بيت بو محمد
الاربعاء 7 المغرب
بوظــــــــبي ..
يــارب لـك محـتاجــــي فراجــي للـهـــم لـي مخـــزون
هـم وانـا هـب لاجــــي احجاجي كن الدهــــر فرعـون
اليوم كانت اليوله صدق والحشره في بيت بو محمد والحريم ماشاء الله كانن وايد وهم كانوا حاطين في الحوي طاولات وكراسي حق الحريم وفي الميلس حق الرياييل ..وظبيه وحصه وشمه واليازيه وفاخره وروضه كانوا قاعدين في غرفة اليازيه وحصه يتعدلون .. حصه واليازيه وظبيه كانوا لابسين نفس البدل بدله كامله شيفون وعليها رسوم وتحت الربطه الشيفون قميص هاي نك ووايد كانت ستايل .. وفاخره وروضه مطقمات في البدل الكويتيه .. وشمه كانت لابسه جلابيه من الاسطوره لونها تركواز ..
ظبيه: يله بسكن نزلنا ..
حصه : انا من اصبحت وانا جاهزه ..
فاخره: اعنبوه جذيه بنظهر حق الحريم جيش والله لا يتروعون ..
اليازيه: هههههههههههههه .. بيقولون عندهم اكتفاء ذاتي بالبنات والحينه تحت مافي بنات بيقولون نقص ومره وحده بيتافجئون ..
شمه : هههههههههههههه .. ياويلي مره وحده .. ماشي بنات عندج هنتين معرسات ولو ع ظبيه مابيبين ع حرمة خالج بيبين دام هالكرشه جدامي ..
ظبيه: هههههههههه .. عادي ماياثر ..
شمه : ظنج ..؟؟
روضه : هههههههههه وانا اشهد ..
ظبيه : يله نزلنا ..
وظهروا كلهم من الغرفه ونزلوا وفتحوا باب الصاله وظهروا في الحوي واول ماظهروا الحريم كلهن عينهن عليهن يطالعونهم من فوق لين تحت .. صدت اليازيه ادور امها وشافتها قاعده ع وحده من الطولات مع حرمه كانت في الاربعينات تقريبا بس كانت حلوه ع كبر سنها .. وراحت اليازيه عند امها .. وسلمت اليازيه ع الحريم اللي كانن عدال امها .. ووقفت عدال امها تبا اتكلمها ..
ام محمد: ام عبدالله هاي بنتيه اليازيه ..
ام عبدالله اطالع اليازيه بفخر واعجاب : ماشاء الله عليها ربي يحفظها لج يااام محمد..
ام محمد: الله يسلمج فديتج .. ها امايه بغيتي شي ..؟؟
اليازيه: امايه وين السويت المفروض ايكون في هييج الطاوله وهييج الطاوله فاضيه اشحقه ماحطنه ..
ام محمد: في ذمتج ماحطنه ؟؟
اليازيه : لا والله ياامايه ماحطنه ..
ام محمد: في المطبخ هن مادري شو يسون مع الخدامات روحي شو فيهن خلهن ايحطنه ..
اليازيه: ان شاء الله ..
ام محمد: ماعليه فديتج سمحولي .. شويه وبرد الكم ..
ام عبدالله : لا فديتج خذي راحتج جابلي عربج .. ونحن ان شاء الله اليايات وايد .. وامبونا نترياكم الاربعاء الياي عزيمة طحنون .. وراحت عنهم ام محمد ..
وصدت ام عبدالله على العنود : ماشاء الله عليها صدق ماعليها كلام .. ولا على هلها ..
العنود: ماشاء الله عليها ياعمتيه جميله .. وصدق انهم عرب والله والنعم فيهم..
ام عبدالله : يله يابنتيه الله يكتب اللي فيه الخير مع انه كان بودي ياخذ ميره ..
العنود: يله ياعمتيه دامها بنت عرب وحشام وهو يباها خليه ع راحته ..
ام عبدالله : وهالسبب اللي مخلني راضيه لانه هو ايعرف اخوها من زمان ونحن ماجد سمعنا عنهم الا الرمسه الزينه ..
العنود: والنعم الساع فيهم والله ..
دشت اليازيه المطبخ وقعدت اتكلم الفلبينيات مال المطعم عسب ايظهرون السويت وايحطونه ع الطاولات وهي ظاهره حصلت في ويهها ناصر قاعد ايكلم امه عند باب الميلس وام سيف واقفه عند الدري وهو واقف عند باب الميلس والمطبخ مالهم كان مجابل الباب الداخلي مال الميلس ..وسيده طاحت عينه عليها وعينها يت في عينه بسرعه حطت غشوتها ع ويهها وردت ع ورا ..
ام سيف : تعالي امايه محد غريب ..
ناصر : مرحبا اليازيه شحالج؟؟؟
اليازيه: ابخير وسهاله ناصر اشحالك انته ؟؟..
ناصر : ابخير وسهاله ..
واتخطهم اليازيه ونزلت ع الدري وراحت صوب الحوي ..
ناصر : ماشاء الله عليها ياامايه ..
ام سيف : انا اقولكم ترى الزين الا من عقب بنات الريم يعلني افداهن .. الا انتوا ماعرف شو تبون ..
ناصر : هههههههه بنتفاهم عقب .. خلاص عيل انا ان شاء الله اول مااطلع بسويلج تلفون عسب تتطلعون وانرد الرماح ..
ام سيف : هب تنسانا ياويلك .. انا يايه بس اخبرك انه اخوك ايقول بيروح عند ربعه وهب راد الرماح ..
ناصر : خلاص انزين انا بردج ..
ام سيف: يله عيل ابرايك ..
وراحت عنه ام سيف..
اليازيه : بتخبركن انته ليش حاجزيلكن طاوله وقاعدات ..
حصه : معانا وحده حامل ههههههههههه ..
شمه : شو ياالسين عني قومن قومن ساعدن ..
حصه :والله مول مالي بارض ..
اليازيه : اتقولج امايه روحي هاتي العود من حجرتها ..
حصه: انا الخدامه اهنيه .؟؟.
اليازيه: الشيخه حصه سامحينا اخر مره يله عاده حصوه انقلعي ..
حصه: تعالي معايه رويض ..
روضه: من ثجل العود يعني ..تبينا نتشاطحه ؟؟
حصه: تعالي احسلج ..
روضه: يله انزين .. ودشوا روضه وحصه البيت وراحت سيده غرفة امها والليتات كانت مبنده ودشت وشغلت الليت مال الحجره وراحت صوب التواليت وشلت المله مالت العود توها بتنزل اطالعت الدريشه ..
حصه: صبري صبري ..
روضه: حق شوه ..
راحت حصه وبندت الليت وردت ..
حصه: بوايق ..
روضه: شو هب جايفه خير انتي شو ؟؟..
وراحت حصه وفتحت الستاره وقعدت اطالع تحت شافت السياير اللي واقفه عند باب الميلس من برع شافت سيارة خالد وشافت واحد يمشي وشكله يتكلم في التلفون قعدت ادقق وعقب عرفت انه خالد مااااااااااااتت وحييت نفس الوقت ..
حصه: ااااااااااااه فدييييته اخيرا شفته تعالي تعالي رويض شوفيه ..
روضه: شو اشوف شوقج شو اباه ..
حصه: لا والله اتيين ..
وراحت روضه اتوايق مع حصه ..
روضه : فقته طالعي يغازل ..
حصه: لا والله انزين يمكن ايكلم اربيعه لازم ايغازل ..
روضه: حلللللللللفي انتي ببببس .. اصلا اعيال عمي عوض كلهم ايغازلون من اصغرهم لين اكبرهم .. والحينه بتعاشين عن خلود اكبر مغازلجي ..
حصه: هههههههههههه .. عادي .. خليه الا هو يتسلا محد يابهن مال التلفونات ..
روضه: يله انزين ننزل ..
حصه: لا وقسم بالله مانزلت لين مايدش ..
روضه: يتريون العووووووود ..
حصه: ياربي مااقدر ريولي ماتشلني ..
روضه : ايبلج كرسي ادزج عليه هههههههههههه ..
وحصه ساكته اطالع خالد لين ماروح ..
حصه : من نحاستج روح .. اف والله اني احبببببه واموت فيه ومااقدر احب أي حد غيره ..
روضه : انزين والله اعرف انج اتحبينه خلاص يله ننزل ..
حصه: الحينه عادي ههههههههه .. يله ..
ونزلن حصه وروضه تحت وودلوهم العود ..
بيت بو سيف
الخميس 5 العصر
الرمـــــــــاح ..
لو كان عمري بيديني فدوتك عمري
لكن عــــــمري بيدين اللي ترجيـــته
نزل خالد وشاف امه تتكلم في التلفون ..
ام سيف : ها الحص فديتج شحالج ..؟؟
حصه: بخير يعلني افداج انتوا اشحالكم..
وسرح خالد في حصه وفي يوم هييج المكالمه صح حصه حلوه وصح انه الف من يتمناها لكن هواختار نوره قبلها وهو يحبها ويبغيها ..
ام سيف : بخير يعلني افدا قلبج الا وينها يدتج ماكلمتها اليوم ؟؟..
حصه : يدتيه ظهرت مع امايه راحوا الميناء ياخذون صحون ..
ام سيف : ماعليه عيل فديتج بتصل فيهم اخلاف .. سلمي عليهم ..
حصه : ان شاء الله ياخالتيه سلامن يبلغ .. مع السلامه ..
ام سيف : ربي يسلمج ياربي ..
وسكرت ام سيف عند حصه وصدت ع خالد اللي كان سرحان ...
ام سيف : الحينه لو ماخذ الحص فديتها شو فيها الا من عقب حشمتها وجمالها مافيه ..
خالد:............................................. .....
ام سيف : خلووود ..
خالد: ها امايه ها .؟؟ انزين ماعليه الحينه انتي بتروحين اتخطبينها ؟؟؟
ام سيف: هيه بس بروح البس عباتي وبروح ..
خالد: يله انزين امايه يله فديتج .. انزين وليش هب مخليه حد من عماتي ايي معاج ايروح يخطبها اروحج سايره.. الحينه لو وحده ع هواج وانتي تبينها جان يمعتي قوم عمتيه وخالتيه وكلكم رحتوا اتخطبون ..
ام سيف : خلووووود.. احمد ربك اني سايره اخطبها لك ولا تتشرط ..
خالد: انزين انزين ماعلينا المهم انج اتروحين واتخطبين وبس ..
وراحت ام سيف تلبس عباتها وراحت بيت قوم نوره اتخطبها حق خالد وطبعا رد ام نوره كان انهم مابيحصلون احسن عن خالد ريل حق بنتها ..
بيت بو عبدالله
الخميس 6 المغرب
بوظـــــــــبي ..
غاليــــــه واغلـــــى ومن الغلا اغلــــى.. غالـــــيه وتغلى وحيـــــل القلب يغليها
اخلى وخلى ومنها ياعساني ما اخلى.. ومن قال مغــــــروره لا محدٍ يســـاويها
طحنون : يله امايه اتصلي ..
ام عبدالله : ياويلي يالولد هاذا كيف حشره .. اصبر ياولديه عنبوه ..
طحنون : يامايه من متى وانا صابر من اربع سنين بس صبرت وصبري ملني .. وصبري يالغاليه وصل حده .. اف ..
اسماء : شو بلاه هاذا يتحرطم ؟؟؟..
طحنون : جب انتي مالج خص يللله ..
ام عبدالله : صارقين عنه سيكله بعد شو بلاه اتصلي فيهم واتصلي فيهم..
طحنون : يلللللللله ..
ام عبدالله : ويه غربلات عدوك من ولد هاتي هاتي التلفون فكينا من حشرته ..
وربع هو صوب التلفون وشله وعطاه امه اياه ..
اسماء : هههههههههه لا تتطلبين مني شي اطلبي منه كل شي بيسويلج اياه هههههههههه .. عنبوه هب عرس ..مايسوى عيك ..
طحنون : جب يسوى عليه مالج خص انتي ..
ام عبدالله: سكتوا يعني لازم تبونهم يسمعون ضرايبكم ..
طحنون : اشششششش .. خلاص خلاص .. وحط ايديه ع حلج اسماء .. وسكت ..
ام عبدالله: الوو .. السلام عليكم ..
ام محمد : مرحبا وعليكم السلام والرحمه ..
ام عبدالله: حيالله ام محمد شحالج فديتج..
ام محمد: مرحبا مرحبا الساع .. الله يحييج يعلني افداج بخير وسهاله انتي شحالج وشحال اعيالج .؟؟
ام عبدالله : ابخير وسهاله يالغاليه .. وشحالهم هلج لين الحينه عندج .؟؟.
ام محمد:هيه لين الحينه باجر ان شاء الله بيردون العين ..
ام عبدالله : ياحييهم والله ..
ام محمد: الله يحيج ..
ام عبدالله : الا فديتج انا متصله تلفون اخبرج انا بنمر عليكم يوم السبت ان شاء الله ..
ام محمد: حياج الله يعلني افدا قلبج البيت بيتكم وانتوا هب غرب أي وقت ييتي فيه يامليون مرحبا الساع فيكم ..
ام عبدالله : تسلمين ياغناتي .. خلاص عيل يعلني افداج هب مطوله عليج .. ادريبج هلج عندج وان شاء الله بنتلاقى بالسبت ..
ام محمد: حياكم الله.. ماعليه ربي يحفظج ..
ام عبدالله : سلمي سلمي ..
ام محمد: سلامن يبلغ يعلني افداج وانتي ردي السلام ..
ام عبدالله : ان شاء الله يعلني افداج..
وسكرت ام محمد عن ام عبدالله ..
ام عبدالله : خلاص ارتحت يله فكنيه من الساعه اربع وانته مجابلنيه ..
ونقز طحنون من مكانه : يييييييييييس ووووووووبس واخيرا ..
اسماء : هاذا كله بفضلي طبعا اليه الحلاوه ..
طحنون : لج الضرررررب .. يالعنز .. يله انا بروح عند حموووود .. جاو وظهر عنهم ..