيه في باله ليش ماخطبها اول ماشفها ليش مابغاها قبل الحينه بغاها .. انا ماستبعد عنها هالشي بس والله اتخسي هاي ياخذها هو بيحصل عن شميم جمال وادب واخلاق شو يبا بعد اكثر عن جذيه وحشييم وماتنعاب .. وراعية بيت ..
ام علي : انا اعرف انه ولديه مابيرفضليه شور بس الله يعلم هي شو مسويه فيه .. مخلتنه يتعلق فيها جذيه اقولج اول مره يصارخ ويهب في ويهيه جذيه .. انا اروحيه انصدمت والله انيه متروعه عليه الحينه يستويبه شي من الصبح اتصلبه ومايرد عليه ..
ظبيه : يالاااااه شو هالمصايب اللي تحل علينا .. وشلت ظبيه تلفونها اللي كانت منزلتنه معاها وتمت تتصل في احمد فوق الخمس مرت وكله محد يشله ..
ام علي : مايرد هاه ؟؟
ظبيه :مايرد ..
ام علي : اه ياولديه والله اني اخاف استوا فيه شي ولا سوا في نفسه شي ..اتصليي سعيد خليه ايي يشوف هالمصيبه اللي نحن فيها .. واتصلت ظبيه في سعيد بس بعد سعيد مكان يرد عليها ..
ظبيه : امايه ماريد ..
ام علي : احرقيلللللللله تلفونه ..
ظبيه : ان شاء ان شاءالله ..
وردت اتصلت ظبيه في سعيد .. وخبرته ايروح ايدور احمد لانه من الصبح مايرد عليهم وظهر من البيت وهو زعلان عرف سعيد شو السبب .. لانه كان متوقع هالشي يستوي في اي يوم وخصوصا من بعد ماكانت امه ترمس عن هييج البنت اللي تبا اتخطبله اياها هاك اليوم ..وقالهم سعيد يتريونه هو بيروح يشوفه وتم سعيد يتصل في احمد وايد بس احمد مايرد عليه وتم سعيد متروع على احمد ويدوره وماخلا حد مادقله من عيال خالته .. واخر شي اتصل في حمد ..
سعيد : مرحبا بو شهاب شحالك ؟؟
حمد : حييبه بو عسكور بخير يعلك الخير من صوبك ؟
سعيد : الحمد لله بخير وسهاله .. اقول حمد ماشفت احمد ..
حمد : امبلا امبونه كان معايه وخلاف وصلني البيت وقال انه بيروح البيت .. بس هو كان تعبان ومتتضايق ..
سعيد : هيه اعرف اكيد امايه ماوافقت صح ..
حمد : هيه .. بس لا تخاف انا هديته وقنعته بالكلام .. وانا حسيت انه بدا يقتنع برمستيه والله بيهديه ان شاء الله ..
سعيد : اميين يارب والله انا وايد رمسته بس هو الله يهداه كان دوم يمني نفسه فيها ..
حمد : ماعليه بس رمس الوالده لا تضغط عليه وايد ..
سعيد : ان شاء الله ومشكور ياحمد تعبناك بس انته تعرف احمد مايقتنع ولا يسمع شور حد الا انته ..
حمد : افا عليك يا سعيد احمد خويه .. شرات ماهو خوك ..
سعيد :مايطيع زينك ياولد راشد ..
حمد : تسلم الغالي ..
سعيد : خلاص بعد انا رايح البيت وبشوفه الحينه ..
حمد : ماعليه يله مع السلامه ..
سعيد : ربي يسلمك ..
وسكر حمد عن سعيد .. وراح سعيد البيت .. وكانت الساعه 3 ويوم دش شاف امه وظبيه قاعدات ..
وقعد وياهن وتمت ام علي محتشره عليهم ومتروعه على احمد ..وكل ساعه حط يتصلبه وهو مايرد ..وخلت سعيد يظهر ايروح يدوره في الشوارع .. وظهر سعيد من بعد ماحنت عليه وقعدت اعيونها تتدمع مهما كان هيه ام .. وهاذا قلب ام .. مايرضى بالغلط بس بعد في نفس الوقت مايرضى ايشوف اعياله يتعذبون جدامه ..

في سيارة احمد
البحر 3 ونص الفجر
بوظــــــبي

ابا اسألك يابحر ليش امواجك تعاني ...
انته مثلي يابحر بتفقد عزيز وغالي ..؟؟!!

احمد هالوقت كان موقف بسيارته ع البحر في بوظبي ويطالع البحر ونسمات الهواء كانت اتحرك شعره الاسود اللي كان يطاير وكان صدق مبهدل عقمة كندورته مفتوحه اللي يشوفه ايقول مااظني انه ضيجه في هالدنيا هب في هاذا الانسان ... وكان يسمع اغنية تقول الناس .. للشاعر ( الياه ) ..و كلمات الاغنيه كانت وايد متقاربه مع افكار احمد ...

تقول الناس نفسك وش بــلاها *** وش اللي عشقك منك حداها
ولا يـــــدرون بلـــي متـــعبني *** وعيني شـــلذي كدر سمــاها
انا اللي مهلكن حالي ومالــي *** بشف اللي نبض قلبي هواها
كثير سنين ماكـــفت دموعـــي *** مدامعها وروحي في رجـــاها
قضيت العمر ساعه بعد ساعه *** اناظر في الســـما تالي سناها
واراقب زولها في كل طيـــــف *** عسى يجيب بالــــطاري نباها
لهيب الشوق ياكل من ضلوعي*** ونــاري بالالم زايد عــــــطاها
وانا وان مت من هاذا الوجود *** حياتي والبقيــــه فــــي هواها

ردت الافكار باحمد مره ثانيه لاحلى الايام اللي جمعتهم مع بعض .. باحلى الذكريات قعد يتذكر وتمت ادموعه تنهل من عيونه غصبن عنه هب بكيفه .. قعد يفكر هو شو اللي يباه الحينه هو شو ناوي يسوي الحينه كيف بيغير هالحب كيف بيجتل هالحب اللي ابتدى معقول بينهيه معقول كل شي بينتهي من بينهم ولا شو تم احمد يفكر في النهايه اكتشف انه امه هي اللي محد بيعوضه عنها والحب يتعوض في اي مكان بس الام مالها عوض .. ومسك تلفونه وشاف 20 من البيت .. 7 من تلفون ظبيه .. 15 من تلفون حمد .. 23 من تلفون سعيد .. 10 من تلفون بطي .. و4 من تلفون دانه .. يعني كلهم كانوا 79 انصدم ... وهو قاعد يجيك ع الارقام ... شاف .." شجون القلب " يتصل بك ..تم ماسك التلفون هب رايم ايرد .. يطالع التلفون بحزن فضيييع .. وتم يرن ويرن ويرن .. وبند واستوى مكالمه لم يرد عليها .. ورد مره ثانيه وقرر انه يتصلبها واتصل ...
دانه : حياتي انته وينك انا من الصبح اتصل فيك ليش ماترد عليه ..
احمد بصون مبحوح ورايح ومبين من صوته انه تعباااااااااان : الوو
دانه : بسم الله احمد شو فييييييييك ؟؟؟
احمد : مافيه شي ..
دانه : والله انه فيك شو فيك ..
احمد : لا تحلفييييين ..
دانه : عنبوه احمد انا اعرفك من زمان واعرف يوم اتكون متضايق ومعصب شوفيك انا سويت شي غلط سويت شي زعلك مني خبرني والله والله اسفه انزين ..
احمد بتنهييييده حاره : اااااااااااااااااه .. للاسف انتي ماسويتي شي بس.. بس...انا اللي بسوي شي ..
دانه : احمد غناتي خوفتني خبرني شومستوي ؟؟؟؟؟ بليييز ارجوك ارجوك خبرني شواللي مستوي ..
احمد بتعب : دانه من اليوم انا بخطب جريب ..
دانه فرحانه: فدييييتك احمد انزين عادي شو يعني بالعكس نحن نتريا هالشي من زماااااان ..
تم احمد ساااكت ومنصدم ماتهووووون عليه من اول ماياب طاري الخطبه كيف استانست وفرحت حليلها تتحراني بخطبها تم ساااااااكت ويتالم في سكووووون وصمت ...
دانه : وينك ليش سكتت انزين متى كلمت امك وشو قالت والله والله فديت خالتيه انا .. ومتى بتوون .. ومتى امك بتتصل ..
احمد معصصصصب: بس بببببببببببببببببس ...
دانه منصدمه : احمد شووووووو ؟؟؟ انته هب مستانس يعني .؟؟.
احمد : بس خلاص هب انتي البنيه اللي هليه يبون يخطبون اليه اياها .. هب انتي يادانه هب انتي .. وتم يرتجف ويحس ببروووووده فضيعه .. وعبره مخنووووقه ومكتوومه وماينزل منها الا دموع حفاظا على رجولته ..
دانه منصدمه واتصيح : شووووووووو ؟؟ كيف هب انا ..مايستوي منوه عيل .. لا لا انته جذاب لا مستحييييييل شو انته تحبني انا انته تباني انا احمد حياتي هب وقته والله هب وقته اعرف انك دوم تتمصخر بس هاي السوالف مافيها مصخره صدقني مافيها مصخره وتمت اتصيح واترد مره ثانيه اتجذبه .. واترد اتصدق واترد اتجذبه .. هو هنيه ينن اينووووووونه من سمعها بالهحاله ..
احمد : بس بسسسسسسسس خلاص سكتي هيه نعم هب انتي اللي يببون هليه يخطبولي اياها اللي يبونها وحده ثانيه وهليه مارضوا اني اخذج وامايه مابترضى عليه انه ماخذتها وانا الحينه بين نارين بين نار حبج ونار اني ارضي امايه ..وطبعا امايه جنتيه وناري انتي تقدرين ............................. وتم ساكت ..
دانه اتصارخ واتصيح : اقدر شوووووو ؟؟ ها اقدر شووو ... قوووول ...
احمد : انه نصيبج اييج وتاخذين اللي تبينه صدقيني هاذا كان نصيبنا وهاي حياتنا وانتهت عند هاذا الحد ..انا ماقدر اني ارد حق امايه طلب ولو حتى عصيتهم وخذتج انتي ماترضين انج تكونين منبوذه عند حد وانا ماارضى ان هليه عقب يعاملون عيال اخواني غير عن اعيالي بس عسب انهم هم هب راضين في امهم ..وانتي اكيد انج ماترضين لنفسج هالشي اوكيه احبج اتحبيني احس بالالم ايقطع يوفي من داخل بس بعد ماارضى انيه اتعس مستقبليه ومستقبلج ومستقبل عيالنا في المستقبل لا تفكرين في قلبج فكري في باجر والله عقبه شو بيستوي لا تظنين انيه من ورا هالكلام انيه انا ماباج انا اقدر اني احاول مع امايه مره ومرتين وثلاث بس انا واثق اني انا في النهايه بظهر خسران ومابستتفيد شي الا اني ارفع الضغط حق امايه ومثل ماانتي تعرفين امايه حرمه عوده فيها الضغط وفيها السكر وشي مايرضيها ياثر عليها اجتل نفسي واجتل حبنا بس اهم شي عندي امايه .. فهمتي يادانه ..
دانه : انته ولا عمرك حبيت ولا ااتعرف شي اسمه حب اللي يحب يااخ احمد يضحي ..
احمد : اعرف ان يضحي ويتم يضحي لين اخر يوم في حياته بس يضحي في سبيل نفسه مايضحي بهله وناسه وامه تعرفين شو يعني امه يعني جنته وناره .. اتعرفيييييييين ولا لا ؟؟
دانه : انصدمت فيك تتدري في شوه ؟؟
احمد : ...........................
دانه بعصبيه: انك مب ريال .. تعرف شو يعني مب ريال يعني كلمة الحريم اتوديك واتيبك يعني انته في ايد الحريم مثل اللعبه فروك يمين رحت يمين فروك يسار رحت يسار .. والله اني انصدمت كنت اتوقع اللي انا احبه ريال ينشد فيه الظهر مااكنت اتوقع انه خرنق ومافيه خير ويوعد ويمني الناس على احلام واوهام ياراعي الاحلام والاوهام .. البايخه بس تتدري الحمد لله اني ماطحت في حلج انسان مافيه ذرة رجوله انته الحين شو وعقب شوه .. خل امك اتيبك واتوديك .. كل ماقلت شي قلت امك وامك .. خلاص عيل تم عند امك يادلوع امك وخل تخطبلك اللي تباها بس تاكد انك بتندم على انك نهيت هالحب .. على انك خسرتني .. وانته في حياتك ماكنت مابتحصل وحده شراتي ..ظهرت بنيوووووه ثرك بنت امك ..اته اشدراااااااك انه اللي امك بتحطبهال ك ماكانت اتعرف حد قبلك .. ليش حظرتها امك كانت عايشه معاها في نفس البيت ؟؟
احمد انصدم وانصعق في نفس الوقت كان متوقع انها معصبه وانها في حاله لكن هب جذيه اتقوله : حوووووووووووه انتي شو اتقولين انتي اتخلبلتي ولا شوه .. طالعي بدال ماتقولينلي ارضي هلك وارضي امك قاعده اتحطين عليه وعلى امايه واني انا هب ريااااااااااال .. مالت عليج يالسباله الذنب هب ذنبج ذنب اللي عطاج ويهه .. اجلبي وييييييييييييهججججججج .. ورقع الخط في ويهها ..
احمد في خاطره : اخخخ.. عليها عمريه ماكنت اتوقعها جذيه الحمد لله اني ماغضبت ربي وغضبت امايه عسب وحده شرات هاي .. الحمد لله الف مره .. انا كنت متوقع تزعل اتصيح .. لكن هالكلام من وين يابتنه دانه اللي ماتعرف تقسى على حد تقسى عليه انا بهاذا الكلام .. معقوله .. وشغل سيارته وقبض طريق العين...
وهو يسوق تم سعيد يتصلبه وهو مايرد ... وردت اطرشله 4 مسجات ..

" يعلها اتموت اللي انته بتاخذها في ليلة عرسكم .. ويعلك ماتتوفق معاها لافي دنيا ولا في اخره ..ويعل كل نكد الدنيا يصيبكم .."

" ليتك تموت اليوم وارتاح انا منك... ويرتاح قلب بالخيانة طعنته ... ليتك تموت وبثوب اسود اكفنك... واطوي معك صفحة عذاب رسمته... ليتك تموت و داخل القبر انا ادفنك... وادفن مع الجثمان جرح جرحته وليتك قبل لا تموت في صدرك اطعنك ...واصيح باعلى صوتي حقي اخذته "

" يلعنك قلبي والاحاسيس تلعنك... و يلعنك دمع صادق لك نثرته ... جننتني يا جعل ربي يجننك...لا وحسافة ليلي اللي سهرته ... منتب كفو قلبي له سنين صاينك... منتب كفو للي من اجلك فعلته "

وتم احمد منصدم من هالمسجات اللي توصله صدق في هاللحظه حس انه كل الحب اللي في قلبه تحول كره الها وكله حقد .. ليش اتسوي جذيه وسيده اتصل في حمد وخبره عن كل

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 44

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 8:21 pm

وتم احمد منصدم من هالمسجات اللي توصله صدق في هاللحظه حس انه كل الحب اللي في قلبه تحول كره الها وكله حقد .. ليش اتسوي جذيه وسيده اتصل في حمد وخبره عن كل اللي استوا وقعد يقراله المسجات ..
حمد : صدقني انها ماتباك والله العظيم يااحمد وقسم بالله انها لو تباك ماسوت كل هاذا اعنبوه المفروض تعذرك المفروض تشكرك انك مابتخليها فضيحه للي يسوى واللي مايسوى .. اعنبوها مقواها ليش تكتبلك جذيه وين الحب هاذا هو الحب ..
احمد : والله انيه منصدم ماتوقعت منها هالشي ..
حمد : هيه بالهسوله تتحراك انك انته بترد الها وبتلين الها ..
احمد : هيه اتعرف احمد عدل وانا من عرفتها قتلها كله ولا حد يذلني ولا حد يرفع صوته عليه انسى كل شي وانسى الاحترام ومايتم عندي له غير الحقد .. لو كانت قلبي في ايديه اذبح قلبي واشتري كرامتيه .. انا اتعرف ياحمد طبعيه عدل انا مااحب حد يدعي عليه ولا يغلط في حقي ياريال اتقولي انته هب ريال انته بنيه دلوعه .. هييج الساعه ركبني الف جني بغيت اتخبل الحمد لله بعد ان الحب اللي لها في قلبيه هو اللي خلاني اغض اني اسوي فيها اي شي .. ولا والله مايابتها امها ولا بتييبها اللي ترفع صوتها على احمد لو منوه ماتكون ..
حمد : والنعم الساع ياولد مانع سبع ولد سبع .. وانته وين الحينه ؟؟
احمد :والله راد البيت من الصبح سعود يدقليه ع الخط الثاني وانا مارد عليه ..
حمد : ياريال حليله هاذا بيتخبل .. والله اليوم تعبتنا وياك مسهرنا لين الحينه نحن عندنا دومات وانته متفيج ويا ويهك ..
احمد : ماعندك غيييري تسهرله وتتعب له ...
حمد : هيه عاده انته استانس على عمرك .
احمد : والله صدقك والله الحينه صدقتك انا محد بيعوضني عن امايه .. يعلني افداها والله ..هي من اقل شي سوت كل هاذا وامايه فديتها عقب ماطولت صوتي عليها ادورني واتحاتيني ..
حمد : بس بعد لا تنسى انك اتحبها ..
احمد : مستحيل انسى اني في يوم حبيتها اصلا .. وبتم احبها والله يعيني على اللي بلاني .. خلاص عيل بو شهاب برايك انا الحيه بحدر البيت .. تامرنا بشي والسموحه منك فديتك تعبناك اليوم معانا ..
حمد : افا علييييييك نحن اخوان يااحمد هب من بينا ..
احمد : يله عيل السموحه ..
حمد : بالحل ربي يحفظك ..
وسكر احمد عن حمد وتوه داخل البيت بالسياره شاف سعيد في الحوي حاط السماعه في اذنيه وقاعد يدور شرات المينون .. تم يضحك من خاطره يوم شاف سعيد في هاللحاله ..ويا يربع سعيد صوب احمد اول ماشاف البورش مالت احمد تتدخل البيت..
سعيد وهو يضربه بكس ع جتفه : حوووووووووووووه انته تستهبل ولا شوووووووووووه .. ياريال تعبتنا ونحن اندورك شو هالحركات البايخه ..
احمد : ههههههههههههههههه .. اتغلا على ناس غاليين شو اسوي بعد ..؟؟
سعيد منصدم : اونه تضحك بعد ..!!.
احمد : شو تباني اسوي ..؟؟
سعيد تم مستغرب كيف احمد بهالبرود وكيف يضحك .. وشو اللي استوا وجلب له راسه .. ونزل احمد من سيارته وتم سعيد منصدم مانتبهه الا يوم احمد رقع باب السياره ومشى وراه ..
سعيد : تعال تعال خبرنيه شو استوا .؟؟.
لبسه احمد ودخل عنه الصاله وشاف ظبيه طايحه ع الكرسي وامه قاعده عند التلفون .. امه اول ماشافته فزت من مكانها ..
ام علي : الله يهديك يااحمد باولديه اشعنه ماترد علينا من الصبح نتصل فيك ..
ظبيه : اونك عاده حركات ليش ماترد روعتنا .. ياخي يوم تبا تستهبل قول انا بستهبل بس لا تحاتوني ..ميلسنا من متى نحاااتيك ...
احمد : اونج عاد انتي استهبل اونه .. اكوه تراني رديت الكم بخير وسلامه .. وصد صوب امه .. امايه انا موافق على اللي انتي بتخطبيلي اياها وصدقيني انا ماريد اغضبج في شي انتي جنتيه وناري .. بس تاكدي انج حرمتيني من شي انا كنت اباه ..
ظبيه : مصيرك بتحب حرمتك شرات ماحبيتها ..
احمد : وشدراج اني حبيتها ؟؟؟ او اني احبها ...
ظبيه : ولا مابتم ملزم عليها بهاي الطريقه .. وملزم انك تاخذها بالغصب والطيب وتخلي شيخة الزين تعصب عليك ..
احمد وهو يحب راسه امه : سمحيليه يعلني افداج انا اسف والله ماكان قصديه ازعلج .. انتي تسوين دنياي بكبرها ..
ام علي : مسموح فديتك وتاكد اني انا مابا شي فهالدنيا غير مصلحتك وبس ..
سعيد اونه يصيح : وااااء واااء واااااااااااء ... احلى فلم هندي شفته .. خلاص امايه يله اتصلي في رويض خليها اتي بيتنا ..
ظبيه : هههههههههههه وليش ان شاء الله هالكثر ثرك مستعيل ..
سعيد : هههههههههه لا خسج الله .. يالعنز .. بصمها كف على ويهها وبرمي عليها يمين الطلاق ..
ام علي : اتهبي الا انته مسود الويهه بتحصل اخير عن روضه فديتها ادب واخلاق وجماااااااااااال .. وشو تبا بعد والله يانها احلا عنك ..
سعيد : ههههههههههههااااي ها.. ها.. فطيم شو هاي بعد احلى عنك احلى عنيه بتبطي ...
احمد : وانا اشهد ..
ظبيه :وشهد شاهدن من اهله ..
سعيد : ماعليه ماعليه ..مانقدر انقولك شي اليوم انته معرس الا امايه منوه العروس ؟؟؟
ام علي : شمه اخت مطر ..
سعيد : لا والله وجان خطبتيليه اياها ..
ام علي تضربه ع جتفه : انته ماتشبع بسك وحده ..
سعيد : لا ماتسدني وحده ..
احمد : كم تباهن عشر ؟؟
سعيد : هيه ابا هاي اللي بيخطبولك اياها وابا ابا رويض بعد وابا وابا امممم وابا امون بنت خالتيه مديه ..
ام علي : انا الا الود ودي بنات ختيه محد ياخذهن غيرعيالي بس الله يهديها خالتك سافرت عن بناتها العمره وخلتهن عند قوم امايه وقمت انا ورضعتهن .. ولا انا ودي انه احمد حق امنه ولا ساره ..
سعيد : وانا ؟؟
ام علي : ورويض فديتها ..
ظبيه : بسكم تتطرون العرب من الفجر .. ها اخ احمد .. الرقاد ظاهر من عينك ..
احمد : لا عادي انا مابدوام باجر ..
سعيد : وحتى انا ...
ام علي تتنطز: وانته اشعنه يانظر عيني هب مدوام ؟؟؟
سعيد : شو امايه انا لين الحينه واعي .. وبعدين محاضرتيه باجر الساعه 10 بشوف ان نشيت بروح وان مانشيت تراني راقد ..
ام علي : يالبزا اللي فيك ..
وشويه الا بو علي ناش عسب ايروح يصلي الفجر ..
ام علي : اششششش اششششششش ...
بو علي : بسم الله شو موعنكم انتوا الحينه .. وانتي وينج ادورج ؟؟..
سعيد لاصق في احمد : ههههههههههههههه .. قصده اجلب ع الشبريه ادور احظنج بس ماحصلتج ..
احمد : هههههههههههههههههههههااااااااااااااي ... هههههههههه .. خس الله عدوك اتخــــــيل ..
بوعلي : يالبعران انته وهو شو بلاكم .؟؟.
احمد يرفع ايديه الهنتين : انا ماقلت شي هاه انا ساكت بس ضحكت هو اللي قال واشر على سعيد ..
سعيد : ماشي اقوله شوف انته بس كيف النور في ويهه بو علي يوم انه ناش من الصبح عسب ايروح ايصلي صلاة الفجر ..
بوعلي : امبونه النور في ويهيه من زمان وامبونيه انا دومي اصلي صلاة الفجر وانتوا البعران الاثنينه يله جداميه المسيد دامكم واعيين لين الحينه ..
احمد : ان شاء الله يابويه ..
سعيد : انا بصلي في البيت ..
بو علي يرفع عصاته : يله يله مسود الويهه جدامي .. جدامي ..
سعيد : هههههههههههههههه يله انزين الابو قبل لازم ..
وظهر بو علي وظهروا وراه احمد وسعيد وشويه وظهر علي من قسمه وراح المسيد وراهم ..
ام علي : اشوا انه مارد اتخبر جان حشرنا ..
ظبيه : عادي ابويه مايهتم حق هالاشياء ليش واعيين وليش مارقدتوا ...؟؟
ام علي : امبونه ابوج جذيه ..
ظبيه : ولله خلاص عيل امايه مدام اطمنا على دلوعج خلوني اسير اصلي وارقد والله انيه هلكانه..
ام علي : ماعليه فديتج وانا بعد بحدر اصلي وبرقد ..
ظبيه تحب امها ع راسها : تصبحين على خير ..
ام علي : وانتي من هله ..
وراحت ظبيه فوق ودشت ام علي غرفتها ..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 45

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 8:25 pm

في بيت بو عبدالله
الاحد 2 الظهر
بوظــــــــــــــــبي

انتـــــه الـــــغلا بد الــــملايين *** في خاطــــري يااعز انسـان
روحي وروحك صدق روحين *** في جسم واحد طول الازمان

مهره والعنود وعبدالله وام عبدالله وبوعبدالله واسماء كانوا قاعين في الصاله ..
بوعبدالله : ها ترا انا البارحه مرمسني عميه ايقول يبون الملجه بعد 5 شهور ...
ام عبدالله : زين ماختاروا حليله الولد من متى يتريا ..
اسماء : شو امايه خمس شهور والعرس عقب كم يعني ..؟؟
بوعبدالله : والعرس عقب شهر واحد ان شاء الله ..
اسماء : شو هاذا ابويه نحن متفقين من قبل انه عقب مااخلص هالكورس ليش اتخربون عليه مخططاتي ..
بوعبدالله : شو مخططاته يابنتيه 6 شهور مابتسدج .. انتي كم بقالج حق تخلصين ..؟؟
اسماء : ابويه انا بخلص عقب خمس شهور شو مابيسدني شهر واحد بس ازهب عمريه فيه .. مايسدنيه والله ..
مهره : عن الحشره لا تحشرينا جنج عيوز وتتحرطم شو عادي بتخلصين نحن شهرين وخلصنا زهبتنا يوم عرسنا ..
ام عبدالله : انته ماتعرفونه بزاها يعني ؟؟
مهره : هههههههههههه بزا عوذ بالله منه ...
اسماء : مهاري ..؟؟؟ حرام عليكم والله انزين انتي شهرين انا شهر شو بسوي فيه ؟؟؟
العنود : طلعي بالاربعاء والخميس وخلصي الاشياء الضروريه وخلاف الاشياء الباقيه .. بتخلصينهم اخلاف ..
ام عبدالله : يابنيه طيعي الشور اشعنه ماتخذينه شور حريم اخوانج .؟؟.
بوعبدالله : وينه الغدا يعنا نحن ..
ام عبدالله :ان شاء الله.. ان شاء الله ..
ونشت مهره عسب تزقر ع الخدامه عسب تستعيلها في الغدا ..
اسماء : افففففف كله من غنوم ويا ويهه ..
العنود : ههههههههههههه ..
بوعبدالله بنقمه: شو قلتي ؟؟
اسماء ادز العنود بكوعها: ها ؟؟؟.. ولا شي سلامتك الغالي ابدا ماقلت شي ..
ام عبدالله : صدق انج ماتستحين ..
اسماء : امايه شووووو ؟؟ ههههههههه ..
مهره : يله الحينه يايبتنه ..
وشويه بدشة هادف ..
هادف : هووووود ..
بو عبدالله : اهدااااا ...
هادف : سلاااااااااامن عليييكم ..
الكل : وعلييييييك السلام ....
هادف : ماشاء الله عليكم ثركم قاعدين ..
مهره : بنتغدى .. غريبه اليوم مابطيت ؟؟؟
هادف : ان بطينا قلتوا مادري شو وان ردينا من وقت قلتوا مادري شو ماعرفنا كيف نرضيكم .. ؟؟
مهره : ياااااااله .. عاده مره مول مايحتاي ..
هادف : الا يحتاي منوه ايقول ...
غانم برع : هوووووود .. هدوووف نسيتني ..
هادف : ههههههههههههه .. غانم برع بيدش .. نسيته والله ..وراح هادف عند الباب ..
واتحجبن الحريم ..
ام عبدالله : اهدا الغالي .. اهدا ابويه ..
بوعبدالله : يلي ماتخيل كيف تنسى ولد عمك خاري ..
هادف : شفت مهاري ونسيته ...
مهره : هيييه ردها عليه انته الحينه ..
هادف يغمزلها : لا هب رادنها ..
غانم : السلام عليكم ..
الكل : وعليكم السلام ..
غانم : شحالك عميه ؟؟
بو عبدالله : بخير وسهاله يعلني افداك انته شحالك وشحال ابوك وفهد ؟؟
غانم : الحمد لله بخير وسهاله كلهم ابخير ... شحالج عمتيه ربج ابخير ؟؟
ام عبدالله : بخير وسهاله يالغالي شحال هلك ربهم ابخير ؟؟ وانته شحالك ؟؟
غانم : الحمد لله بخير وصحه وسلامه يسلمون عليج .. وصد على الحريم شحالكن حرمات ؟؟
العنود ومهره : بخير وسهاله ..
غانم : انسه اسماء اشعنه ماتردين ؟؟..
اسماء : انته قلت حرمات ماقلت اسماء ..
غانم : ههههههههههه .. هيه زين .. مش لازم عيل ..
اسماء : احسن ..
ام عبدالله : اعنبووووووووج ناشبه عظم في بلعوم ولد عمج ..
غانم : لا برايها خليها ياخالتيه بتلقاه ..
اسماء تعيب عليه : بتلقاه اونه ..
هادف : شو بلاها هاي تتحرطم منوه سارق غداها ؟؟
مهره : هههههههه .. الله يسلمك هاي محتشره ماتبا العرس بعد 6 شهور ..
غانم نقع من الضحك : ههههههههههه .. احسن هب بكيفها ..
بو عبدالله : هب بكيفها هب بكيفها خلاص لا صارت الرمسه رمسة رياييل لا لا الحريم مايغيرنها ...
اسماء : يالااااااااه ... وصدت على غانم تتحلف له ..
غانم : هيه ماعليه وايد ..
وشويه ودش عبدالله ومعاه فهد شال مي ..
عبدالله وفهد : هوووود ..اتغشت العنود وتمت مهره بحجابها لانه ولد عمها ... ودشوا وسلموا..
ام عبدالله : مرحبا مرحباااا الساااااع وين عاده ماخبرتونا انكم ياين ..
فهد : كله من سوايا بنتج ياعمتيه اونه نحن متاخرين ومايحتاي نخبرهم بنسويلهم مفاجاه ..
بو عبدالله يمد ايديه عسب يشل مي : حياكم الله البيت بيتكم ..
وشويه وداشه سلامه مشتطه ع الخدامه ...
العنود : مرحبا مرحبا شوبلاج والعه ؟؟
سلامه : هاي العنز ..
العنود : هههههههههه .. هدي اعصابج انتي ..
سلامه : السلام عليكم .. وراحت وسلمت ع الحريم ووايهتهن وحبت امها وابوها ع راسهم وقعدت ..
بوعبدالله : ياله محلات هاليمعه ..
ام عبدالله : عساها دوم ان شاء الله ..
غانم : بعيالنا وعيال اعيالنا ان شاء الله .. وصد صوب اسماء يطالعها ويحرك حياته ..
واسماء استوى وويهها احممر من الخاطر والكل صد عليها ..
سلامه : ههههههههه .. امييييييين ياربي ..
وخلاف يت الخدامه شاله هند بنت عبدالله .. وهند تضحك مستانسه يوم شافت مي على ريول يدها ..
العنود : ههههههههه لا تغركم الضحكه بنتنا تتحلف ..
غانم : ها.. ها.. عيني من الله خير اتريناها سنتين لين مايتنا ..
عبدالله : ههههههههههههههه .. بنتنا شيطانه اتحملوا ..
سلامه : هههههه هاتوا هاتوا بنتي ..
وراحت اسماء وشلت مي من عند ابوها وحطتها ع ريولها اتعلوزها ..
غانم : شويشوي على بنت اخويه .. كسرتيها ..
اسماء : ياخي انته مايخصك اففففف ...
فهد : شعندها محتشره عليك ..؟؟
غانم : ههههههههه كله عسب العرس .. اونه ماتباه عقب 5 شهور اتحرا عكيفها ..
بو عبدالله : ماعليك منه دلع البنات ..
سلامه : صدقه ابويه دلع ..
اسماء : ياله عادي انتي .. خلي عنج مره مول ..افففف كلكم ضديه .. هادف فديتك كون معايه ..
هادف : روحي روحي ادلينها امج روحي عند امج ..
ام عبدالله : لا لا بس بس من الدلع ماعندي دلع اكثر عنه ادلع بعد ..
غانم حاط ايديه على حلجه ويضحك : خخخخخخخخ ..
اسماء تتطالعه بنقمممممممه ... جان يسكت ..
بو عبدالله : يله يله بنتغدى ..
ام عبدالله : يله قربوا قربوا ..
وقعدوا الرييايل يتغدون ونزلن اسماء وسلامه يغرفون الهم وخلاف ردن وقعدن ع الكراسي واتغدوا الرياييل وخلاف نشوا وراحوا الصاله الصغيره وقعدوا يشربون جاي ويسولفون وحطوالهم الفواله .. وفرشن فراش يديد في الصاله الكبيره وقعن الحريم يتغدن ....

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 46

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 8:26 pm

بيت بو سيف
الاحد 4 العصر
الرمــــــــــاح ..

ام سيف كانت قاعده اتكلم اختها ام علي في التلفون ..
ام سيف : حرام عليج يافطيم جان خليتيه ياخذ اللي يباها والله هيله عيال هالزمن غير عن زمانا نحن .. زمانا غير وهم زمانهم غير .. الحينه بتخطبيله بنت هالناس وحرام تظلمينها معاه ..
ام علي : ياموزه ماارضاها لوديه ماراضاها يظوي على الخايسات ويودر بنات العرب الحشام ..
ام سيف : ماعليه اخلاف بيلعوزها وبيقولج تراج انتي الي اخترتيليه اياها خليها مدام عشوره بيذوق منها الويل وقوليله انته اللي بغيت هالويل ..
ام علي : جان من سعوود انا اتوقع هالرمسه لكن من احمد فديته لا فديته مايسويها ولا ينطقبها هالرمسه اللي اتضيج خاطريه الله يرضىعليه ان شاء الله ...
ام سيف : فديته احمد عاقل ...
وطاف حذالها خالد لابس شورت ابيض لين تحت الركب وقميص لونه رصاصي وصوب الكمه فيه خيط راص على ايديه لونه ابيض ورافع شعره بالنظاره ..
خالد : احمد عاقل ونحن شو ؟؟
ام سيف : مخبل انتوا ..
ام علي : ههههههه منوه ها ؟؟
ام سيف : ولدج خلوود ..
ام علي :فديت ولديه انا سلمي عليه ..
ام سيف : خالتك فطيم اتسلم عليك ..
خالد : عطيني عطيني اياها .. ومط السماعه من عند امه ..مرحبا الساع بغرشوبة العين ..
ام علي : الله يقطع ابليسك ياخالد ماتيوز عن سوالفك .. المرحب باجي يعلني افدا ثرك انا .. شحالك الغالي ؟؟
خالد : بخير وسهاله انتي شحالج فديتج ربج بخير ..؟؟
ام علي : بخير وسهاله ..
خالد : بالبركه خطبة احمد ..
ام علي : الله يبارك فيك .. الفال لك ..
خالد : لا خالتيه دخيلج لا تتطرين هالشي جدام امايه لاحقين لاحقين ..
وضربته ام سيف : انتوا اه منكم انتوا عذابي وشقايه في دنيايه ليتني صفيتهن كلهن بنات .. ويبت ولد واحد عن الحلال والرحام ..
خالد : ههههههههههههه .. والله اختج سوالف ..
ام علي : تبا تفرح ابكم ياولديه ..
خالد : عاده انتي ياخالتيه ماترضينها اتيوز الصغار واتخلي الكبار ..
ام علي : هيه والله وهالكبار شو مسوين ميلسين شو يتريون يصكون الاربعين ..
خالد : هههههه هيه عاده انا مالي خص فيهم انا جان تبون اتيوزني ابا وحده شراتج ولا شرات امايه ..
ام علي : لو عندي بنت ماغليتيها عليك ..
خالد : لو كان عندج اصلا جان ماخليتها اطوف من تحت ايديه ...
ام علي : الله يقطع ابليسك ياخالد .. يعلني افداك وافدا سوالفك ..
خالد : افداج يالغاليه .. يله عيل سمحيليه خالتيه بسير الصاله انا اتمرن ..
ام علي : ماعليه ياولديه ربي يحفظك ..وعطا خالد السماعه حق امه ورفع برقعها وباسها على خدها بووووسه قويه ودزته ..
ام سيف : حشااااا .. يلوعون لج جبدج ..
ام علي : يعلني افداهم ... ربي يوفقهم ويحفظهم ان شاء الله ..
ام سيف : امين يارب ..
وتمت ام سيف اتسولف مع ام علي .. وخالد ظهر ومشى في الحوي رايح صوب سيارته وشغل سيارته وركبها .. وتم قاعد فيها عسب اتحر شويه .. وطبعا هالوقت كانت نوره تتطالعه من الدريشه ..
علياء : يله ..
نوره : انزين صبري صبري ...
علياء : اف شو تترييييين ؟؟..
فتحت نوره الجامه وهو كان منزل الجامه كان يكلم الطباخ ايقوله يوم بيرد يغسل سيارته وتوه بيرفع الجامه جان ايشوفها واقفه عند الجامه وتتطالعه .. تم يضحك عليها وخلاف رفع نظارته من على عيونه وحطاها ع اسه وتم يطالعها باحتقار واضح ويا ابتسامه ساخره وصك الجامه وظهر .. وتم يتحرطم شوهاي ماتخاف على عمرها وماتخاف على سمعتها وع سمعة هلها ماتخاف اني اروح اخبر عليها خلفان اخوها .. والله انها مينونه صدق صدق اليهال مشكله ..
نوره تمت متصنمه مكانها وساكته ..
علياء : ايييه شو فيج ....
نوره : اه اه قلبي قلبي ..
علياء : شو ؟؟
نوره : ياليتج شفتيه ..
علياء : شفته لابس بنطلون وقميص ..
نوره : هاذا العذاب الاول والعذاب الثاني يوم نزل الجامه رفع نظارته ارتقع شعره كله على ورا وطاحت بس خصله وحده في اعيونه ااااه عذااااااب والله والله وقسم بالله ان عذاب ايجنن . هاتي هاتي التلفون ..
علياء : ههههههه .. يودي ها ..
وشلت نوره التلفون وطرشتله مسج ..

" ودادك من غدير القلب قام ينهل ... سباني حبكم والدمع ذاعه ... حبيبي لا تعذبني وتبخل ... على من فالهوى لك مد باعه ... سطا قلبي غلاك وقام ينخل ... غلاي اليوف واطلبك الشفاعه .. "

علياء : بعد واحد ثاني ..
نوره : لا بسه واحد بدق الحينه رنه ..( ودقتله رنه وحده وسكرت ).. .. بنشوف ردة فعله ...
وشويه واتصل خالد ..
خالد : الوو ...
نوره : ................
خالد : لا والله مطرشين مسج وداقين رنه عسب تسكتون ..
وخالد كان حاط الف ام يسمع اغنية انساك مالت حمد العامري ..
نوره : حلوه كلمات الاغنيه ..
خالد : هههههههههههههه .. لا والله يعني لو هب كلمات الاغنيه جان مارمستي ..
نوره : مااعرف يمكن .. شحالك .؟؟؟.
خالد : بخير وسهاله .. من معايه ؟؟؟
نوره : اول شي قولي شحالج وعقب لاحق اتعرف منوه معاك ..
خالد : لا والله بعد اتعلميني شو اللي اقوله وشو اللي مااقوله والله انا بكيفي وانا ماقلتي انتي منوه وشوتبين بينرقع الخط في ويهج ..
نوره : لا والله بعد اتهدد ..
خالد : اقولج شكلج ماتعرفين عدل انتي حق منوه متصله يله جلبي ويهج ..
نوره : انزين لحظه ..
خالد : خير ياويهه العنز ..
نوره : لا تسب .. لا تخاف اعرف انك خايف انه ايكون حد مطرشني لك لا لا تخاف والله محد مطرشني لك انا روحي ومن نفسي اتصلت محد قالي اتصلي ..لا تخاف هب وحده من ربيعاتك طرشتني صوبك ..
خالد : لا والله .. انتي داقه تستخفين دمج ولا شوه اصلا ولا وحده منهن فيها خير اتسوي فيني هالحركه تقهمين ..
نوره : هيه افهم بس انته ليش اسلوبك جذيه ..؟؟
خالد : انا جذيه وبتم جذيه ..
نوره : بس انا اباك ..
خالد : لا والله وانتي من وين اتعرفيني عسب تبيني ..
نوره : خالد انا نوره بنت يرانكم .. اللي توني كنت فاتحه الجامه اطالعك منها ..
خالد تم منصدم ماتوقع منها هالحركه ابدا .. خيييبه مقواها ..
خالد : بسالج سؤال واحد انتي ماتخافين على عمرج ؟؟؟.. ماتخافين على سمعتج ..
نوره : انا عشانك وعشان اتحبني في يوم نفس مانا احبك ماخاف من اي شي وبعدين انا واثقه انك انته ولد عرب وناس ومستحيل اتظرني في يوم خالد انا احبك وايد وايد .. واتخيلك كل شي في حياتي وقعدت اتصيح ... خالد انته كل شي في حياتي .. كل شي انته عمري وحياتي انا عمري مافكرت في اي انسان غيرك .. انته وبس .. انا حبيتك من كل قلبي عشقتك انته وبس انته في كل لحظه في بالي وفي حياتي انته كل شي كل شي وقعدت اتصيح ..
خالد تم ساكت من سمعها اتصيح وكسرت خاطره .. وتم يسولف معاها المشكله كانت انه خالد وايد طيب وطيبته وايد زايده عن الحد صح انه هو راعي بنات وجذيه لكن كان ايسولف معاهن عادي على اساس انهن ربيعاته واللي تحبه يوفقها عند حدها ويلبسها بس ليش نوره حن عليها يمكن لانه كان واثق من صدق حبها لانها بنت يرانهم وانها اتخاطر بعمرها بالاشياء اللي هيه اتسويها ... والله يعلم شو من الشعور اللي لين الحينه لها في قلبه ..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 47

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 8:27 pm

بيت بو محمد
الاثنين 5 العصر
بوظــــــــبي ..

اهواك وبحبي ابوحــي *** واعشق دلالك لوتماديت
وانا لك محب نصوحي *** مهما تباعدت وتخــــليت

حصه دخلت الغرفه ع اليازيه اللي كانت تدرس لانه عليها امتحان باجر واليازيه كان قاعده ع الشبريه وفارشه الاوراق على كبر الشبريه . ويت حصه وقعدت ع الشبريه ..
اليازيه تصارخ : هاااا .. هااا .. حووووووووو .. لا يالغبيه تحتج اوراق ..
حصه : ههههههههههه .. انزين شو مابقعد عليهن ها يابوج حشا صرتطييييني ..
اليازيه : مع هالويهه ..
حصه :يالسه ادور في معتدج وانطحن ..
اليازيه : عن السخافه الحينه انتي شو تبين ؟؟ ماعندج سالفه والله عندي امتحان 400 ورقه انقلعي ..
حصه : خييييييييييبه 400 .. متى بتخلصين ..؟؟
اليازيه : اذا بتم مجابله ويهج مااظن اني لين باجر اخلص ..
حصه : انزين بقولج شي ..
اليازيه : بسرعه بسرعه قولي ..
حصه تتميع : انزيييييين..
اليازيه اتفرها بالقلم : ايييييييه ..
حصه : هههههههههههههه .. انزين انزييييييين .. بقول انزين ..
اليازيه : بسرعه ..
حصه : يوم الاربعاء بيروحون يخطبون شمه اخت مطر حق احمد .. وامايه بتروح معاهم ونحن بنروح العين يوم الاربعاااااااااء .. واول شي احمد ماكان موافق كان يبا وحده ثانيه وخلاف يدتيه واقعته وجذيه وطبعا اتعرفين انه احمد موته وحياته يدتيه مازعلها ووافق على اللي هيه تباها ..
اليازيه : خيبه نشره تفصيليه ..
حصه : الله وكبر عليج لا منوه قالج هاي بس الاحداث .. قولي ماشاء الله ..
اليازيه : تف تف ماشاء الله .. انزين حرام حليله جوفي هو كان يبا وحده وامه تخطبله وحده ثانيه والله حرام ..
حصه : ااااه االله يعينه ان شاء الله ..
اليازيه : بس اذا كان بدايته معاها غلط فهم يستاهلون ..
حصه : ايوه عاده بليز يعني لو سمحتي لا تقعدين تتفلسفين عليه الحينه صخي .. وادري .. وحطت الورقه في ويهها وراحت تربع عنها تحت واليازيه قاعده تتحرطم واتسب ..

بيت بو مطر
الثلاثاء 10 فليل ..
سويحــــــــان ..

ظبيه وام مطر وشمه وعزه كانوا قاعدين في الصاله وظبيه حاطه حمدان على ريلها عسب اترقده .. وعزه قاعد اتلعوز حمدان وهو طايح على ريل امه ..
حمدان : انتي مووو حلوه .. كبيره فيج عيون كبيره نفث الوحوش.. وتم يحج شعره ويدلع .. ماما منوه هاي ..؟؟ وياشر على عزه ..
ظبيه : ادلع انته ادلع ..
عزه : شومنوه هاي.. هاي عمتك قول عمتيه عزه..
حمدان : لا بس عموه شمه ..
شمه : فدييييييييت شيخ سويحان انا ...
حمدان مستانس شكله عيبته الكلمه : شيخ ثويحان ...
ام مطر : يعلني افداه الغالي ولد الغاليه والغالي ..
ظبيه : محد مبطرنه الا انتي ياعمتيه ..
ام مطر : برايه فديته من عندنا غيره وناسة البيت يعلني افداه .. ووخت عليه وحبته ...
عزه : وع هاذا يحبونه هاذا لازم يضربونه الشيطاااااان .. ماعليه هب مودتنك مدرستيه ..
حمدان : ماما ..
ظبيه : مالي خص فيك انا .. هههههههه .. متبريه ..
حمدان : ماما عوثه ..
ام مطر : فدييييييييت عيونك انا لبيه ياغناتي لبيه .. مسودة الويهه عزوه صخي عن الولد شو تبينه مناشبتنه مناشب ..
عزه : الحينه انتي اتواقيعيني عسب هالزعطوط ..
حمدان : بخبر ابوووووووويه عليج ..
شمه : ههههههههههه .. قولها بخليه يضربج ضرب ..
حمدان يطالعها ويحج رقبته ويرفع صبعه : ضرب .. ضرب ..
شمه : اي حد يقولك اي شي انته شو تقوله ..؟؟
حمدان يغايض عزه ويظهر الها السانه : شيخ ثويحان ..
عزه : مايحتاي عاده طالع انته هاي ضروسك منوه كلها اللي جدام منكسرات ..
ظبيه : هههههههه لا تعلقون على قراجنا خلوه مسكر ..
حمدان : كلاهم الفار وانا راقد تعرفين ليش ؟؟
عزه : ليش ..
حمدان : ههههههههههههه لانج حماره في الجيش ..
عزه :انته كم عمرك ؟؟؟ اعنبوك لسان هالطول .. انته الحينه 3 سنين جذيه انته اللي كبرك مايعرفون يرمسون ..
ام مطر تضربها بقوطي الكلينس : مسودة الويهه بتضربينه بعيين عوذ بالله من شرج سمي عليه بالرحمن ..
ظبيه : هههههههههه هاذا خيل مايصيبه شي ..
ام مطر : الله وااكبر علييييكن الله وااكبر ...
حمدان : اصلا انا مابوديها معايه باجر خالي احمد قال بيي بيوديني فان سيتي مابنوديج ثيحي في البيت ..
عزه : الله يخليك انته بس لا ارجوك ودني .. انا بركب مع خالك وبنخليك انته تصيح ..
حمدان : عييييييب .. خالي ريال انتي حرمه ..
ام مطر : فدييييييت هالمنطوووووق انا فديييت عمرك ..
وتموا كلهم يضحكون على رمسته ..
شمه : ماشاء الله عليك ماشاء الله عليك الله واكبر من الحسد الله واكبر ..
ظبيه وهي تتطالع شمه : هيه عمتيه ترا باجر قوم امايه بييون صوبنا ..
ام مطر : حيااهم الله والله انا من زمان ودنا انشوفهم ماشفناهم من يوم العيد اللي طاف حليلها بينور البيت بوجودهم ..
حمدان : انذين قولي قولي خالي احمد بيبهم ..
ظبيه : هييييييه فكنا خلاص ..
هنيه تم قلب شمه يرقص رقييييييص .. وعزه تتطالعها بمكر وعين خبيثه ..
حمدان :بث بنودي عموه شمه انتي مابنوديج .
ظبيه : هههههههههههههه .. بس بتودي شمه ؟؟
حمدان : هيه ..
ظبيه : انزين انته الحينه بترقد ولا شوه يله ارقد ..
عزه :وووووه ...واقعووه... ووووووه ..
ام مطر : انتي اشعنه مناشبه الولد كلتيله فواده هو اصلا ريال بيرقد ..
حمدان اونه عاد يغمض اعيونه بالغصب ويرص عليهم بقوووو: ريال .. برقد..
ظبيه تكفخه ع جتفه : صك اعيونك عدل ..لعوزتنيه فوق ماتبا ترقد رقديني تحت يايبتنك تحت اتسولف ..
ام مطر : فديته هو مايبا يسولف بيرقد الا هيله الهنتين من حشرتهن مابيرقد صخن عن الولد خلنه يرقد ..
عزه اتصار امها : شو نحن بنتم صاخين لين مايرقد؟؟ ..
ام مطر : غصبن عنج صخي ..
ظبيه : هههههههه .. لا عادي رمسن اعنبوه هاذا اصلا مدوخ الرقاد واصل حده عنده طالعنه اكوه دوخ ..
شمه :فديته والله .. هاتيه بشله بوديه فوق ..
ظبيه : هههههههههههه لا لا ماريد اتقاشر عليج اعنبوه ... شو ؟؟ هاذا متين شوخانتج جان شليتيه ..
شمه : حرام عليج ظبايه حليله هاتيه هاتيه ...
ظبيه : لا والله ماشليتيه .. خليه ابوه بيي الحينه بيشله ... جان بتشلينه اشاطحنه انتي وعزه وحطوه ع الكرسي بس ...
حمدان يفج اعيونه : انا عنزه ؟؟ ..ليش ليش يشاطحون العنز مايشاطحون حمدان ..
وتموا كلهم يضحكون عليه ..
ظبيه اتواقعه : انته مارقدت .. ماعليه رووووووح فوق ارقد اروحك ..يللله
حمدان : لا لا والله والله برقد .. وهالمره صدق رقد .. لانه حصل قرصه ..
ام مطر : حرام عليكم والله حرام..
ودش عليهم مطر ..
مطر : السلام عليكم ..
الكل : وعليكم السلام ..
ظبيه : زين يوم ييت عقب مايرقد ولا مابيرقد ..
مطر : راقد اليوم في الصاله .. وراح صوب حمدان اللي طايح ع ريل امه وحبه على خده .. ويوم يا بيرفع ويهه جابل ويهه في ويهه ظبيه وحبها بين حياتها .. تمت ظبيه مستحيه ومنزله اعيونها تتطالع حمدان واستوا ويهها احممممر وتمت تلعب في شعر حمدان وهو راقد .. وخلاف رفعت عيونها شافته يطالعها .. وعزه وشمه يطالعون بعض ويضحكون بخبث .. وام مطر تتطالع التلفزيون ..
مطر : ها امايه شو الاخبار ..؟؟
ام مطر : حليلهم هيله اللي ماتوا من الزلزال .. الله يجيرنا من شره الزلزالات والبراكين ..
وعزه تضحك من تحت لين تحت .. شمه سكتت عادي لكن عزه .. تمت ظبيه تطالعها وخلاف صدت عليها
ظبيه تضرب عزه على ايديها بمصخره : بسج عاااااده ..
عزه اتهز راسها : ههههههههههه .. ان شاء الله ان شاء الله ..
وتموا ايسولفون مع بعض كلهم وراحت ظبيه وحطت العشا حق مطر واتعشا وراحت ام مطر ترقد عند بو مطر اللي راقد من الساعه 9 وخلاف شل مطر حمدان من ع الكرسي ونش عسب يروح قسمه وراحت ظبيه تركب الدري وراه وهي شاله غترته وعقاله ..
شمه : الله يهنيهم مع بعض ..
عزه : امين والله ظبيه تستاهل كل خير حليلها ..
شمه : يقولج الطيبون للطيبات ..
عزه : الله يسعدهم دوم ان شاء الله ..
شمه : امييييييييين ..
عزه : هيه تعالي ليش هل ظبيه بيونا باجر وليش احمد اللي بيبهم .. اها شوالسالفه ..
شمه : ماعرف بس عادي هم دوم ايون يسلمون وساعات امايه اتروح اتسلم عليهم عادي ...
عزه : لا بس ليش احمد اللي بيبهم ..؟؟
شمه : فديتج احمد ماشاء الله عليه دومه نفيع ..
عزه : ياويييييلي .. بس انا حاسه انه في شي ..
شمه : شي مثل شو ؟؟
عزه : ماعرف .. بس يمكن ..
شمه : لا لاتفكرين هالشي بالنسبه اليه حلم ومستحيل انه يتحقق في يوم ..
عزه : هب بكيفج كل شي في هالدنيا نصيب ..
شمه : هاذا اللي في بالي وبس ان كل شي نصيب .. بس صدقيني ياعزه مااتمنى لنفسي حد الا احمد .. لاني بصدق حبيته ..وشليت هالحب في قلبي مايهمني انه مايعرف اهم شي اني انا احبه .. وبس ..
عزه : ياليت كل البشر شراتج انتي عاقله ياشمه ..
شمه : الحمد لله.
وقعدن ايسولفن وخلاف راحن يرقدن ..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 48

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 8:28 pm

بيت بوعلي
الاربعاء 5 العصر
العيـــــــــــن ..

بو محمد وام محمد وحصه واليازيه ومنصور ولطيفه كانوا توهم واصلين العين ..واول وحده طبعا تنزل من السياره هيه حصه وراحت بسرعه داخل وفتحت باب الصاله وحصلت يدها ويدتها واحمد وعلي وسعيد ومريم وفلاح ومانع يلعبون سوني ..
حصه : السلاااام عليكم ..
الكل : وعلييييكم السلام ...
وراحت حصه ووايهت خوالها وحرمة خالها وحبت يدها ويدتها ع راسهم .. وخلاف دشوا كلهم وسلموا على بعض وتمت مريم بغشوتها عن بومحمد ... وخذوا علوم بعض .. واخبار بعض ..
بو علي : والله منور العين ياحميد ..
بو محمد : امبونها العين منوره بوجودك ياعميه ..
بوعلي : تسلم يالغالي ...
بو محمد : مبروك ماياج يامريم ..
مريم : الله يبارك فيك ياحميد ..
بو محمد : وينها الكتكوته نبا انشوفها ..؟؟
مريم : مرقده ..
ونشت مريم .. ونشن وراها حصه واليازيه ولطيفه .. عسب يرحون يشوفونها .. حصه ماتت تمت منصدمه ..وواقفه عند المنز ..
حصه : وااايه ياربيييييي ياوييييييييييييلي .. فدييييييييييتها هاتيها هاتيها وشلتها تمت تحظنها واتبسوها وايه ثرن البنيات جذيه رحيمااااااااات فديت قلبها ..
اليازيه : عوذ بالله منج روعتي البنت .. خوزي عنها ..وشلتها عنها ..
مريم : ههههههههههه .. والله انتن .. جوفوا كشختنا وفتحت قماطها تراويهم كشختها كانت لابسه فستان جنز فيه ورود صغار بالوردي وقطع بيض عليهن كرهوات باللون الوردي ...
حصه : يارببيييييي يارررررربي .. وتمت اتحط ايديها ع راسها ..
مريم : ههههههههههههه ..
اليازيه : من وين حصلتي شي على قدها ؟؟
مريم : ههههههههه .. قبل لااربي سرت بوظبي وخذتلها كمن واحد من مونسون براويكن اياهن خلاف .. يله ودوها حق ابوكم وامكم خليهم يشوفونها ..
لطيفه : اتوفها ..
مريم : يلي ماتخيلن ليش ماترونها اياها يله راوها اياها ..
اليازيه : ها الشيخه لطيفه جوفيها ..
لطيفه : تتتوووته ..
مريم : فدييتج انتي وشلت مريم لطيفه .. وراحن الصاله اليازيه شاله فاطمه الصغيره وحصه تمشي وراها وتتطالعها اليازيه بغيض ....
علي : منوه مزعل الحص ؟؟ هههههههه ...
سعيد : هههههه بروحها ..
حصه : لا هب بروحي هاي يزوي شلتها ماخلتني اشلها ..هههههههه ..
بو علي : هيهاااااء كله ولا الحص فديتها عطوها اياها ..
وتمت حصه لاصقه في يدها ..
ام محمد : يالبزااايه انتي ..
ام علي : هب من برع يايبتنه يايبتنه من خالها سعود ..
احمد : ههههههههههه .. هيه والله صدقج يامايه ..
بو محمد يشل فطومه الصغيره : فدييييييت الغلا كله .. ماشاء الله بسم الله .. ولصقت ام محمد اتشوفها واتخبلوا عليها لانها كانت ماشاء الله عليها بيضه وعيونها صغار وخشمها صغير وشافيفها حمر .. جنها صوره ماشاء الله عليها من جمالها .. وتموا ايسولفون لين الساعه 6 وخلاف راحن ام محمد وام علي يتلبسن عسب ايرحون صوب بيت ام مطر يخطبون شمه حق احمد ..

في بيت بو مطر
الاربعاء 7 المغرب
سويحـــــــــان ..

احلى سنين العمر بلقاك تتـــــعطر *** يادنيتي وابرك الساعات ساعاتك
يمر طيفك واضمك وارجع استغفر *** وارد اشوفك واقول الله محــلاتك

هالوقت احمد وام محمد وام علي وخالته ام سيف كانوا توهم واصلين بيت قوم بو مطر .. ومطر كان واقف عند الباب عسب يدخل احمد الميلس عند عيال عمه وخاله وواقفه وياه ظبيه وام مطر .. وطبعا شمه وعزه واقفات فوق في حجرة شمه مبندات الليتات واقعدات يطالعن من الجامه ..
شمه : ياربي ياربي محلاته ماشاء الله عليه ..
عزه : ياويييييلي يارب يارب يايين يخطبون اليوم يااااااااارب ...
شمه : انتي شدراج .؟؟..
عزه : انتي شوفي تلميحات ظبيه كيف وبتفهمين ..
شمه : الله يستر ان شاء الله .. ومطت عزه .. حوه بسج مطالع ...
عزه : انزين ..
وراحن يتسبحن ويتلبسن لانهن توهن كانن يايات من المطبخ يساعدن امها وظبيه .. وخلصن ولبست شمه كندوره لونها تركوزاي وشيله سوده فيها خط تركوازي على عرض الشيله وجحلت اعيونها وعزه لبست كندوره صفرا وشيله نفس التشكيله سوده وفيها خط عريض بالعرض بالبيج ... ونزلن تحت يسلمن وسلمن وقعدن شويه وخلاف استسمحن منهم وردوا فوق .. فتحت ام علي موضوع الخطبه حق ام مطر وام مطر رحبت بالهشي وقالتلهم انهم مابيحصلون اخير عن احمد حق شمه و بيشارون ابوها واخوانها وبيخلون البنت اتصلي صلاة الاستخاره وعلى الاسبوع الياي بيردون عليهم خبر .. وتمموا واتعشوا عندهم وخذوا اعلومهم وام مطر وايد استاتست ابهم وهم بعد وايد استانسوا ابها وخلاف ع الساعه 10 ركبوا ويااحمد في سيارته ووصلوا ام سيف الرماح وقبضوا خط العين رايحين صوب العين ..

في سيارة احمد
الاربعاء 11 الا ربع

روح انا راضي بغيابك ياحيــــاتي .... وهذا قسمه لي وهذا لي نصيب ....
كنت شمعه تضوي وتشرق حياتي ... انطفيت ورحت في وقت المغيب .....

ام علي : والله انهم اخير الناس وماشاء الله عليها البنيه حشيم وحبوبه ..
ام محمد : الله يهنيك فيها يااحمد ...
احمد : ان شاء الله .. عاده اهم شي ام علي اتكون راضيه عليه ...
ام علي : راضيه عليك ياولديه في الدنيا والاخره وانا مابا شي غير مصلحتك ..
احمد : يعلني افداج والله ..
وتمت هالمسجات توصل حق احمد من تلفون دانه ...

" لو مانساك قلبي شلته من قفى صدري ... خل التجارب تفيدك ولا تكلمني ... والعب ع غيري لعبة حبك العذري ...في ذمتي شي لا يمكن يرجعني ... الا اذا الرب غير فكري وعقلي ... ولا بد في يوم تندم وتذكرني .. هاذي النهايه خلاص حبك رميته "

"لا تظن إني بصدك محتسب
لا وربي الكون ما اتبع ثراك
لا تحرا عاد به رد وعتب
إنتهى كل شي وانهيته معااااك "

" صاحبي قررت انا منك انسحب
لا ولا ابين واطلع في سماك
من بعد ما صار حبك لي لعب
في الخطا تمشي وانا امشي وراك "

تم احمد منقهر من هالمسجات وطرشلها مسج ..

" لو سمحتي مهما كان في خاطرج انسي انج اتردين وتكلميني واطرشين اليه مسجات.. انسيييييني مثل مانا بنسااااااج "

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 49

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 8:30 pm

الـــجزء الثــــاني عشـــر

يا كل عمري ياحياتي انا ابيك ... ياعالمي ياحلمـــي اللي طواني
والله ماحلفتــني اني اغلــــيك ... وانت الامل والحب وكل الاماني

بيت بو مطر
سويحـــــان
الخميس 12 فليل ...

عزه وشمه كانوا قاعدات في غرفتهن ...
شمه : والله انيه لين الحينه هب مصدقه معقوله .. انه الخميس اللي طاف خطبونيه وهالخميس استوا كل شي رسمي وبرمسة ريياييل ..
عزه :ههههههههه هيييييه وبعد فوق كل هاذا وهاذا الملجه عقب العيد بشهر وقبل العرس بيومين ..
نشت شمه من ع الشبريه : لااااااء لاااااااء ماصدق ماصدق ...
عزه : انتي قلتي انه كل شي في هالدنيا نصيب وسبحان الله احمد نصيبج احمد الانسان اللي صليييتي عسبه مرتين استخاره بس لانج هب مصدقه وفي كل الحالات مايلازمج شي غير الرااااحه .. وطلعت الها السانها ..تمت شمه ساااااكته تمت اعيونها ادمع ..
عزه : ايهيييييييه بسنا عاده نحن من الافلام الهنديه شو يصيحج .؟؟.
شمه : ههههههه جب هب دموع زعل دموع فرح ..
عزه : اف كله من امايه اليوم ماخلتنا انشوفه وهو ياي لازم ادخلنا المطبخ ..
شمه : احسسن اعنبوج ناطور كل مايي ويروح واقفتله وقفه تتبصبصين عليه مسكييين ..
عزه : انااااااا ...؟؟؟؟!!!! .. اناااااااا .. الحينه استويت انا اللي اتبصص اسكنت حليلي .. حليلااااااه ..
شمه : انتي حليلج انتي السواهي والدواهي كلها منج ..
عزه : شوفي كيف ظبيه بدت تهتم فيج عاد اونه حرمة اخوها ..
شمه : جب انزين لاتقولين عنها جذيه انتي اتعرفين انها اتعدنا شرات خواتها واتحبنا ربااااعه .. عن العبط ..
عزه : لا والله شووو ماعليها اقصووور ام حمدان ماعاش امممممره اللي يقول عنها جذيه لابس شوي طشوووونه الاهتمام زاد في عرب .. انتي ليش واقفه عن الباب مابيي الحينه روح ..
شمه تنتبهه حق عمرها : هههههههه اوييه والله ماعرف شو يابني اهنيه ...
عزه : هب توتر حتى يوم ظهرت نسبتج مالت الثنويه ماسوييتي جذيه ..
شمه : روحي انقلعي بلا نسبه بلا خرابيط ..
عزه : هيه والله بلا احمد بلا بوشهاب بلا خربطان ..
شمه : عزوووووووه ..
عزه : ها انزين صخينا .. وحطت ايديها ع حلجها ..

بيت بو محمد
بوظــــــبي
الخميس 1 فليل

ياحـــي من بــــــينلي الشوق ... وانا شراته صـــرت مشـــتاق
وانته الشراب وطعمي الذوق ... ولو في منامي صوبه اشتاق

حصه واليازيه كانن يطالعن الفلم الهندي في قناة One
اليازيه : اف ماعرف شو بلاه تلفون حمود مسكر ..
حصه مندمجه في الفلم : ...................................
اليازيه : ايييييييييييييه ...
حصه : يمكن راقد ..
اليازيه : اعنبوه شو يرقده .. الحينه ..؟؟
حصه : مااعرف ردي دقي ..
اليازيه : اريد اعرف متى بيي ..
حصه : دقي انزين منوه قابضنج من ايديج ..
اليازيه : هاذا ويهه ولا صحن مجلوب ...
حصه : ههعععهع وايد ضحكتينيه لا بقره محلوووبه ..
اليازيه : جب جب .. وشلت اليازيه السماعه وردت اتصلت بعد بس بعده مسكر ...
حصه اتصد عليها : اتصلي ع الشقه ..
اليازيه : عندج الرقم ؟؟
حصه : هيه هاذوه اهنيه في المكتبه ...
شلت اليازيه التلفون وتمت تتصل تتصل بس محد ايرد ع تلفون الشقه وتموا متروعين خواته عليه ..
حصه : انزين جربي اخر مره وعقب بنخلي حد من اخواليه يتصل ع تلفون طحنون ايشوفونه ..
اليازيه : اوووويه لا ااتروعييييييينيه ..
حصه :انزين يله دقي ..
وشلت اليازيه السماعه واتصلت رن رنتين وشلووه ..
طحنون : الوو ..
اليازيه : اييييييييه يالغبي انته وييييييين نحن من الصبح انحاتيك شو هالسخافه وليش غالق تلفونك فلختنا ..
طحنون : ...................................
اليازيه :ههههههههه .. عادي استلمت انا نشرت الاخبار من عند حصيص .. ههههههههه شحالك فديتك ..؟؟
طحنون : اليازيه .. انا هب .. محمد .. انا .. قاطعته اليازيه بشهقققققققه .. وتمت صاخه ..
حصه : شو بلاج يالعنز السارحه مابترمسينه هاتي انا برمسه ولا ليكون سمعتي صوت ..
اليازيه اتاشرلها انا هاذا هب محمد ...
طحنون : الوو ..
اليازيه : هلا .. السلام عليكم ..
طحنون : وعليييييييييييييييييييييييييج السلام ..
اليازيه هنيه ذابت تمت صاخه وحصه قاعده تتطالعها فاجه حجلها واعيونها..
اليازيه : محمد موجود ؟؟
طحنون : لا اليازيه هو محد نزل صوب الجمعيه وبيرد وانا بعد اتصلبه كله مغلق لانه وهو ظاهر مفضي فاكيد فضى عليه في الطريق ليش انتي دقيتي وحصلتيه مغلق ؟؟...
اليازيه : هيه .. ماعليه قوله هلك اتصلوا فيك .. مع السلامه .. وسكرت ..
حصه فاجه حلجها بكبره : كلمتيييييييييييييييييييييه ؟؟؟؟؟؟؟؟؟؟!!؟؟؟
اليازيه اتهز راسها :........... بس هب قادره اصدق اني سمعت صوته ..
حصه : اونه شو قالج ..قالج اتولهت عليج اشتقتلج ماقالج شي ..؟؟
اليازيه تضربها على ويهها : انتي خبله شووو ؟؟
حصه : اااااخ ..ههههههههههههه احيده سيده كاش في الويهه ومايخبي شوقه ..
اليازيه : انطمي انطمي .. الحينه شو اسوي ياويلي شو اقول حق محمد اكيد بيتهندق عليه ..
حصه : هههههههههههاااااي دوااااااج .. ويسلت اتاشرلها بيديها حرره .. صخي صخي نبا نشوف الفلم طافنى الفلم الهندي اللي في الهند وحظرنا الفلم الهندي اللي في بين روميو في لندن وجوليت في بوظبي ..
اليازيه مسكتها من فجها وجدمت راسها وحطته ع التلفزيون : يله فجي حلجج يالهنديه ... نشت حصه وعضتها في ايديها ..
اليازيه اتصارخ : ااااااااااااي يالاسد فجييييينيه يالسباله يديه بتحمر ااااااااي .. وشويه ورن التلفون ..
شلت حصه السماعه وحطتها ع اذنيها ..
حصه : مرحبا السلام عليكم بيت حميد المهيري .. نعم من يتكلم ؟؟..
محمد : ههههههههههههه .. عليج السلام يالسيلانيه شحالج .؟؟.
حصه : اوووووه هاذا ارباب محمد كيف حالك ارباب .؟؟.
اليازيه : ااااااااي ااااااااااااي .. ويلست اتصارخ ..
محمد : اكيييد تتضارربن ..
حصه : اتعرفني انا ختك حبيبتك مااعييل على حد هيه اللي عالت عليه ..
محمد : انتي اااه منج انتي .. انتي كل البلاوي منج ..
حصه : حليييييييييلي ..
اليازيه اتمط عنها السماعه : حلج حلول في بطنج .. هاتي هاتي .. مرحبا السااااااع ..
محمد : مرحبا ملاين ولا يسدن .. شحالكم ..؟؟
اليازيه : ابخير وسهاله .. انته شحالك؟؟..
محمد : والله الحمد لله .. ايسرج الحال اشحالهم قوم امايه وابويه ويداتيه كلهم ابخير ..
اليازيه : بخير يسرك حالهم كلهم بخير حتى ميرررره بخير ..
محمد : من درابها ؟؟
اليازيه : محـــــــمد بن حميـــــد ..
محمد : امحق ليل .. اتهبين الا انتي وهي ماباها انا ..
اليازيه : ههههههههههههه .. تعال اخبرك فضحتنا رد عليه طحنون..
محمد : هي اعرف خبرنيه انا سرت اخذ اغراض من الجمعيه دوري هالاسبوع حق الجمعيه ..
اليازيه : هيييييييه ..
محمد : انزييين وعلومكم بعد ؟؟
اليازيه : علووم الخير ..
محمد : غريبه شيااها حصيص صاخه ماحيدها ..
اليازيه : اسكت مندمجه في الفلم الهندي ..
محمد : هههههههههههه .. ضارب العرق عندها ثره زاد انها .. هب منها عيل ....
اليازيه : هييييييه هههههههه .. اليوم راحوا ايخطبون الرياييل حق خالي احمد ..
محمد : اعرف هههههه خبر جديم ..
اليازيه : ومنوه خبرك ؟؟؟
محمد : اليوم مرمس سعيد ..
اليازيه : هيييييييه.. بس ماتعرف متى حددوا موعد الملجه والعرس صح ...
محمد : لا هاي ماعرفتها ابا ااعرفها منج .
اليازيه : اشوا ماقفطتنيه ..
محمد : افا علييييييييج .. هههههه ..
اليازيه : الله يسلمك حددوا الملجه عقب العيد بشهر و عقبها العرس بيومين ..
محمد : يستاهل بو شهاب ربي يهنيه ..
اليازيه : اميين .. الا انتوا متى بتوون ..؟؟
محمد : نحن اجازتنا اسبوعين بنييكم بالاثنين ان شاء الله ..
اليازيه : توصلون بالسلامه ان شاء الله ..
محمد : اميين ..
اليازيه : خلاص عيل برايك خسرتنا يله باي ..
محمد : مع ويهج اللي يقول انتي ولا ريلج بتدفعونها الفاتوره اخر الشهر ..
اليازيه : هههههههههه يمكن شدراك ..
محمد : اقولج ..
اليازيه : هلا ..
وسكر الخط في ويهها ..
اليازيه : هااااااااه ..... والله هاذا اخوج سخيييييييف ..
حصه : ....................
اليازيه : ولله حتى الهنود مايندمجون جذيه ..
حصه : سكتي شعندج حشره ظهري برع خلصي رمستج وخلاف تعالي ..
اليازيه : بروح ارقد اخير اليه ..
حصه متروعه : هااااااااااا .. لا لا تعالي شو وين اتروحين واتخليني روحي اخااااااف ..
اليازيه : توج تتدرين انج في حايتيه ..
وخلص الفلم .. ونشت حصه وبندت الليتات وربعت ع الدري : اتهبييين يالعنز انا في حايتج ماحط حايتيه كرمني الله عن العنز شراتج ..
اليازيه تصارخ : سباااااااله ..
وخلاف دشن غرفتهن وحطن اثيابهن وثياب العيد لانهم باجر فليل بيرحون العين ...

عزبة بو سيف
ليــــــوا
الجمعه 4 العصر ..

هالوقت الشباب كلهم كانوا قاعدين في العزبه احمد وسعيد وسيف وراشد وبطي وخالد وناصر..سيف واحمد وراشد كانوا مورين ظو وقاعدين حواليها ويسولفون ...
خالد يكلم الناقه : اشعندج انتي ليش جذيه قاعده تتطالعينيه من حدرت العزبه ماحيد انج اول مره اتشوفييييني ؟؟
ناصر : ههههههههههه .. شو بلاها هاي ؟؟
خالد : انا ادري طالع كيف بالله عليك قاعده وتتطالعنيه شو الشيخه اتعدين فينيه قصيد ....؟؟؟
سعيد : هههههههههه اعنبوك حتى البعران هب طايفات من تحت ايديك ..
خالد : انا شليه طالعها هيه.. شو تبين ؟؟ وياشرلها .. شو تبين ؟؟؟
بطي : يمكن تبا الرقم ..
ناصر : ههههههههه .. هيه صدق هيه هب اخير عن غيرها اللي في الشوارع اللي يبن رقمك ..شو حلال عليهن حرام عليها ثرها وحده من الاناث ..
سعيد : حليلها جواهر ..
بطي : هااااا .. هاااااا . منيه هاي جواهر ..؟؟؟
سعيد ياشر ع الناقه : هااااي ..
وتموا كلهم يضحكون عليييييييه ..
خالد : غربلات ابليسك سميتها جواهر .. هههههههههه .. خس الله عدوك ..اشعندج شو تبين .. اكوه ريلج والله يااخبره عليج . اخليه يملحج ..
سعيد : هههههههههههه .. اصلا هو هب داري عن هوى دارها ..
بطي : عيل هب منها يوم تتطالع ..
خالد : يعني بالله عليج هيله من طايفتج ماعيبوج عيبتج انا شيخج ..؟؟؟ سؤال ردي عليه بصراحه .
سعيد : هههههههههه يالسبال الحينه نحن من طايفتها .. ههههههههههه ..
ناصر : شو بلاك خلود استخفيييييييت ..
خالد : انا ولا هيه ..
بطي : وقمت اتقارن نفسك فيها اقولك روح هات جنسية ابويه ..
خالد : لييييييش ؟؟
بطي : بس ياخي مانتنزل اتكون اخونا بنمسحك بنطر الصفحه اللي فيها اسمك ..
ناصر : ههههههههههه .. لا يالجبش اسميه ورا اسمه في الجلبه الثانيه ..
سعيد : اشطبوووه عيل ..
ناصر : بنسويله جنسيه اروحه ايكون فيها هو وحرمته جواهر وبنشطبه وبنكتب شطب بموجب زواج .. خخخخخخ ..
خالد : يالبعارين انتوا ليش واقفين ورا السور احدروا داخل رابعوا معاهم ..
سعيد : هههههههههههههههه .. افا عليك ماتخلا عنك بو وليد انته الحب ..
نشت الناقه من مكانها ويت صوب خالد وين ماكان واقف ورا السور ويت صوبه وقفت مجابلتنه تتطالعه ..
خالد : ها ها.. عيني من الله خير شو تبين ليش يايه ..؟؟
بطي : لازم يبتولها طاري العرس لازم بتييكم ..
خالد : لا لا مافي انا شادي ..هاذا هاذا بيسويلج شادي وياشر على ناصر ..
ناصر : لا لا استريح ماتباني تباك ..
سعيد : هب جنا خفت اعقولنا اليوم بزياده قمنا انرمس بهااااايم ؟؟ ههههههههههه .
خالد : هههههههههههههههااااااي ..
بطي : ياخي عطها الرقم اكيد عيل تبا الرقم ياخي لاتعذبها ..فكنا
خالد : الشيخه ..999... اتصلي يوم بيرد ريلج ..
سعيد : ههههههههههه .. خيانه زوجيه ..
سيف يصارخ عليهم : تعالوا شعندكم من يتوا جابلتوا البعران ليكون يايين حديقة حيوان ...
سعيد : ههههههههه .. لا خالد يبا يرقم جواهر ..
سيف : منيييه جواهر .. وين حصلتوها ؟؟
بطي ياشر ع الناقه : هااااااي ..
احمد: هههههههههههههه .. هاي اخرتكم اترقمون ناقه ؟؟
خالد : ياخي هاي من الصبح منعجبه فيه تتطالعنيه ونشت من مكانها ويت صوبيه .. تبا الرقم . فديتج محلاج اتجنييييييين .. وتم اونه يستهبل قعد ع الرمله وحط ايديه ع خده وقعد يطالعها ..
راشد : افااااااا عليك امممممره مافيك حيله .. ههههههههههههه .. نهبت العقل مني ياغزالي ...
سيف : خله ياريال لا تخرب عليه شكله امره متخشع من حبها تخشييييييييع ..
ناصر : يالبيييييييييه دخيل الله من حسنك ولونك ..
خالد : حوه انتوا ليش اتغازلونها بس انا انتوا ليش رزه ..؟؟
سعيد : هههههههههه نشاركك ..
خالد :اعنبوكم في كل شي ..
احمد : ههههههههههه .. في كل شي ما عندنا شي مانشاركك فيه ..
خالد : خلك ع صوب انته معرس بتستوي جريب هاي شوتبابها خلها حق العزابيه اللي شرات هيله ..فدييييتج محلاااااج ..
عطتهم الناقه ظهرها وراحت عنهم ..
سيف : افااااااااا زعلت منوه بيراضيها ..
خالد : افا عليك انا اراضيها ..
راشد : وكيف ان شاء الله بتراضيها .؟؟.
خالد : هيله يارمانه الحلوه زعلانه مين ياراضيها انا اصفعها وارا بيها ..
احمد : يلعن ابو الحب شو بيزل ..
سعيد : هههههههههه .. والله استخفينا .. وروح عنهم صوب قوم احمد وخلاف الكل لحقوه وتموا قاعدين في العزبه لين اذان المغرب صلوا المغرب اهناك وردوا بيووتهم ..

k.w.k

k.w.k: الـمـديرهـ; المساهمات : 324
تاريخ التسجيل : 07/02/2008
العمر : 31
الموقع : دار بـومـشـعـل

مساهمة رقم 50

رد: ليـت جنـح الليل يحملك اسـاي ]-

مُساهمة k.w.k الأحد أغسطس 10, 2008 8:32 pm

بيت بو علي
العيـــــــــــــن
السبت 10 الصبح

شوقي عليكم دوم ماينقص ايزيد *** ومازال قلبي وافي العهد والود
ادري لقاكم يالغــــلا كانه العـــيد *** ماخذك يالغالي على محمل الجد

حصه كانت قاعده في الصاله مع يدتها ويدها ومريم ومانع ..
ام علي : يامانع تعال انزين اشرب لك هاذا الكوب الحليب غااوي تعال اطعمه في زنجبيل ..
بو علي : يافطيم انا اروحي متاخر مابيواحيليه لين اشرب حليبج بسرح صوب العزبه ويوم بيي بشرب حليبج يله برايكم ..
ام علي : شو بعد يوم بتي ثرك انته متى تظوي الا ع المغرب ..
حصه : يدي وغلات يدتيه ماتظهر الا وانته شارب الحليييييب .. وغمزت حق يدتها ..
ام علي : حسبي الله ع بليسج ياحصيص ...
بو علي : عليه رفجه لا اشربه واشرب ابوه ..ورفع بالكووووووب
مريم : ياعييني ياعيييييني ..
ام علي : هيه اشرب اشرب عن الرمسه الزايده ...
حصه : ههههههههههههههه .. عليه رفجه يايدي لو احصل ريل شراتك جان خذته ..
ام محمد ادش الصاله : يالمقووووي انتي .. صباح الخير ..
الكل : صباح النور ...
وراحت ام محمد وحبت امها وابوها ع راسهم ..
مريم : ههههههههه .. حليلها حصيص ..
حصه :جفتي عاده ياحرمة خالي اوني انا مقوي حليلي ولا شفتها القوه ولا ادل دربها ..
ام محمد : اه منج ..
بو علي : يله برايكم .. وتوه بيظهر ..
ام علي : لا تنسى الخرفان بنضحيبهن ..
بو علي : اعنبوه حد ينسى ذبيحته ..
ام علي : اشووا ...لا اذكرك بس ..
بو علي : عاده هب الحين االعيد بالخميس انا بيبهن بالثلاثاء ..
ام علي : ماعليه اتحمل ع الدرب ..
بو علي : اشعنه انا شيبه ؟؟؟
ام محمد : افا عليك وين ياك شيبه انته شيخ الشباب ..
حصه : واحلاااااااااهم ..
مريم :واغلااااااااهم ..
بو علي : بياعات رمسه برايكن وظهر عنهم ..
حصه : والله انه يدي سوالف فديته ..
اليازيه : صباااااح الخير ..
حصه : نشييييييتي ؟؟ اعنبوج عبرتي الرقاد ..
مريم : حليلها شو تبينها اجازه برايها خليها ترقد ..
ام محمد : انتي ماتعرفينه لسان حصيص ؟؟
اليازيه : حصوووووه يالسوده.. ظبايه متى قالت بتي ؟؟
حصه : مااعرف يمكن العصر ..
مانع : عموه شفتي نعالي ..
ام محمد : لا فديتك ماشفته خذت نعال ..؟؟
مانع : هيه رحنا انا وبابا وخذنا نعول حقي وحق فلاح وماما خذت حق فطومه ..
ام محمد : راونيه اياه ..
حصه : لا تروايها خله مفاجاه ..
مانع : انتي ام لسان ماريد روحي .. براويها ..
مريم : عييييييييب ..
اليازيه : ووووووووه احسن ..
حصه : ماعليه يالياهل ..
مانع : هبي انا ريال يقولي عمي سعيد ..
ام علي : فدييييييتك يالغالي ..
وراح مانع يربع ييب نعاله ..
مريم : الحينه بيوعي اخوانه تعال انا بيبيه لك .. وراحت مريم وراه ..
وشويه بحمدان فاج عليهم الباب وحادر الصاله ...
حمدان : انااااااااا حمداااااااان يييييييت ...
ام محمد : مرحبا مرحبا الساااااااع ..
ام علي : فديييييييت حمدااااان انا ...
حصه : هلا بالشيوووووخ .
اليازيه : توه مانور البيت ..
حمدان مستااانس وهب عارف وين يصد من فرحته ..ودشت ظبيه وهي شاله حمده وفرتها ع اليازيه وحصه اللي تخبلن عليها وتمت يحببنها ولتمن عليها وهي مبرطمممممه .. ووايهتهم كلهم وقعدت ..
ظبيه :مطر بيحدر ايسلم عليكم ..
اتحجبوا كلهم وقعدوا في الصاله ..
مطر : هووووود ..
ام علي : اهداا فديتك محد غريب .
مطر : السلام عليكم ..
الكل : وعليكم السلام ..
وراح مطر وحب عمته ام علي ع راسها .. وقعد عندهم وخذ علومهم ..
حصه : ليش ماييتي البارحه ؟؟..
ظبيه تتطالع مطر : عرب ماطاعوا يرخصووني ..
حصه : هههههههه ..
مطر : اتشوفينها عمتيه ايوااه انتي ردي عليه الا هي اتقول بتولهه عليك مابروح الحينه بروح باجر وبرد عندك ورا باجر مااقدر ابعد عنك وايد .. الا انا غصبت عليها انها اتعيد عندكم ..
ظبيه : الله واكببببببببر ..
ام علي : ادريبك ياولديه صادق امبونها ماتصبر عنك ..
ظبيه : هييه زيديه زيديه يامايه ثره هو زايد خقه ..
ام محمد : صدق بعد منوه هالحرمه اللي ماتتولهه ع ريلها ..
ظبيه : شفتي عاد ... زاد انج خليتي حميد اروحه وييتي عنه ..
ام محمد:حميد ماعليه شر عند هله .. وفي العزبه .. ومن هو يروح عنا شونسوي نيلس في البيت اروحنا اني ترانا العين ..
مطر : هههههه .. الا هو شحاله ربه بخير وشحاله محمد ؟؟
ام محمد: بخير وسهاله كلهم ابخير ..
وقعد شويه مطر عندهم وخلاف استاذن وظهر عنهم ..
ام محمد : ها شحالها العروس ؟؟
ظبيه : بخير يسرج حالها كل يوم اشلها اوديها مكان عاده هالايام اللي انا فيها بقعد اهنيه بتروح وياخالاتها واختها ..
ام محمد : هيه حليلها زين .. منها والله لو وحده غيرها مابتطيع تتزهب في شهر واسبوعين ..
ام علي : حليلها والله يوم اقولكم حشيم هالبنت اللي بتصووووونه ..
ظبيه : الله يهنيهم ان شاء الله ..
ام علي : اميييييين .. ويرزقهم بالذريه الصالحه ..
ام محمد : امييين
مانع : عموه نعالي نعالي .. وقعد مانع يراويهم النعال ..
مريم : اتقولين اول مره يلبس نعال وطول عمره ايتالي بزنوبه ..
ام محمد: ههههههه حرام عليج مريم حليله فديتك وايد حلو ..
ظبيه : ايجنن بناخذ حق حمدان واحد شراتك انزين ..
مانع : في قياس قده ..
حمدان : ماما انا ابا ..
ظبيه : ان شاء الله ..
حصه : اه ياربي متى بعرس وبتزهب حق عرسيه الاااه اجناااااان ..
ام علي تقرصها : مسودة الويهه ...
حصه : ااااي هههههههه اااي يدتيه خلاص خلاص ..
ام محمد : اعنبوج من بنيه ماشفت بنيه مدوده ع العرس شراتج ..
ظبيه : هههههههه .. عادي ظاهره عليه انا كنت شارتها ..
ام علي : انتي اقوا عنج محد وعقيتج في جبد هالريال المسكين حليله .
ام محمد : بيدخل الجنه من وراها ..
اليازيه : حليلها خالتيه عاده هب شريه جذيه ..
حصه : مريم بييونا قوم روضه هالعيد ..؟؟
مريم : مادري الحص فديتج بس جني سمعتهن ايرمسن امايه عسب ايين ايباتن اهنيه ..وامايه هب طايعه اونه بيتكم في العين وتسيرن ترقدون عندهم سيرن الصبح اتقولهن ولا تردن الا فليل ..
ام علي : فديتهن صدق خلهنا ين يباتن اعنبوه البيت بيتهن ..
اليازيه : لا حرام اصلا حلاتها سهرة الليل ..
وراحت حصه صوب التلفون واتصلت ابهم ..
حصه : هلا رويييييض ..
روضه : هلا بالحص هلا بالغلا كللللللله ..
حصه : انا زعلانه .. شحالج ..؟؟
روضه : هههههههه .. ليش ..انا الحمد لله بخير وانتي ..؟؟ ويزوي ..
حصه : بخير اقولج انا زعلانه .
روضه :هههههههه . قتلج ليش انزين ؟؟
حصه : سمعت انكم مابتون اتباتون
روضه : هيه صدق بنييكم الصبح وبروح عنكم فليل ..
حصه : لييييييييش ؟؟
روضه : مااعرف اتخبري فخور هكيه تباااااااج ..
حصه : هلا فخور ليش مابتوووووون ؟؟
فاخره : قوليلي شحالج .. ههههههه
حصه :البارحه مرمستنج .. ليش مابتووووووون ؟؟
فاخره : اونه عسب خالج سعيد .
حصه : انزين مابنزفها عليه نحن .. لازم اول شي عرس ودق وعقب ..
فاخره : ههههههه انتي تعرفين عاد هلنا كيف لازم اذا الواحد خطب وحده ماتروح بيتهم لو حتى كانت بنت عمه ..
حصه : ياله عاده انتوا اهل الحينه مالكم بد من بعض .. لا تستهبلن والله اصييييييييح .
فاخره : يووووووه .. هههههههههه .. لا ليش اتصييحين لالا .. رويض بتصيح حصوووه ..
روضه : اووووييييه ..
حصه : صدق انا اباكم شووو ؟؟
فاخره : صبري برمس امايه بقنعها ..
حصه : قوليلها حصه اتصيييح .
فاخره : صيحي اول عسب مااجذب ..
حصه :اههههيييااااااههيييي ..
فاخره : هههههههههه .. انزين .. وراحن روضه وفاخره قعدن يشاورن امهم بس تمت امها مصممه ع رايها عقب قالتلها انه حصه اتصيح .. وعقب ماهانت عليها حصه ووافقت انهم ايباتون عندهم بس يوم واحد ..وردت فاخره وخبرت حصه بالخبر..
حصه : الاااااااااااه وناااااسه يس يس استااانست الاااااااه ..
روضه : هههههههههه .. قوليلها استاااانسي ..
فاخره : يلي استانسي ..
حصه : والله مستانسه مستانسه ههههههههه ..انزين يله بخليكم الحينه نحن بنروح بناخذ قطع من دبي وبنوديهم حق المصمم حق عرس احمد هبابه يخلصهن وياويلكن ان نسيتوا اثيابكن قبل لا اجوف رقعت ويوهكن اريد اشوف رقعة ويهه شنطتكم ..
فاخره : هههههههههه .. انزين حبيبتي تامرينا بشي ..
حصه : انتن فصلتن ..
فاخره : هههههههه ..نحن من الدوده اللي فينا ماقدرنا نتحمل اول ماخبرونا رحنا البارحه وفصلنا ..
حصه :عند منوه ..
فاخره : رحنا بوظبي ويا مريم بالاربعاء وفصلنا عند علي فواز ..
حصه : هييييييه .. خلاص فديتج يله مع السلامه .. انشوفكم يوم العيد ..
فاخره : ان شاء الله ..
وسكرت حصه عن فاخره وعقب راحوا لبسن عبيهم وركبوا السياره ..ظبيه وام محمد وحصه واليازيه وراحن دبي عسب ياخذن القطع ويفصلونهم اول ماوصلوا راحوا عند المصمم هزار اللي في جميرا وشافن الموديلات وعيبنهن كم فستان وراحن خذن الهن القطع من مركز الغرير وخلاف ردن عنده وفصلن الهم فساتين وخلاف راحن برجمان خذوا الهم فساتين خفيفه حق العيد على شكل تنوره وقميص وع المغرب ردوا العين ..

انتقل الى الصفحة :

1, 2, 3, 4, 5, 6

A.N.JELL

ليـت جنـح الليل يحملك اسـاي ]-